ຂປລ
ທ່ານ ມາຊຸດ ເປເຊັສກຽນ ປະທານາທິບໍດີ ອີຣານ ໄດ້ກ່າວຄຳໄສ ອະພິປາຍທົ່ວໄປ ໃນກອງປະຊຸມ ສະມັດຊາໃຫຍ່ ອົງການ ສະຫະ ປະຊາຊາດວ່າ: ອີຣານ “ຈະບໍ່ກົ້ມຫົວລົງ ຫລື ຈະບໍ່ຄຸເຂົ່າ ຍອມຈຳນົນ ຢ່າງເດັດຂາດ”, ພ້ອມທັງ ຮຽກຮ້ອງ ໃຫ້ທຸກປະເທດ ສຸມຄວາມພະຍາຍາມ ຮ່ວມກັນເພື່ອບັນລຸ ສັນຕິພາບ.
ຂປລ.ວິທະຍຸ ໂທລະພາບ ສູນກາງຈີນ, ວັນທີ 23 ກັນຍານີ້, ທ່ານ ມາຊຸດ ເປເຊັສກຽນ ປະທານາທິບໍດີ ອີຣານ ໄດ້ກ່າວຄຳໄສ ອະພິປາຍທົ່ວໄປ ໃນກອງປະຊຸມ ສະມັດຊາໃຫຍ່ ອົງການ ສະຫະ ປະຊາຊາດວ່າ: ອີຣານ “ຈະບໍ່ກົ້ມຫົວລົງ ຫລື ຈະບໍ່ຄຸເຂົ່າ ຍອມຈຳນົນ ຢ່າງເດັດຂາດ”, ພ້ອມທັງ ຮຽກຮ້ອງ ໃຫ້ທຸກປະເທດ ສຸມຄວາມພະຍາຍາມ ຮ່ວມກັນເພື່ອບັນລຸ ສັນຕິພາບ. ຈາກນັ້ນ ທ່ານ ມາຊຸດ ເປເຊັສກຽນ ກ່າວວ່າ: ອີຣານ ບໍ່ຫວັງຄອບຄອງອາວຸດນິວເຄລຍ, ທັງບໍ່ຍອມຮັບ ການຈຳກັດ ຕໍ່ແຜນການນິວເຄລຍ ທີ່ໃຊ້ໃນທາງພົນລະເຮືອນ. ພ້ອມທັງກ່າວຢ້ຳວ່າ: ອີຣານ ຍິນດີຢູ່ຮ່ວມກັນຢ່າງເປັນມິດ ກັບປະເທດໃກ້ຄຽງ ໃນພາກພື້ນ, ບັນຫາໃນພາກພື້ນ ຕ້ອງໃຫ້ປະເທດ ໃນພາກພື້ນ ເປັນຜູ້ແກ້ໄຂ, ບໍ່ຄວນປ່ອຍ ໃຫ້ອິດທິກຳລັງ ພາຍນອກ ເຂົ້າມາແຊກແຊງ. ການອະພິປາຍ ທົ່ວໄປ ໃນກອງປະຊຸມສະມັດຊາໃຫຍ່ ອົງການ ສະຫະປະຊາຊາດ ສະໄໝທີ 81 ໄດ້ເລີ່ມຂຶ້ນ ຢູ່ສຳນັກງານໃຫຍ່ ສະຫະປະຊາຊາດ ທີ່ນະຄອນ ນິວຢອກ ຂອງ ສ.ອາເມລິກາ ເມື່ອບໍ່ດົນມານີ້./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
