ຂປລ
ສູນສົ່ງເສີມ ການຄ້າ ກະສິກຳ ໄດ້ຈັດກອງປະຊຸມ ຖະແຫລງຂ່າວ ໂຄສະນາ ງານວາງສະແດງ ກະສິກຳ ສາກົນ ຄັ້ງທີ 24 ປີ 2024 – AgroViet 2024 ຊຶ່ງຈະຂັດຂຶ້ນ ແຕ່ວັນທີ 20 – 23 ພະຈິກ ຢູ່ນະຄອນຫລວງ ຮ້າໂນ້ຍ ໃນເຂດ ງານຕະຫລາດນັດ ວາງສະແດງ ແລກປ່ຽນ ເສດຖະກິດ ແລະ ການຄ້າ.
ຂປລ.ວິທະຍຸ ກະຈາຍສຽງ ຫວຽດນາມ, ສູນສົ່ງເສີມ ການຄ້າ ກະສິກຳ ໄດ້ຈັດກອງປະຊຸມ ຖະແຫລງຂ່າວ ໂຄສະນາ ງານວາງສະແດງ ກະສິກຳ ສາກົນ ຄັ້ງທີ 24 ປີ 2024 – AgroViet 2024 ຊຶ່ງຈະຂັດຂຶ້ນ ແຕ່ວັນທີ 20 – 23 ພະຈິກ ຢູ່ນະຄອນຫລວງ ຮ້າໂນ້ຍ ໃນເຂດ ງານຕະຫລາດນັດ ວາງສະແດງ ແລກປ່ຽນ ເສດຖະກິດ ແລະ ການຄ້າ. AgroViet 2024 ມີຮ້ານ ວາງສະແດງ 250 ຮ້ານ, ແນະນຳຫລາຍຜະລິດ ຕະພັນ ກະສິກຳ, OCP, ຜະລິດ ຕະພັນ ທີ່ເປັນເອກະລັກ ສະເພາະ, ດີເດັ່ນ ຂອງບັນດາທ້ອງຖິ່ນ, ຜະລິດຕະພັນກະສິກຳ, ເຄື່ອງຈັກ, ເຄື່ອງອຸປະກອນ ຮັບໃຊ້ການຜະລິດ ກະສິກຳ. ຕາມຄະນະ ຈັດຕັ້ງແລ້ວ, ມາຮອດ ປະຈຸບັນ ໄດ້ຮັບໃບຈົດທະບຽນ ເກືອບ 100 ຫົວໜ່ວຍ ຢູ່ທັງພາຍໃນ ແລະ ຕ່າງປະເທດ. ໃນນັ້ນ, ເຂດຮ້ານວາງສະແດງກະສິກຳສາກົນ (99 ຮ້ານ) ມາຈາກຫລາຍປະເທດ ແລະ ເຂດແຄ້ວນ ຄື: ສປ ຈີນ, ເຂດບໍລິຫານພິເສດ ໄຕ້ຫວັນ ຂອງ ສປ ຈີນ, ມົງໂກນ, ສ.ເກົາຫລີ, ອົດສະຕາລີ ແລະ ຣັດເຊຍ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
