ຂປລ
ຂປລ. ຕອນເຊົ້າວັນທີ 17 ຕຸລາ 2024, ກົງກັບຂຶ້ນ 15 ຄໍ່າ ເດືອນ 11 ລາວ ພສ 2567, ເປັນວັນບຸນ ອອກພັນສາປະວໍຣະນາ, ທ່ານ ກິແກ້ວ ໄຂຄໍາພິທູນ ຮອງນາຍົກລັດຖະມົນຕີ, ທ່ານ ອາລຸນໄຊ ສູນນະລາດ ເຈົ້າແຂວງຈໍາປາສັກ ພ້ອມພັນລະຍາ, ທ່ານ ບົວລີ ເພັດສົງຄາມ ເຈົ້ານະຄອນປາກເຊ ພ້ອມພັນລະຍາ ໄດ້ເຂົ້າຮ່ວມທຳບຸນໃສ່ບາດ ນໍາພໍ່ແມ່ປະຊາຊົນຄົນລາວຊາວພຸດ ຢູ່ວັດຫລວງປາກເຊ
ຂປລ. ຕອນເຊົ້າວັນທີ 17 ຕຸລາ 2024, ກົງກັບຂຶ້ນ 15 ຄໍ່າ ເດືອນ 11 ລາວ ພສ 2567, ເປັນວັນບຸນ ອອກພັນສາປະວໍຣະນາ, ທ່ານ ກິແກ້ວ ໄຂຄໍາພິທູນ ຮອງນາຍົກລັດຖະມົນຕີ, ທ່ານ ອາລຸນໄຊ ສູນນະລາດ ເຈົ້າແຂວງຈໍາປາສັກ ພ້ອມພັນລະຍາ, ທ່ານ ບົວລີ ເພັດສົງຄາມ ເຈົ້ານະຄອນປາກເຊ ພ້ອມພັນລະຍາ ໄດ້ເຂົ້າຮ່ວມທຳບຸນໃສ່ບາດ ນໍາພໍ່ແມ່ປະຊາຊົນຄົນລາວຊາວພຸດ ຢູ່ວັດຫລວງປາກເຊ ໂດຍການເຂົ້າຮ່ວມເປັນປະທານຝ່າຍສົງ ມີພຣະອາຈານ ມະຫາ ສຸວັນ ຈັນທະຣາຊ ປະທານອົງການພຸດທະສາສະໜາສຳພັນລາວ ແຂວງຈຳປາສັກ, ພ້ອມດ້ວຍພະເຖລານຸເຖລະ, ມີການນຳແຂວງຈໍາປາສັກ, ການ ນໍາພະແນກການ, ກົມກອງອ້ອມຂ້າງແຂວງ, ການນຳນະຄອນປາກເຊ ແລະ ຊາວພຸດລາວເຂົ້າຮ່ວມຢ່າງຫລວງຫລາຍ.
ການທຳບຸນໃສ່ບາດ, ເປັນການສືບທອດຮີດຄອງປະເພນີ ບຸນອອກພັນສາປະວໍຣະນາ ກໍຄື ວັດ ທະນະທຳອັນດີງາມຂອງຊາດ ທີ່ຄົນລາວຊາວພຸດ ສືບທອດປະຕິບັດມາແຕ່ບູຮານນະການ ໃຫ້ຍືນຍົງຄົງຢູ່ຄຽງຄູ່ກັບ ຄົນລາວຕະຫລອດໄປ. ພ້ອມນີ້, ການໃສ່ບາດ, ຖວາຍທານ ແລະ ຢາດນໍ້າ ເພື່ອເປັນການອຸທິດສ່ວນບຸນກຸສົນ ແລະ ເປັນສີລິມົງຄຸນໃຫ້ແກ່ຕົນເອງ-ຄອບຄົວ ໃຫ້ຢູ່ເຢັນເປັນສຸກ ທັງເປັນການເຜີຍແຜ່ ວັດທະນະທຳອັນດີງາມຂອງຊາດອີກດ້ວຍ.
ຕອນທ້າຍພິທີ, ພະອາຈານ ມະຫາ ສຸວັນ ຈັນທະຣາຊ ປະທານອົງການພຸດທະສາສະໜາສຳພັນລາວແຂວງ ກໍໄດ້ເທສະໜາສັ່ງສອນອອກຕົນຕົນຍາດໂຍມ ໃຫ້ຍຶດໜັ້ນໃນການທຳຄວາມດີ, ພ້ອມກັນຮັກສາສິນ, ຮັກສາກາຍວາຈາ ແລະ ເຮືອນຊານບ້ານຊ່ອງຂອງຕົນ ໃຫ້ມີຄວາມສະອາດ ສວຍງາມ, ປະ ພຶດປະຕິບັດຕົນ ໃຫ້ສອດຄ່ອງຕາມທຳນອງຄອງທຳ ແລະ ລະບຽບກົດໝາຍບ້ານເມືອງ.
ຂ່າວ-ພາບ: ທູນທອງໃຈ
KPL
