ຂປລ
ກຳປູເຈຍ ສາມາດ ຜະລິດຄຳແທ່ງ ບໍລິສຸດ 90% ໄດ້ແລ້ວເກືອບ 13ໂຕນ ນັບຕັ້ງແຕ່ ດຳເນີນການຂຸດຄົ້ນ ບໍ່ແຮ່ ທາງການຄ້າ ໃນປະເທດນີ້ ເມື່ອເດືອນມິຖຸນາ 2021.
ຂປລ.ສຳນັກຂ່າວ ຊິນຮວາ ຂອງ ສປ ຈີນ,ວັນທີ8 ພະຈິກນີ້, ກຳປູເຈຍ ສາມາດ ຜະລິດຄຳແທ່ງ ບໍລິສຸດ 90% ໄດ້ແລ້ວເກືອບ 13ໂຕນ ນັບຕັ້ງແຕ່ ດຳເນີນການຂຸດຄົ້ນ ບໍ່ແຮ່ ທາງການຄ້າ ໃນປະເທດນີ້ ເມື່ອເດືອນມິຖຸນາ2021. ຫລັງຈາກ ຂໍ້ມູນຈາກ ກົມຊັບພະຍາກອນບໍ່ແຮ່ກະຊວງບໍ່ແຮ່ ແລະ ພະລັງງານ ຂອງກຳປູເຈຍ ເປີດເຜີຍວ່າ: ປະຈຸບັນ ມີ 10 ບໍລິສັດ ຂຸດຄົ້ນຄຳ ໃນທົ່ວປະເທດ, ຕັ້ງຢູ່ໃນແຂວງຄີຣີ ລັດຕະນະຄີຣີ ກຣະແຈະ ກຳປົງຖົງ ພຣະວິຫານ ແລະ ພຣະຕະບອງ ໂດຍບໍລິສັດ ເຣເນຊອງ ມີເນໂຣສ(ກຳປູເຈຍ) ຈຳກັດ ຢູ່ແຂວງ ຄີຣີມີ ຜະລິດຄຳ ສູງສຸດ ປະມານ 2.536 ກິໂລກຣາມ.ກຳປູເຈຍ ເລີ່ມຂຸດຄົ້ນຄຳ ຢູ່ບ່ອນຂຸດຄົ້ນຄຳຢູ່ເຂດ ແກ້ວເສນາ ຂອງແຂວງຄີຣີ ເມື່ອເດືອນມິຖຸນາປີ 2021ໂດຍບໍລິສັດ ເຣເນຊອງ ມີເນີໂຣສ ຊຶ່ງເປັນບໍລິສັດໃນກຸ່ມເອັມເມີໂຣ ຣີຊໍສຊີສ ທີ່ໄດ້ຈົດທະບຽນ ໃນອົດສະຕາລີ ເປັນຜູ້ພັດທະນາ ຂຸດຄົ້ນບໍ່ແຮ່ ດັ່ງກ່າວ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
