ຂປລ
ຂປລ. ແຫລ່ງຂ່າວຈາກ ເມືອງແກ່ນທ້າວ ແຂວງໄຊຍະບູລີ ໃຫ້ຮູ້ວ່າ: ເມື່ອບໍ່ດົມານີ້, ຫ້ອງການອຸດສາຫະກໍາ ແລະ ການຄ້າ(ອຄ) ເມືອງແກ່ນທ້າວ ສົມທົບກັບຫ້ອງການໂຍທາທິການ ແລະ ຂົນສົ່ງເມືອງ ແລະ ອົງການກວດ
ຂປລ. ແຫລ່ງຂ່າວຈາກ ເມືອງແກ່ນທ້າວ ແຂວງໄຊຍະບູລີ ໃຫ້ຮູ້ວ່າ: ເມື່ອບໍ່ດົມານີ້, ຫ້ອງການອຸດສາຫະກໍາ ແລະ ການຄ້າ(ອຄ) ເມືອງແກ່ນທ້າວ ສົມທົບກັບຫ້ອງການໂຍທາທິການ ແລະ ຂົນສົ່ງເມືອງ ແລະ ອົງການກວດ ກາລັດເມືອງ ລົງຕິດຕາມ ແລະ ກວດກາການກໍານົດຄ່າບໍລິການລ້າງລົດ ຢູ່ພາຍໃນເທສະບານເມືອງ ນໍາໂດຍ ທ່ານ ນາງ ເຂັມທອງ ຈິນດາມະນີ ຫົວໜ້າຫ້ອງການອຸດສາຫະກໍາ ແລະ ການຄ້າເມືອງ. ການລົງຕິດຕາມ ແລະ ກວດກາຄັ້ງນີ້, ກໍເພື່ອຮັບປະກັນລາຄາລ້າງລົດຢູ່ພາຍໃນເມືອງ ໃຫ້ເປັນເອກະພາບກັນ ແລະ ບໍ່ໃຫ້ຂຶ້ນລາຄາເກີນທີ່ກໍານົດໄວ້ ເຊັ່ນ: ລົດກະບະ, ລົດເກັງ 70,000 ກີບ/ຄັນ, ລົດປາໂດ, ລົດແລນກຸຍເຊີ ແລະ ລົດຕູ້ 100,000 ກີບ/ຄັນ. ພ້ອມນີ້, ຍັງເປັນການກະກຽມໃຫ້ແກ່ການດໍາເນີນກອງປະຊຸມໃຫຍ່ ອົງຄະ ນະພັກເມືອງ ແກ່ນທ້າວ, ອົງການແນວລາວສ້າງຊາດເມືອງ, ສະຫະພັນນັກຮົບເກົ່າເມືອງ ແລະ ອົງການຈັດຕັ້ງມະຫາຊົນຂັ້ນເມືອງ ທີ່ຈະໄດ້ໄຂຂຶ້ນໃນມໍ່ໆນີ້.
ຂ່າວ: ແກ່ນທ້າວ
KPL
