*ຜະລິດຕະພັນຢາພື້ນເມືອງ ມະນີແກ້ວ ຈາກໂຮງງານນໍ້າມັນໝາກພ້າວ ສະກັດເຢັນວິລະວົງ ໜຶ່ງໃນຜະລິດຕະພັນທີ່ໄດ້ເອົາມາວາງສະແດງໃນງານບຸນນະມັດສະການພະທາດຫລວງວຽງຈັນປະຈໍາປີ2024 ເຊິ່ງໄດ້ເຮັດໃຫ້ມວນຊົນໃຫ້ຄວາມສົນໃຈໃນແຕ່ລະມື້ກໍ່ມີລູກຄ້າທັງເກົ່າ ແລະ ໃໝ່ແວ່ວຽນມາຢ້ຽມຢາມບໍ່ຂາດສາຍເພາະສິນຄ້າ ທີ່ ນໍາມາວາງສະແດງ - ຂາຍນັ້ນ ສາມາດຕອບໂຈດກັບມວນຊົນທີ່ເຂົ້າມາເລາະຫລີ້ນບຸນໄດ້ດີເປັນຕົ້ນແມ່ນ: ຢາ ຄັ້ນ ເສັ້ນ, ຢາດົມ, ຢາບໍາລຸງຮ່າງກາຍປັບຮໍໂມນບໍາລຸງເລືອດເຮັດໃຫ້ປະຈໍາເດືອນມາເປັນປົກກະຕິ, ດີໝາກໄຂ່ຫລັງ ແລະ ອື່ນໆອີກຫລາຍຢ່າງ.

ທ່ານ ນາງ ໝ້ວຍນ້ອຍ ນາມສົມສຸກ ເຈົ້າຂອງປະລິດຕະພັນຢາພື້ນເມືອງກາເສືອ 1 ໂຕ ເວົ້າສູ່ຟັງວ່າ: ການເຂົ້າຮ່ວມງານວາງສະແດງໃນຄັ້ງນີ້ກໍ່ຮູ້ສຶກດີໃຈຫລາຍເພາະໄດ້ນໍາເອົາຜະລິດຕະພັນມາວາງສະແດງໃຫ້ສັງຄົມ ຮູ້ຈັກຜະລິດຕະພັນລາວຫລາຍຂຶ້ນກວ່າເກົ່າເພາະການເຂົ້າຮ່ວມງານມັນບໍ່ພຽງແຕ່ສ້າງຍອດຂາຍແຕ່ເປັນການຕໍ່ຍອດເຮັດໃຫ້ຜະລິດຕະພັນເປັນທີ່ຮູ້້ຈັກຢ່າງກວ້າງຂວາງ ແລະ ເທື່ອນີ້ ກໍເປັນອີກເທື່ອໜຶ່ງທີ່ນໍາເອົາສິນຄ້າມາວາງສະ ແດງກໍຍັງໄດ້ການຕອບຮັບທີ່ດີໂດຍຜະລິດຕະພັນທີ່ນໍາມາວາງສະແດງຫລັກໆກໍມີຢາຄັ້ນເສັ້ນ, ຢາດົມ, ຢາບໍາລຸງ ຮ່າງກາຍປັບຮໍໂມນບໍາລຸງເລືອດເຮັດໃຫ້ປະຈໍາເດືອນມາເປັນປົກກະຕິ, ດີໝາກໄຂ່ຫລັງ ແລະ ອື່ນໆທີ່ດີ ຕໍ່ສຸຂະພາບ ໂດຍວັດຖຸດິບທີ່ນໍາມາປຸງແຕ່ງແມ່ນຮັບຊື້ຈາກປະຊາຊົນ ເຊິ່ງຜະລິດຕະພັນແມ່ນເລີ່ມຕົ້ນ 35 ພັນກີບ ຂຶ້ນໄປ.

ທ່ານ ນາງ ໝ້ວຍນ້ອຍ ເວົ້າຕື່ມວ່າ: ອາຊີບນີ້ ຍ້ອນພໍ່ເພີ່ນເປັນຄົນຈີນ ແລະ ໄດ້ມາສ້າງຄອບຄົວກັບ ແມ່ ໃນປະເທດລາວດ້ວຍຄວາມທີ່ເພິ່ນຕອນຢູ່ຈີນກໍເປັນໝໍຢາຈີນຈຶ່ງເຫັນວ່າປະເທດລາວມີຢາພື້ນເມືອງຫລາຍຊະນິດ ທີ່ ສາມາດນໍາມາປຸງແຕ່ງເປັນຢາຊະນິດຕ່າງໆໄດ້ຈຶ່ງມີແນວຄິດລິເລີ່ມເຮັດອາຊີບນີ້ ແຕ່ປີ 1990 ເປັນຕົ້ນມາ ເຊິ່ງ ເລິ່ມຕົ້ນແມ່ນເຮັດຢາຟອກເລືອດອອກມາທໍາອິດຫລັງຈາກເຮັດຢານີ້ ອອກສູ່ສັງຄົມເຫັນວ່າໄດ້ຮັບຜົນຕອບຮັບດີ ຈຶ່ງ ເລີ່ມເຮັດຜະລິດຕະພັນດີກະເພາະ, ດີປະດົງ, ດີລົງຂາວ ແລະ ຜະລິດຕະພັນອື່ນໆອອກມາເລື້ອຍ ເພື່ອຕອບສະໜອງຄວາມຮຽກຮ້ອງຕ້ອງການຂອງສັງຄົມ. ສໍາລັບຕະຫລາດຈໍາໜ່າຍແມ່ນສົ່ງຮ້ານຂາຍຢາລາຍໃຫຍ່ໃນນະຄອນ ຫລວງເປັນຕົ້ນຮ້ານຂາຍຢາໃສສະອາດ, ມະນີວອນ, ແສງດາວ, ອອກຕາມງານວາງສະແດງຕ່າງໆຄື: ງານບຸນທາດ ຫລວງ, ງານວາງສະແດງຜະລິດຕະພັນລາວ ແລະ ອື່ນໆ.

ສະນັ້ນ, ຈຶ່ງຢາກໃຫ້ສັງຄົມເປີດໃຈນໍາໃຊ້ສິນຄ້າລາວໃຫ້ຫລາຍຂຶ້ນ ເພາະຖ້າຜະລິດຕະພັນໄດ້ຮັບຄວາມ ນິຍົມຈາກສັງຄົມແລ້ວ ມັນກໍຈະເປັນແຮງຜັກດັນໃນການພັດທະນາຜະລິດຕະພັນໃຫ້ດີຂຶ້ນເລື່ອຍໆ. ເອົາເປັນວ່າ ທ່ານໃດໄດ້ມາເລາະຫລີ້ນບຸນທາດຫລວງກໍມາແວ່ຢ້ຽມຍາມບູດຢາພື້ນເມືອງກາເສືອ 1 ໂຕຕັ້ງຢູ່ຂ້າງໜ້າສະພາແຫ່ງ ຊາດ ຫລື ທ່ານໃດມາແລ້ວຊອກບໍ່ເຫັນກໍ່ສາມາດຕິດຕໍ່ໄດ້ທີເບີ: 020 78151770

ໂດຍ: ມາລິດາ

KPL