ຂປລ
ທະນາຄານກາງ ກຳປູເຈຍ (NBC) ປະກາດເປີດຕົວ “ບາກອງ ທົວຣີດສ ແອບ ວີສ ມາສເຕີກາດ” (Bakong Tourists App with Mastercard) ເພື່ອໃຫ້ນັກທ່ອງທ່ຽວສາມາດ ຊໍາລະເງິນແບບດິຈິຕອນໄດ້ງ່າຍຍິ່ງຂຶ້ນ ລະຫວ່າງການເດີນທາງ ຢ້ຽມຢາມກຳປູເຈຍ.
ຂປລ.ສຳນັກຂ່າວຊິນຮວາຂອງ ສປຈີນ, ວັນທີ 11 ພະຈິກ, ທະນາຄານກາງ ກຳປູເຈຍ (NBC) ປະກາດເປີດຕົວ “ບາກອງ ທົວຣີດສ ແອບ ວີສ ມາສເຕີກາດ” (Bakong Tourists App with Mastercard) ເພື່ອໃຫ້ນັກທ່ອງທ່ຽວສາມາດ ຊໍາລະເງິນແບບດິຈິຕອນໄດ້ງ່າຍຍິ່ງຂຶ້ນ ລະຫວ່າງການເດີນທາງ ຢ້ຽມຢາມກຳປູເຈຍ. ຫລັງຈາກ ທ່ານ ເຈຍ ເຊເຣຍ, ຜູ້ວ່າການທະນາຄານ ໄດ້ຍົດໃຫ້ເຫັນວ່າ: ຜູ້ໃຊ້ສາມາດໂອນເງິນ ຈາກບັນຊີມາສເຕີຣກາດ ມາຍັງແອບພລີເຄຊັນ ກະເປົ໋າເງິນບາກອງ ທົວຣີສ ໄດ້ແລ້ວ, ໂດຍລັກສະນະຂ້າງເທິງນັ້ນ ຊ່ວຍໃຫ້ ເຂົ້າເຖິງການເງິນ ໄດ້ສະສົມທັນທີ ທັງສາມາດຊື້ສິນຄ້າ ເຮັດການຈອງ ແລະ ຈັດການຄ່າໃຊ້ຈ່າຍໄດ້ແບບບໍ່ຕ້ອງຖືເງິນສົດ ຫລື ໃຊ້ຕູ້ແລກປ່ຽນເງິນຕາ.ນັກທ່ອງທ່ຽວ ສາມາດເຊື່ອມບັດມາສເຕີກາດ ທີ່ມີຢູ່ ເພື່ອເຕີມເງິນເຂົ້າ ບາກອງ ທົວຣີສ ໂດຍກົງໂດຍບໍ່ຕ້ອງເຕີມເງິນຜ່ານຄູ່ຮ່ວມ ທຸລະກິດ ຂອງແອບບາກອງ ອີກຕໍ່ໄປ. ສຳລັບໄລຍະຕໍ່ໄປ ແອບເບື້ອງຕົ້ນ ຈະຊ່ວຍໃຫ້ຜູ້ໃຊ້ ສາມາດເຊື່ອມຕໍ່ກັບບັດຊໍາລະເງິນ ຕ່າງປະເທດອື່ນໆ. ໂດຍໂຄງການນີ້ ມີເປົ້າໝາຍເພື່ອຫລຸດ ການເອື່ອຍອີງ ເງິນສົດ ໃຫ້ນັກທ່ອງທ່ຽວ ສາມາດຊໍາລະເງິນ ດ້ວຍການສະແກນລະຫັດ ເຄເອຊຄີວອາ ໂຄດ (KHQR Code) ຕາມຮ້ານຂາຍຍ່ອຍ ປະມານ 3,3 ລ້ານແຫ່ງ ທົ່ວປະເທດ ກຳປູເຈຍ./.
KPL
