ຂປລ
ວິຕາມິນ (Vitamins) ຄືສານອາຫານຊະນິດໜຶ່ງທີ່ຮ່າງກາຍຂອງມະນຸດຄວນໄດ້ຮັບ ເຊິ່ງບໍ່ສາມາດສ້າງຂຶ້ນໄດ້ດ້ວຍໂຕເອງ ຫາກຮັບປະທານອາຫານຄົບ 5 ໝູ່ ຄົບທັງສາມຄາບ ຮ່າງກາຍກໍ່ຈະບໍ່ມີພາວະຂາດວິຕາມິນ ແລະ ບໍ່ຈຳເປັນຕ້ອງຮັບປະທານວິຕາມິນເສີມ.
*ວິຕາມິນ (Vitamins) ຄືສານອາຫານຊະນິດໜຶ່ງທີ່ຮ່າງກາຍຂອງມະນຸດຄວນໄດ້ຮັບ ເຊິ່ງບໍ່ສາມາດສ້າງຂຶ້ນໄດ້ດ້ວຍໂຕເອງ ຫາກຮັບປະທານອາຫານຄົບ 5 ໝູ່ ຄົບທັງສາມຄາບ ຮ່າງກາຍກໍ່ຈະບໍ່ມີພາວະຂາດວິຕາມິນ ແລະ ບໍ່ຈຳເປັນຕ້ອງຮັບປະທານວິຕາມິນເສີມ ແຕ່ສຳລັບບາງຄົນທີ່ມີພາວະຂອງພະຍາດບາງຢ່າງອາດເຮັດໃຫ້ຂາດວິຕາມິນໄດ້ ຈຶ່ງຈຳເປັນຕ້ອງຮັບປະທານວິຕາມິນເສີມ ແຕ່ກໍ່ຄວນກິນພໍດີບ່ໍຫລາຍຈົນເກີນໄປເພາະອາດຈະເກີດຜົນຂ້າງຄຽງຕໍ່ຮ່າງກາຍໄດ້.
ສໍາລັບວິຕາມິນສາມາດແບ່ງໄດ້ ເປັນ 2 ກຸ່ມໃຫຍ່ ຄື: ວິຕາມິນທີ່ລະລາຍໃນນ້ຳໄດ້ແກ່ວິຕາມິນ B ແລະ C ສາມາດຢູ່ໄດ້ໃນຮ່າງກາຍເປັນໄລຍະເວລາສັ້ນໆ ສ່ວນທີ່ເຫລືອຈາກການໃຊ້ງານຈະຖືກຂັບອອກທາງໄຂ່ຫລັງມາກັບນ້ຳຍ່ຽວ. ວິຕາ ມິນທີ່ລະລາຍໃນໄຂມັນໄດ້ແກ່ A, D, E, K ຕ້ອງອາໄສໄຂມັນໃນການປ່ຽນຮູບ ເພື່ອໃຫ້ຜະໜັງລຳໄສສາມາດດູດຊຶມເຂົ້າຮ່າງກາຍ ເພື່ອນຳໄປໃຊ້ໃຫ້ເກີດປະໂຫຍດບໍ່ສາມາດຂັບອອກທາງນ້ຳຍ່ຽວ ໄດ້ຫາກໄດ້ຮັບຫລາຍເກີນໄປຈະເກັບສະສົມໄວ້ໃນຮ່າງກາຍ ແລະ ອາດເປັນອັນຕະລາຍໄດ້.
ສໍາລັບການຮັບປະທານອາຫານເສີມ ປະເພດວິຕາມິນ ຄວນກິນໃນປະລິມານທີ່ພໍ່ດີ ແລະ ຄວນເວ້ັນໄລຍະຫ່າງ ໃນການກິນເພື່ອບ່ໍໃຫ້ເກີດສານອັນຕະລາຍ ສະສົມ ໃນຮ່າງກາຍ.
KPL
