ຂປລ
ຂປລ. ແຫລ່ງຂ່າວຈາກ ເມືອງທຸລະຄົມ ແຂວງວຽງຈັນ ໃຫ້ຮູ້ວ່າ: ໃນລະຫວ່າງວັນທີ 10-11 ຕຸລາ 2024 ຜ່ານມາ, ທ່ານ ນາງ ຈັນທະມາໄລ ບຸນໄຊທິບ ຄະນະປະຈໍາພັກເມືອງ, ປະທານແນວລາວສ້າງຊາດເມືອງ ແລະ ທ່ານ ເຢ່ຍວື່ ຈົ່ງເນັ່ງ ກໍາມະການພັກເມືອງ
ຂປລ. ແຫລ່ງຂ່າວຈາກ ເມືອງທຸລະຄົມ ແຂວງວຽງຈັນ ໃຫ້ຮູ້ວ່າ: ໃນລະຫວ່າງວັນທີ 10-11 ຕຸລາ 2024 ຜ່ານມາ, ທ່ານ ນາງ ຈັນທະມາໄລ ບຸນໄຊທິບ ຄະນະປະຈໍາພັກເມືອງ, ປະທານແນວລາວສ້າງຊາດເມືອງ ແລະ ທ່ານ ເຢ່ຍວື່ ຈົ່ງເນັ່ງ ກໍາມະການພັກເມືອງ, ຫົວໜ້າຄະນະຈັດຕັ້ງເມືອງ ພ້ອມຄະນະ ໄດ້ລົງເຄື່ອນໄຫວປະຕິບັດວຽກງານຢູ່ກຸ່ມບ້ານພັດທະນາ ຕານປ່ຽວ ແລະ ກຸ່ມບ້ານພັດທະນາ ນາແພງ ເພື່ອເປີດກອງປະຊຸມບໍາລຸງແບບແຜນວິທີເຮັດວຽກໃຫ້ຄະນະໜ່ວຍພັກ, ຄະນະກວດກາໜ່ວຍພັກ ພາຍຫລັງສໍາເລັດການປັບປຸງກົງຈັກການຈັດຕັ້ງໃນໄລຍະຜ່ານມາ, ພ້ອມທັງຈັດພິທີມອບໃບຢັ້ງຢືນນາມມະຍົດໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2023 ໃຫ້ບັນດາໜ່ວຍພັກບ້ານ, ໜ່ວຍພັກໂຮງຮຽນ ແລະ ບໍາລຸງພາລະບົດບາດ, ສິດ ແລະ ໜ້າທີ່ ໃຫ້ຄະນະກໍາມະການແນວລາວສ້າງຊາດບ້ານ.
ໂອກາດນີ້, ຜູ້ເຂົ້າຮ່ວມໄດ້ເຊື່ອມຊຶມເອກະສານຂໍ້ກໍານົດສະບັບເລກທີ 01 ແລະ 03/ຄລສພ ວ່າດ້ວຍພາ ລະບົດບາດ, ສິດ ແລະ ໜ້າທີ່ຂອງຄະນະໜ່ວຍພັກ, ເຊື່ອມຊຶມພາລະບົດບາດ, ສິດ ແລະ ໜ້າທີ່ຂອງຄະນະກໍາມະການແນວລາວສ້າງຊາດບ້ານ ແລະ ຜ່ານມະຕິຕົກລົງຂອງຄະນະປະຈໍາພັກແຂວງວຽງຈັນ ວ່າດ້ວຍການອະນຸມັດຮັບຮອງການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນປະຈໍາປີ 2023. ໃນນັ້ນ ມີໜ່ວຍພັກຂຶ້ນກັບຄະນະພັກຮາກຖານກຸ່ມບ້ານຕານປ່ຽວໄດ້ 19 ໜ່ວຍ, ກຸ່ມບ້ານນາແພງໄດ້ 18 ໜ່ວຍ.
ການລົງເຄື່ອນໄຫວວຽກງານຄັ້ງນີ້, ຍັງເປັນການສ້າງຂະບວນການໃຫ້ແກ່ບັ້ນກະກຽມ ແລະ ດໍາເນີນກອງປະຊຸມ 3 ຂັ້ນຂອງພັກຂັ້ນແຂວງ ໂດຍສະເພາະແມ່ນການສ້າງຜົນງານຂໍ່ານັບຮັບຕ້ອນ ກອງປະຊຸມໃຫຍ່ຜູ້ແທນອົງຄະນະພັກເມືອງທຸລະຄົມ ຄັ້ງທີ VIII ໃນຕໍ່ໜ້າ.
ຂ່າວ-ພາບ: ບ່າວຫາດໄຊ
KPL
