ຂປລ
ສາຍການບິນຫວຽດເຈັດ (Vietjet) ມີໂປຣໂມຊັນສ່ວນຫລຸດພິເສດທ້າຍປີ ມອບໂອກາດໃຫ້ນັກທ່ອງທ່ຽວໄດ້ເພີດເພີນກັບປີ້ຍົນໂດຍສານດ້ວຍສ່ວນຫລຸດສູງສຸດເຖິງ 100%
ຂປລ. ສາຍການບິນຫວຽດເຈັດ (Vietjet) ມີໂປຣໂມຊັນສ່ວນຫລຸດພິເສດທ້າຍປີ ມອບໂອກາດໃຫ້ນັກທ່ອງທ່ຽວໄດ້ເພີດເພີນກັບປີ້ຍົນໂດຍສານດ້ວຍສ່ວນຫລຸດສູງສຸດເຖິງ 100% (ບໍ່ລວມພາສີ ແລະ ຄ່າທຳນຽມ), ໂປຣໂມຊັນທີ່ທຸກຄົນລໍຖ້ານີ້ ໄດ້ໃຫ້ປີ້ຍົນສູງສຸດລ້ານປີ້ໃນລາຄາສຸດປະຢັດ ຊ່ວຍໃຫ້ຜູ້ທີ່ມັກການເດີນທາງສຳຫລວດຫາຈຸດໝາຍທີ່ໜ້າປະທັບໃຈຢູ່ຫວຽດນາມ ແລະ ອື່ນໆ.
ໂປຣໂມຊັນສ່ວນຫລຸດພິເສດນີ້ ຈະເລີ່ມແຕ່ເວລາ 00:00 GMT+7 ຂອງວັນທີ 12 ທັນວາ 2024 ແລະ ຈະໃຊ້ໄດ້ພຽງແຕ່ 24 ຊົ່ວໂມງເທົ່ານັ້ນ ຜູ້ໂດຍສານສາມາດຮັບສ່ວນຫລຸດໄດ້ໂດຍການໃສ່ລະຫັດ VJ12 ເມື່ອຈອງບ່ອນນັ່ງຊັ້ນປະຢັດຢູ່ເວັບໄຊ www.vietjetair.com ຫລື ຜ່ານແອັບມືຖືຂອງ Vietjet Air ປີ້ໂປຣໂມຊັນນີ້ ໃຊ້ໄດ້ໃນການເດີນທາງຕັ້ງແຕ່ວັນທີ 01 ມັງກອນ 2025 ຫາ 25 ຕຸລາ 2025 (ບໍ່ລວມວັນພັກລັດຖະການ ແລະ ລະດູທ່ອງທ່ຽວ). Vietjet ເປັນທີ່ຮູ້ຈັກໃນດ້ານເຄືອຂ່າຍການບິນທີ່ກວ້າງຂວາງທັງໃນທົ່ວປະເທດຫວຽດນາມ ແລະ ພາກພື້ນອາຊີປາຊີຟິກ ໂດຍມອບປະສົບການການເດີນທາງທີ່ບໍ່ມີໃຜທຽບໄດ້ກັບຄ່າໂດຍສານທີ່ມີລາຄາປະຢັດທີ່ສຸດ. ຖ້ຽວບິນປະຈໍາວັນລະຫວ່າງນະຄອນຫລວງວຽງຈັນ ແລະ ນະຄອນໂຮ່ຈີມິນ ເຊິ່ງແມ່ນນະຄອນໃຫຍ່ທີ່ສຸດຂອງຫວຽດນາມ ນັກທ່ອງທ່ຽວຈາກປະເທດລາວສາມາດເພີດເພີນກັບການເດີນທາງທີ່ດີທີ່ສຸດ ແລະ ການບໍລິການທີ່ບໍ່ມີໃຜທຽບໄດ້. 12.12 flash sale ແມ່ນໂປຣໂມຊັນໃຫຍ່ຄັ້ງສຸດທ້າຍຂອງ Vietjet ໃນປີນີ້ ເຊິ່ງເຮັດໃຫ້ນັກທ່ອງທ່ຽວມີໂອກາດທີ່ສຳພັດກັບປະສົບການໃໝ່ຜ່ານການເດີນທາງ ບໍ່ວ່າຈະຂຶ້ນໄປເທິງພູທີ່ສູງໃຫຍ່ ຫລື ສໍາຫລວດຕົວເມືອງທີ່ມີສີສັນ, Vietjet ຂໍເຊີນທຸກຄົນເຂົ້າຮ່ວມໃນການເດີນທາງທີ່ຈະມາເຖິງນີ້.
ຜູ້ໂດຍສານ Vietjet ສາມາດມີຄວາມສຸກໃນການເດີນທາງເທິງເຮືອບິນທີ່ທັນສະໄໝ ແລະ ບໍລິການໂດຍລູກເຮືອທີ່ມີຄວາມເປັນມືອາຊີບ ເພື່ອຮັບປະກັນຄວາມປອດໄພ ແລະ ຄວາມສະດວກສະບາຍ. ການບໍລິການໃນຖ້ຽວບິນຍັງມີການຕ້ອນຮັບຢ່າງອົບອຸ່ນ ແລະ ພ້ອມບໍລິການເມນູອາຫານຫວຽດນາມ ເຊັ່ນ: ເຝີຫວຽດນາມ, ເຂົ້າຈີ່ປາເຕ້ຫວຽດນາມ, ກາເຟນົມເຢັນ ແລະ ອື່ນໆ.
KPL
