ຂປລ
ງານວາງສະແດງ ການບິນ ແລະ ການບິນ ອະວະກາດ ສາກົນຈີນ ຄັ້ງທີ 15 ໄດ້ຈັດຂຶ້ນ ຢູ່ນະຄອນຈູ່ໄຫ ແຂວງກວາງຕຸ້ງຈີນ. ກິດຈະກຳ ເທື່ອນີ້ ໄດ້ດຶງດູດ ວິສາຫະກິດ 1.022 ແຫ່ງ ທີ່ມາຈາກ 47 ປະເທດ ແລະ ເຂດແຄວ້ນ ເຂົ້າຮ່ວມ.
ຂປລ.ວິທະຍຸ ສາກົົນ ແຫ່ງ ສປ ຈີນ, ວັນທີ 12 ພະຈິກນີ້, ງານວາງສະແດງ ການບິນ ແລະ ການບິນ ອະວະກາດ ສາກົນຈີນ ຄັ້ງທີ 15 ໄດ້ຈັດຂຶ້ນ ຢູ່ນະຄອນຈູ່ໄຫ ແຂວງກວາງຕຸ້ງຈີນ. ກິດຈະກຳ ເທື່ອນີ້ ໄດ້ດຶງດູດ ວິສາຫະກິດ 1.022 ແຫ່ງ ທີ່ມາຈາກ 47 ປະເທດ ແລະ ເຂດແຄວ້ນ ເຂົ້າຮ່ວມ. ໃນນັ້ນ ນັກທຸລະກິດ ຕ່າງປະເທດ ເພີ່ມຂຶ້ນ 104% ເມື່ອທຽບໃສ່ ງານວາງສະແດງ ຄັ້ງຜ່ານມາ, ຣັດເຊຍ, ຝຣັ່ງ, ສ.ອາເມຣິກາ, ອາຣັບບີ ຊາອຸດິດ, ອີຕາລີ ແລະ ປະເທດອື່ນໆ ໄດ້ມາເຂົ້າຮ່ວມງານ, ວິສາຫະກິດການບິນ ທີ່ມີຊື່ສຽງ ຢູ່ໃນໂລກ ຈຳນວນຫລວງຫລາຍ ໄດ້ເລັງສາຍຕາ ຊອກຫາໂອກາດ ດ້ານການຕະຫລາດຢູ່ໃນງານວາງສະແດງ ການບິນ ແລະ ການບິນ ອະວະກາດ ຂອງ ສປ ຈີນ ຄັ້ງນີ້. ງານວາງສະແດງຄັ້ງນີ້ ໄດ້ຈັດເຂດວາງ ສະແດງຕ່າງໆ ເຊັ່ນ: ຫໍເສດຖະກິດ ການບິນຕ່ຳ, ຫໍອຸດສາຫະກຳ ເຮືອບິນ ທີ່ໃຊ້ໃນທາງການຄ້າ, ເຂດວາງສະແດງ ອຸດສາຫະກຳ ການບິນພົນລະເຮືອນ, ເຂດວາງສະແດງ ການບິນອະວະກາດ ທີ່ໃຊ້ໃນທາງການຄ້າ ພ້ອມດ້ວຍ ເຂດວາງສະແດງ ວັດຖຸດິບໃໝ່ ແລະ ການນຳໃຊ້ເປັນຕົ້ນ, ຜະລິດຕະພັນ ທີ່ນຳມາວາງສະແດງ ເກືອບທຸກຂົງເຂດ: ທາງບົກ,ທາງທະເລ, ທາງອາກາດ, ການບິນອະວະກາດ, ເອເລັກໂຕຣນິກ ແລະ ເຄືອຂ່າຍຕ່າງໆ, ຜະລິດຕະພັນ ລະດັບ ກ້າວໜ້າຕ່າງໆ ຢູ່ໃນໂລກ ໄດ້ໂຮມສູນ ຢູ່ໃນງານວາງສະແດງຄັ້ງນີ້./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
