ຂປລ
ທ່ານ ຫລີນຊີສຽງ ໂຄສົກ ອົງການ ອາວະກາດ ທີ່ມີມະນຸດ ຄວບຄຸມ ແຫ່ງປະເທດ ສປຈີນ (CMSA) ຖະແຫລງວ່າ: ສປຈີນ ພວມຢູ່ໃນ ລະຫວ່າງ ການປຶກສາຫາລື ເພື່ອຄັດເລືອກ ແລະ ຝຶກອົບຮົມ ນັກບິນ ອາວະກາດ ຈາກ ປະເທດ ພັນທະມິດ ເພື່ອເຂົ້າມາມີສ່ວນຮ່ວມ ໃນພາລະກິດ ສະຖານີ ອາວະກາດຂອງ ສປຈີນ.
ຂປລ. ສຳນັກຂ່າວ ຊິນຮວາ ຂອງ ສປຈີນ, ເມື່ອບໍ່ດົນມານີ້, ທ່ານ ຫລີນຊີສຽງ ໂຄສົກ ອົງການ ອາວະກາດ ທີ່ມີມະນຸດ ຄວບຄຸມ ແຫ່ງປະເທດ ສປຈີນ (CMSA) ຖະແຫລງວ່າ: ສປຈີນ ພວມຢູ່ໃນ ລະຫວ່າງ ການປຶກສາຫາລື ເພື່ອຄັດເລືອກ ແລະ ຝຶກອົບຮົມ ນັກບິນ ອາວະກາດ ຈາກ ປະເທດ ພັນທະມິດ ເພື່ອເຂົ້າມາມີສ່ວນຮ່ວມ ໃນພາລະກິດ ສະຖານີ ອາວະກາດຂອງ ສປຈີນ.
ທ່ານ ຫລີນຊີສຽງ ກ່າວ່າ ອົງການ ກ່ຽວຂ້ອງ ຍິນດີ ຕ້ອນຮັບ ບັນດາ ພັນທະມິດ ຕ່າງຊາດ ເພື່ອໃຫ້ເຂົ້າມາຮ່ວມ ພາລະກິດ ການບິນອາວະກາດ ທີ່ ສະຖານີ ອາວະກາດ ສປຈີນ ໃນງານຖະແຫລງຂ່າວ ຢູ່ເມືອງ ຈີວສວຽນ ທາງພາກຕາເວັນ ຕົກສຽງໃຕ້ ທີ່ ຈັດຂຶ້ນ ກ່ອນໜ້າ ພາລະກິດ ການເດີນທາງ ໄປສູ່ ອາວະກາດ ທີ່ມີ ມະນຸດຄວບຄຸມ ເສີນໂຈວ-19(Shenzhou-19) ໄດ້ຈັດຂຶ້ນ ເມື່ອບໍ່ດົນມານີ້. ບໍ່ວ່າ ຈະເປັນ ປະເທດໃດ ທີ່ເຂົ້າມາຮ່ວມ ການໄຂ ຄວາມລຶກລັບ ຂອງ ຈັກກະວານ ຖືເປັນ ພາລະກິດ ຮ່ວມກັນ ຂອງ ມວນມະນຸດຊາດ ແລະ ພາລະກິດອາວະກາດ ທີ່ມີ ມະນຸດຄວບຄຸມ ຖືເປັນ ຄວາມພະຍາຍາມ ຂອງ ມະນຸດ ໃນການໃຊ້ ປະໂຫຍດ ຈາກ ຊັບພະຍາກອນ ອາວະກາດ. ປັດຈຸບັນ ອຸປະກອນບັນທຸກ (payload ) ຊຸດທຳອິດ ທີ່ ຄັດເລືອກ ພາຍໃຕ້ ຄວາມຮ່ວມມື ລະຫວ່າງ ສປຈີນ ແລະ ສຳນັກງານ ກິດຈະການ ອາວະກາດ ສ່ວນນອກ ແຫ່ງສະຫະປະຊາຊາດ (UNOOSA) ພວມດຳເນີນການທົດລອງ ໃນວົງໂຄຈອນ ແລະ ຍັງມີການ ກະກຽມ ຈັດທຳແຜນລິເລີ່ມ ການວິໄຈ ຊຶ່ງທົດລອງ ຮ່ວມກັນ ລະຫວ່າງ ປະເທດ ໄດ້ເພີ່ມຂຶ້ນ ອີກດ້ວຍ. /
KPL
