ຂປລ
ກົມໃຫຍ່ ສະຖິຕິ ໄດ້ປະກາດ ບົດລາຍງານ ສະພາບການ ເສດຖະກິດ-ສັງຄົມ ຂອງ ສສ ຫວຽດນາມ ໃນເດືອນຕຸລາ ແລະ 10ເດືອນ ຂອງປີ 2024. ໃນນັ້ນ, ມີຫລາຍ ຂົງເຂດ ມີການເຕີບໂຕດີ ພໍສົມຄວນ, ສ້າງປະຖົມ ປັດໄຈ ສຳຄັນ ເພື່ອບັນລຸໄດ້ ເປົ້າໝາຍ ການເຕີບໂຕ ຍອດລວມ ຜະລິດຕະພັນ ພານໃນປະເທດ(GDP) ລະດັບ 7% ພາຍໃນປີ 2024.
ຂປລ.ວິທະຍຸ ກະຈາຍສຽງ ຫວຽດນາມ,ວັນທີ 6 ພະຈິກນີ້ ຢູ່ນະຄອນຫລວງ ຮ່າໂນ້ຍ, ກົມໃຫຍ່ ສະຖິຕິ ໄດ້ປະກາດ ບົດລາຍງານ ສະພາບການ ເສດຖະກິດ-ສັງຄົມ ຂອງ ສສ ຫວຽດນາມ ໃນເດືອນຕຸລາ ແລະ 10ເດືອນ ຂອງປີ 2024. ໃນນັ້ນ, ມີຫລາຍ ຂົງເຂດ ມີການເຕີບໂຕດີ ພໍສົມຄວນ, ສ້າງປະຖົມ ປັດໄຈ ສຳຄັນ ເພື່ອບັນລຸໄດ້ ເປົ້າໝາຍ ການເຕີບໂຕ ຍອດລວມ ຜະລິດຕະພັນ ພານໃນປະເທດ(GDP) ລະດັບ 7% ພາຍໃນປີ 2024. ຂໍ້ມູນທີ່ເປັນໜ້າສົນໃຈນັ້ນ ແມ່ນດັດຊະນີ ການຜະລິດ ຂະແໜງ ອຸດສາຫະກຳ ໃນເດືອນຕຸລາ 2024 ຄາດວ່າ ເພີ່ມຂຶ້ນ 4%ເມື່ອທຽບໃສ່ກັບເດືອນກ່ອນ ແລະ ເພີ່ມຂຶ້ນ 7%ເມື່ອທຽບໃສ່ກັບ ໄລຍະດຽວກັນ ຂອງປີ 2023. ເງິນລົງທຶນໂດຍກົງ ຈາກຕ່າງປະເທດ ໃນຕົວຈິງຢູ່ ສສ ຫວຽດນາມ ໃນ 10 ເດືອນປີ 2024 ຄາດວ່າ ບັນລຸ 19,58ຕື້ ໂດລາສະຫະລັດ, ເພີ່ມຂຶ້ນ 8,8%ເມື່ອທຽບໃສ່ກັບ ໄລຍະດຽວກັນ ຂອງປີ 2023. ຈາກນັ້ນ ທ່ານ ຮອງສາດສະດາຈານ, ປ.ອ ຫງວຽນເທື້ອງລ້າງ, ເປັນ ອາຈານສອນ ມະຫາວິທະຍາໄລ ເສດຖະກິດແຫ່ງຊາດ ໃຫ້ຂໍ້ສັງເກດວ່າ: ສະພາບການ ເສດຖະກິດຂອງ ສສ ຫວຽດນາມ ໃນ 10 ເດືອນປີນີ້ ແມ່ນມີ ສະພາບການ ທີ່ດີ, ສ້າງທ່ວງທ່າ ບຸກທະລຸ ຂອງພື້ນຖານ ເສດຖະກິດ ຫວຽດນາມ ໃນໄລຍະຈະມາເຖິງ. ດັ່ງນັ້ນ ໃນອີກ 2 ເດືອນທ້າຍປີນີ້, ເສດຖະກິດ ຂອງ ສສ ຫວຽດນາມ ຈະມີການພັດທະນາ ຢ່າງແຮງ ເພື່ອບັນລຸໄດ້ ບັນດາເປົ້າໝາຍ ໃນໄລຍະເວລາສຸດທ້າຍນີ້./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
