ຂປລ
ຂປລ. ໃນວັນທີ 30 ຕຸລາ 2024 ນີ້, ທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ ໄດ້ສົ່ງສານສະແດງຄວາມເຫັນໃຈ ເຖິງ ທ່ານ ເຟີດີນານ ມາກອດ ຈູເນຍ ປະທານາທິບໍດີ ແຫ່ງ ສາທາລະນະລັດ ຟີລິບປິນ ຕໍ່ການສູນເສຍຊີວິດ ແລະ ຊັບສິນຂອງ ປະຊາຊົນຟີລິບປິນ ຈາກພາຍຸ ທຣາມີ (ຄຣິສຕິນ) ໃນວັນທີ 25 ຕຸລາ 2024 ຜ່ານມາ.
ຂປລ. ໃນວັນທີ 30 ຕຸລາ 2024 ນີ້, ທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ ໄດ້ສົ່ງສານສະແດງຄວາມເຫັນໃຈ ເຖິງ ທ່ານ ເຟີດີນານ ມາກອດ ຈູເນຍ ປະທານາທິບໍດີ ແຫ່ງ ສາທາລະນະລັດ ຟີລິບປິນ ຕໍ່ການສູນເສຍຊີວິດ ແລະ ຊັບສິນຂອງ ປະຊາຊົນຟີລິບປິນ ຈາກພາຍຸ ທຣາມີ (ຄຣິສຕິນ) ໃນວັນທີ 25 ຕຸລາ 2024 ຜ່ານມາ.
ເນື້ອໃນສານລະບຸໄວ້ວ່າ: ຂ້າພະເຈົ້າ ຮູ້ສຶກເສຍໃຈເປັນຢ່າງຍິ່ງ ທີ່ໄດ້ຊາບຂ່າວການສູນເສຍຊີວິດ ແລະ ຊັບສິນຂອງປະຊາຊົນຟີລິບປິນ ເພື່ອນມິດຈໍານວນຫລວງຫລາຍ ຈາກພາຍຸ ທຣາມີ (ຄຣິສຕິນ) ທີ່ໄດ້ພັດໃສ່ໃນຫລາຍແຂວງ, ລວມທັງນະຄອນຫລວງມະນີລາ ຂອງປະເທດຟີລິບປິນ ໃນວັນທີ 25 ຕຸລາ 2024 ທີ່ຜ່ານມາ.
ໃນນາມຕາງໜ້າໃຫ້ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ກໍຄື ໃນນາມສ່ວນຕົວ, ຂ້າພະເຈົ້າ ຂໍສະແດງຄວາມເຫັນອົກເຫັນໃຈ ແລະ ເສຍໃຈ ເປັນຢ່າງຍິ່ງມາຍັງລັດຖະ ບານ ແລະ ປະຊາຊົນ ແຫ່ງ ສາທາລະນະລັດ ຟີລິບປິນ ໂດຍສະເພາະຄອບຄົວຜູ້ຖືກເຄາະຮ້າຍ ຈາກໄພພິບັດທີ່ຮ້າຍແຮງໃນຄັ້ງນີ້.
ຂ້າພະເຈົ້າ ເຊື່ອໝັ້ນວ່າ ພາຍໃຕ້ການເອົາໃຈໃສ່ຂອງ ລັດຖະບານ ແຫ່ງ ສາທາລະນະລັດ ຟີລິບປິນ, ປະຊາຊົນຟີລິບປິນເພື່ອນມິດ ຈະສາມາດຜ່ານຜ່າຄວາມຫຍຸ້ງຍາກທີ່ເກີດຂຶ້ນ ແລະ ຟື້ນຟູເຂດດັ່ງກ່າວ ໃຫ້ກັບຄືນສູ່ສະພາບປົກກະຕິໂດຍໄວ.
KPL
