ຂປລ
ຂປລ. ນະຄອນຫລວງວຽງຈັນ (ນວ) ຮ່ວມກັບ ພະແນກພົວພັນສາກົນ ແລະ ເສດຖະກິດພາຍນອກ ນະຄອນຫລວງມົດສກູ ປະເທດຣັດເຊຍ ຈັດຊຸດສຳມະນາ ເພື່ອແລກປ່ຽນຄວາມຮູ້, ບົດຮຽນ ແລະ ປະສົບການ ດ້ານວິຊາການ ຮ່ວມກັນ ໃນໂອກາດວັນສັບປະດາມົດສະກູ ໃນວັນທີ 30 ຕຸລາ 2024 ນີ້, ຢູ່ນະຄອນຫລວງວຽງຈັນ ໂດຍ ມີ ທ່ານ ພູວົງ ວົງຄໍາຊາວ ຮອງເຈົ້າຄອງນະຄອນຫລວງວຽງຈັນ, ທ່ານ ວາລາດີເມຍ ກາລີນ ເອກອັກຄະລັດຖະທູດ ແຫ່ງສະຫະພັນ ຣັດເຊຍ ປະຈຳ ລາວ ພ້ອມດ້ວຍ ຂະແໜງການທີ່ກ່ຽວຂ້ອງ ເຂົ້າຮ່ວມ.
ຂປລ. ນະຄອນຫລວງວຽງຈັນ (ນວ) ຮ່ວມກັບ ພະແນກພົວພັນສາກົນ ແລະ ເສດຖະກິດພາຍນອກ ນະຄອນຫລວງມົດສກູ ປະເທດຣັດເຊຍ ຈັດຊຸດສຳມະນາ ເພື່ອແລກປ່ຽນຄວາມຮູ້, ບົດຮຽນ ແລະ ປະສົບການ ດ້ານວິຊາການ ຮ່ວມກັນ ໃນໂອກາດວັນສັບປະດາມົດສະກູ ໃນວັນທີ 30 ຕຸລາ 2024 ນີ້, ຢູ່ນະຄອນຫລວງວຽງຈັນ ໂດຍ ມີ ທ່ານ ພູວົງ ວົງຄໍາຊາວ ຮອງເຈົ້າຄອງນະຄອນຫລວງວຽງຈັນ, ທ່ານ ວາລາດີເມຍ ກາລີນ ເອກອັກຄະລັດຖະທູດ ແຫ່ງສະຫະພັນ ຣັດເຊຍ ປະຈຳ ລາວ ພ້ອມດ້ວຍ ຂະແໜງການທີ່ກ່ຽວຂ້ອງ ເຂົ້າຮ່ວມ.
ການສຳມະນາໃນຄັ້ງນີ້, ແນໃສ່ໃຫ້ຜູ້ເຂົ້າຮ່ວມ ໄດ້ຮັບຮູ້ ແລະ ເຂົ້າໃຈ ເລິກເຊິ່ງ ຕື່ມອີກຕໍ່ກັບການພົວພັນ ຮ່ວມມືຂອງສອງນະຄອນຫລວງ ໄດ້ເປັນແຮງພັກດັນ ເພື່ອປະກອບສ່ວນສຳຄັນເຂົ້າໃນ ການແລກປ່ຽນການຮ່ວມມື ດ້ານເສດຖະກິດ, ການຄ້າ ລະຫວ່າງ ລາວ ແລະ ຣັດເຊຍ ເຊິ່ງຜ່ານມາໄດ້ມີພາກເອກະຊົນ, ນັກທຸລະກິດ, ຜູ້ປະກອບການ ຂອງຣັດເຊຍ ເຂົ້າມາລົງທຶນຄ້າຂາຍ ແລະ ດຳເນີນທຸລະກິດຢູ່ ສປປ ລາວ ໂດຍສະເພາະ ຢູ່ໃນພື້ນທີ່ ນວ ເຫັນວ່າມີຫລາຍດ້ານ ທີ່ສ້າງເງື່ອນໄຂສະດວກ ແລະ ເປັນການເປີດໂອກາດ ໃຫ້ແຕ່ລະຝ່າຍ ໃນການດຶງດູດການລົງທຶນ, ທັງໄດ້ມີສ່ວນຮ່ວມ ໃນການພັດທະນາ ເສດຖະກິດໃນແຕ່ລະໄລຍະ.
ໂອກາດນີ້, ສອງຝ່າຍ ໄດ້ແລກປ່ຽນຫລາຍຫົວຂໍ້ສຳຄັນ ການພົວພັນຕ່າງປະເທດ, ກິດຈະກຳເສດຖະກິດພາຍນອກ, ກ່ຽວກັບອົງການປົກຄອງທ້ອງຖິ່ນ, ກ່ຽວກັບຕົວເມືອງທີ່ສ້າງສັນ ແລະ ຮູບເງົາ-ວັດທະນະທຳ.
ຂໍ້ມູນ: ໜັງສືພິມວຽງຈັນໃໝ່
KPL
