ຂປລ
ຂປລ. ເມື່ອບໍ່ດົນມານີ້, ທ່ານ ລິນຄຳ ດວງສະຫວັນ ລັດຖະມົນຕີກະຊວງກະສິກຳ ແລະ ປ່າໄມ້ ສປປ ລາວ ພ້ອມຄະນະ ໄດ້ເຄື່ອນໄຫວຢ້ຽມຢາມ ແລະ ເຮັດວຽກ ຢູ່ ປະເທດ ຮົງການລີ ໂດຍມີ ທ່ານ ເອກອັກຄະລັດຖະທູດ ແຫ່ງ ສປປ ລາວ ປະຈຳຮົງກາລີ ໄດ້ຕິດຕາມຄະນະຕະຫລອດ ໄລຍະການ ເຄື່ອນໄຫວ.
ຂປລ. ເມື່ອບໍ່ດົນມານີ້, ທ່ານ ລິນຄຳ ດວງສະຫວັນ ລັດຖະມົນຕີກະຊວງກະສິກຳ ແລະ ປ່າໄມ້ ສປປ ລາວ ພ້ອມຄະນະ ໄດ້ເຄື່ອນໄຫວຢ້ຽມຢາມ ແລະ ເຮັດວຽກ ຢູ່ ປະເທດ ຮົງການລີ ໂດຍມີ ທ່ານ ເອກອັກຄະລັດຖະທູດ ແຫ່ງ ສປປ ລາວ ປະຈຳຮົງກາລີ ໄດ້ຕິດຕາມຄະນະຕະຫລອດ ໄລຍະການ ເຄື່ອນໄຫວ.
ໂອກາດນີ້, ທ່ານລັດຖະມົນຕີກະຊວງກະສິກຳ ແລະ ປ່າໄມ້ ສປປ ລາວ ໄດ້ພົບປະ ກັບ ທ່ານ Sandor FARKAS ຮອງລັດຖະມົນຕີ ກະຊວງກະສິກຳ ຮົງກາລີ ເພື່ອໄດ້ປຶກສາຫາລື ກ່ຽວກັບ ການຮ່ວມມືໃນໄລຍະຜ່ານມາ ແລະ ແຜນການຮ່ວມມື ໃນຕໍ່ໜ້າ ໂດຍສະເພາະ ແມ່ນການກະກຽມ ຮ່າງບົດສະເໜີການຮ່ວມມື ພາຍໃຕ້ເງິນກູ້ຢືມດອກເບ້ຍຜ່ອນຜັນແບບມີເງື່ອນໄຂ ໃນຂົງເຂດກະສິກຳ ເປັນຕົ້ນ ການຄຸ້ມຄອງຊັບພະຍາກອນນ້ຳ, ການນຳໃຊ້ນະວັດຕະກຳ ເຕັກນິກ-ເຕັກໂນໂລຊີທີ່ທັນສະໄໝ ສຳລັບການຜະລິດຊີ້ນ ແລະ ປາ ທີ່ມີຄຸນະນະພາບສູງ ເພື່ອການສົ່ງອອກ, ການພັດທະນາຊັບພະຍາ ກອນມະນຸດ ແລະ ການໃຫ້ທຶນການສຶກສາໃນຂົງເຂດກະສິກຳ ໃຫ້ພະນັກງານກະຊວງກະສິກຳ ແລະ ປ່າໄມ້ ສປປ ລາວ ແລະ ດ້ານອື່ນໆ.
ນອກຈາກນີ້, ທ່ານ ລັດຖະມົນຕີກະຊວງກະສິກຳ ແລະ ປ່າໄມ້ ພ້ອມຄະນະ ຍັງໄດ້ຢ້ຽມຢາມ ແລະ ພົບປະກັບ ມະຫາວິທະຍາໄລ ກະສິກໍາ ແລະ ວິທະຍາສາດສິ່ງມີຊີວິດ (MATE) ປະເທດຮົງກາລີ ເຊິ່ງໄດ້ປຶກສາຫາລື ກ່ຽວກັບການຮ່ວມມືດ້ານການສຶກສາ ແລະ ການສົ່ງເສີມກະສິກໍາ ໃນຕໍ່ໜ້າ, ໂດຍສະເພາະ ຄວາມເປັນໄປໄດ້ໃນການເຊັນບົດບັນທຶກຄວາມເຂົ້າໃຈ ລະຫວ່າງ ກະຊວງກະສິກໍາ ແລະ ປ່າໄມ້ ສປປ ລາວ ແລະ ມະຫາວິທະຍາໄລ MATE ປະເທດຮົງກາລີ ດ້ານວຽກງານໃນຂົງເຂດກະສິ ກຳ ໂດຍສະເພາະ ແມ່ນການນຳໃຊ້ເຕັກໂນໂລຊີ ທີ່ທັນສະໄໝ ເຂົ້າໃນການ ຜະລິດກະສິກຳ, ການນຳໃຊ້ພະລັງງານສະອາດໃນການຜະລິດກະສິກຳ, ການຄຸ້ມຄອງ ແລະ ຈັດການການນຳໃຊ້ນ້ຳຊົນລະປະທານ, ການແລກປ່ຽນ ແລະ ຮ່ວມມື ຂອງສະຖາບັນຄົ້ນຄວ້າຂອງສອງຝ່າຍ, ການພັດທະນາບຸກຄະລາກອນ ແລະ ອື່ນໆ, ພ້ອມທັງຢ້ຽມຢາມ ພື້ນຖານການຜະລິດ ຂອງຮົງກາລີ ຈຳນວນໜຶ່ງ.
ຂ່າວ-ພາບ: ຂ່າວສານກະສິກຳ-ປ່າໄມ້
KPL
