ຂປລ.ສຳນັກ ​ຂ່າວ​ວິທະຍຸ ກະຈາຍສຽງ ​ແຫ່ງ​ຊາດ ຫວຽດນາມ, ວັນທີ 30 ເດືອນຕຸລາ,  ທ່ານ ຟ້າມວຽດຮຸ່ງ ເອກອັກ ຄະລັດ ຖະທູດ ຫວຽດນາມ ປະຈຳໄທ ກ່າວເນັ້ນວ່າ ເວທີປາໄສ ໄດ້ບັນລຸ ໝາກຜົນ  ເຮັດໃຫ້ວຽກງານການເຊື່ອມຕໍ່ ເພີ່ມທະວີ ການເຊື່ອມຕໍ່ ບັນດາ ຂົງເຂດ ດຳເນີນ ທຸລະກິດ, ການຄ້າ ແລະ ການລົງທຶນ ໂດຍຜ່ານຂັ້ນຕອນການ ບໍລິການ ພາລະທິການ ​ໂລ​ຈິ​ສະຕິກ (logistics) ໄດ້ຮັບຖືວ່າແມ່ນກົນໄກສຳຄັນ ຊ່ວຍຄຸ້ມຄອງການໃຊ້ຈ່າຍ ໃນການດຳເນີນທຸລະກິດ ໃນສະພາບ ການປ່ຽນແປງ ກ່ຽວກັບ ການແກ້ງແຍ້ງກັນ ແລະ ພູມີສາດການເມືອງ. ນີ້ແມ່ນຂໍ້ສັງເກດ ໄດ້ຮັບການແບ່ງປັນ ຢູ່ກອງປະຊຸມສຳມະນາ “ຊຸກຍູ້ການເຊື່ອມຕໍ່ ​ໂລ​ຈິ​ສະຕິກ ລະຫວ່າງ ໄທ ແລະ ຫວຽດນາມ” ທີ່ໄດ້ດຳເນີນໃນວັນທີ 29 ຕຸລາ ຢູ່ນະຄອນຫລວງ ບາງກອກ (ໄທ).

ທ່ານ ຟ້າມວຽດຮຸ່ງ ກ່າວວ່າ ລັດຖະບານ ຫວຽດນາມ ໄດ້ກຳນົດ​ໂລ​ຈິ​ສະຕິກ ແມ່ນໜຶ່ງ ໃນບັນດາ ຂະແໜງການ ບໍລິການສຳຄັນ. ຕາມແຜນການ, ນາຍົກລັດຖະມົນຕີ ຫວຽດນາມ ໄດ້ອະນຸມັດຜ່ານ, ຂະແໜງການບໍລິການ​ໂລ​ຈິ​ສະຕິກ ຫວຽດນາມ ໃຫ້ສູ້ຊົນ ຮອດປີ 2025 ເພື່ອໃຫ້ ບັນລຸ 6 ເປົ້າໝາຍໃຫຍ່. ສະນັ້ນ ອັດຕາການປະກອບສ່ວນ ຂອງ ການບໍລິການ ​ໂລ​ຈິ​ສະຕິກ ແລະ ລວມຍອດ​ ຜະລິດ​ຕະພັນ ​ພາຍ​ໃນ​ ປະ​ເທດ (GDP) ບັນລຸ 5% - 6%.  ໄທ ແມ່ນປະເທດໜຶ່ງ ທີ່ມີບົດຮຽນ ໃນການ ພັດທະນາ ຂະແໜງການ ບໍລິການ ​ໂລ​ຈິ​ສະຕິກໃນພາກພື້ນ. ສະນັ້ນ, ຄວາມສາມາດ ບົ່ມຊ້ອນ ໃນການຮ່ວມສຳພັນ ໃນຂະແໜງ ການບໍລິການ​ໂລ​ຈິ​ສະຕິກ ລະຫວ່າງ ວິສາຫະກິດ ຂອງ ສອງປະເທດ. ປັດຈຸບັນແມ່ນ ມີຄວາມສາມາດ ບົ່ມຊ້ອນ ຫລາຍຢ່າງ, ດ້ວຍພື້ນຖານ ໂຄງລ່າງຄື: ສາງ, ໂຮງງານຂົວ ໃຫ້ກຳປັ່ນທຽບທ່າ ເພື່ອໝູນໃຊ້ ເຕັກໂນໂລຊີ, ເຄື່ອງຈັກ, ວັດຖຸອຸປະກອນ ທີ່ທັນສະໄໝ, ການຮ່ວມທຸລະກິດ, ຮ່ວມສຳພັນອື່ນໆ./

KPL