ຂປລ
ສະໜາມບິນ ບາຫລີ ປະເທດ ອິນໂດເນເຊຍ ຍົກເລີກ ຖ້ຽວບິນ ຫລາຍກວ່າ 80 ຖ້ຽວ ຫລັງຈາກ ພູໄຟ ເລໂວໂຕບີ ລາກີ-ລາກີ ລະເບີດຂຶ້ນ ຢ່າງຮຸນແຮງ
ຂປລ.ຕາມຂ່າວຈາກ ອິນໂດເນເຊຍ, ວັນທີ13ພະຈິກນີ້, ສະໜາມບິນ ບາຫລີ ປະເທດ ອິນໂດເນເຊຍ ຍົກເລີກ ຖ້ຽວບິນ ຫລາຍກວ່າ 80 ຖ້ຽວ ຫລັງຈາກ ພູໄຟ ເລໂວໂຕບີ ລາກີ-ລາກີ ລະເບີດຂຶ້ນ ຢ່າງຮຸນແຮງ ທີ່ຕັ້ງຢູ່ ເທິງເກາະ ຟລໍເຣສ ແຂວງ ນູຊາເດັງ ກາຣາ ຕາເວັນອອກ ສົ່ງຜົນໃຫ້ມີ ຂີ້ເຖົ່າພູໄຟ ຂຶ້ນສູ່ທ້ອງຟ້າ ສູງເຖິງ 10 ກິໂລແມັດ.ນອກນີ້ ຍັງຕ້ອງເລັ່ງ ຍົກຍ້າຍ ປະຊາຊົນ ປະມານ 12.000ຄົນ ອອກຈາກເຮືອນ ໄປຢູ່ເຂດປອດໄພ. ປັດຈຸບັນ ທຸກໜ່ວຍງານ ທີ່ກ່ຽວຂ້ອງ ຂອງອິນໂດເນເຊຍ ພວມເຝົ້າລະວັງ ຕິດຕາມ ສະຖານະການ ຢ່າງໃກ້ຊິດ ແລະ ພ້ອມໃຫ້ການ ຊ່ວຍເຫລືອ ຜູ້ປະສົບໄພ ທຳມະຊາດ ຈາກພູໄຟ ລະເບີດ ໃນຄັ້ງນີ້ ຢ່າງຮີບດ່ວນ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
