ຂປລ
ຂປລ. ແຫລ່ງຂ່າວຈາກ ແຂວງເຊກອງ ໃຫ້ຮູ້ວ່າ: ວັນທີ 6 ພະຈິກ 2024 ຜ່ານມາ, ອົງການປົກຄອງແຂວງເຊກອງ ຕາງໜ້າໂດຍພະແນກແຜນການ ແລະ ການລົງທຶນແຂວງ ໄດ້ເຊັນສັນຍາອະນຸ ມັດໃຫ້ ພັດທະນາໂຄງການ
\ ຂປລ. ແຫລ່ງຂ່າວຈາກ ແຂວງເຊກອງ ໃຫ້ຮູ້ວ່າ: ວັນທີ 6 ພະຈິກ 2024 ຜ່ານມາ, ອົງການປົກຄອງແຂວງເຊກອງ ຕາງໜ້າໂດຍພະແນກແຜນການ ແລະ ການລົງທຶນແຂວງ ໄດ້ເຊັນສັນຍາອະນຸ ມັດໃຫ້ ພັດທະນາໂຄງການ ໄຟຟ້າແສງຕາເວັນ ອ່າງເກັບນ້ຳຫ້ວຍຂຽວ ມີກຳລັງຕິດຕັ້ງ 5 ເມກາວັດ(MW) ຢູ່ເຂດບ້ານໜອງບົງ ເມືອງລະມາມ ແຂວງເຊກອງ, ມູນຄ່າ 4 ລ້ານກວ່າໂດລາສະຫະລັດ ໂດຍການຮ່ວມລົງນາມ ລະຫວ່າງ ທ່ານ ສາກົນ ພອນປະເສີດ ຫົວໜ້າພະແນກແຜນການ ແລະ ການລົງທຶນແຂວງເຊກອງ ແລະ ທ່ານ ໂພນ ພົມມະຈັນ ປະທານບໍລິສັດ ໂພນຊັບຈະເລີນກໍ່ສ້າງ-ສ້ອມແປງຂົວທາງ ເຄຫາສະຖານ ແລະຊົນລະປະທານ ຈຳກັດຜູ້ດຽວ ໂດຍມີ ທ່ານ ຂັນຕີ ສີລະວົງສາ ຮອງເຈົ້າແຂວງເຊກອງ, ພ້ອມດ້ວຍຂະແໜງການກ່ຽວຂ້ອງຮ່ວມເປັນສັກຂີພິຍານ.
ໂຄງການດັ່ງກ່າວ, ມີກຳລັງຕິດຕັ້ງທັງໝົດ 5 ເມກາວັດ, ມີມູນຄ່າການກໍ່ສ້າງທັງໝົດ 4 ລ້ານກວ່າໂດລາສະຫະລັດ, ນຳໃຊ້ແຜງໂຊລາເຊວ ຈຳນວນ 5.000 ແຜງ, ໄລຍະການກໍ່ສ້າງ ຫລື ພັດທະນາໂຄງການເປັນເວລາ 24 ເດືອນ ແມ່ນໃຫ້ສຳເລັດ, ໂຄງການໄຟຟ້າພະລັງງານແສງຕາເວັນ ນັບວ່າເປັນພະລັງງານທົດແທນ ແລະ ທັງເປັນທາງເລືອກທີ່ສຳຄັນ ໃນການສ້າງຄວາມຫລາກຫລາຍ ຂອງແຫລ່ງຜະລິດພະລັງງານ, ເປັນພະລັງງານສະອາດ ທີ່ມີຜົນກະທົບຕໍ່ສິ່ງແວດລ້ອມ ແລະ ສັງຄົມບໍ່ຫລາຍ ເຊິ່ງຖືກຕ້ອງສອດຄ່ອງກັບທິດການພັດທະນາສີຂຽວຍືນຍົງ ຂອງລັດຖະບານ.
ຂ່າວ: ພຸດທະສອນ
KPL
