ຂປລ
ຂປລ. ເມື່ອບໍ່ດົນມານີ້, ສະຫາຍ ໄຊສົມພອນ ພົວວິຫານ ກຳມະການກົມການເມືອງສູນກາງພັກ, ປະທານ ສະພາແຫ່ງຊາດ ແຫ່ງ ສປປ ລາວ ໄດ້ສົ່ງສານສະແດງຄວາມເສົ້າສະຫລົດໃຈ ເຖິງ ສະຫາຍ ຈ້າວ ເລີ້ ຈີ້ ກຳມະການປະຈຳກົມການເມືອງສູນກາງພັກກອມມູນິດຈີນ, ປະທານສະພາ ຜູ້ແທນປະຊາຊົນທົ່ວປະເທດ ແຫ່ງ ສາທາລະນະລັດ ປະຊາຊົນຈີນ ຕໍ່ການຈາກໄປ ຂອງອະດີດກຳມະການປະຈຳ ກົມການເມືອງສູນກາງພັກກອມມູນິດຈີນ, ອະດີດປະທານສະພາຜູ້ແທນປະຊາຊົນທົ່ວປະເທດຈີນ ຊູດທີ X ແລະ XI (ແຕ່ປີ 2003-2013).
ຂປລ. ເມື່ອບໍ່ດົນມານີ້, ສະຫາຍ ໄຊສົມພອນ ພົວວິຫານ ກຳມະການກົມການເມືອງສູນກາງພັກ, ປະທານ ສະພາແຫ່ງຊາດ ແຫ່ງ ສປປ ລາວ ໄດ້ສົ່ງສານສະແດງຄວາມເສົ້າສະຫລົດໃຈ ເຖິງ ສະຫາຍ ຈ້າວ ເລີ້ ຈີ້ ກຳມະການປະຈຳກົມການເມືອງສູນກາງພັກກອມມູນິດຈີນ, ປະທານສະພາ ຜູ້ແທນປະຊາຊົນທົ່ວປະເທດ ແຫ່ງ ສາທາລະນະລັດ ປະຊາຊົນຈີນ ຕໍ່ການຈາກໄປ ຂອງອະດີດກຳມະການປະຈຳ ກົມການເມືອງສູນກາງພັກກອມມູນິດຈີນ, ອະດີດປະທານສະພາຜູ້ແທນປະຊາຊົນທົ່ວປະເທດຈີນ ຊູດທີ X ແລະ XI (ແຕ່ປີ 2003-2013).
ເນື້ອໃນສານລະບຸໄວ້ວ່າ: ໃນນາມສະພາແຫ່ງຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນຕົວ ຂ້າພະເຈົ້າ ຮູ້ສຶກເສົ້າສະຫລົດໃຈຢ່າງສຸດຊຶ້ງ ເມື່ອໄດ້ຮູ້ຂ່າວວ່າ ສະຫາຍ ອູ ປາງ ກົວ (wu bang guo) ອະດີດກຳມະການປະຈຳກົມ ການເມືອງສູນກາງ ພັກກອມມູນິດຈີນ, ອະດີດປະທານສະພາຜູ້ແທນ ປະຊາຊົນທົ່ວປະເທດຈີນ ຊູດທີ X ແລະ XI (ແຕ່ປີ 2003-2013) ໄດ້ເຖິງແກ່ມໍລະນະກໍາ ໃນວັນທີ 8 ຕຸລາ 2024 ຜ່ານມາ.
ການຈາກໄປ ຂອງ ສະຫາຍ ອູ ປາງ ກົວ ເປັນການສູນເສຍອັນໃຫຍ່ຫລວງ ຂອງພັກ, ລັດຖະບານ, ສະພາຜູ້ແທນປະຊາຊົນທົ່ວປະເທດ ແລະ ປະຊາຊົນຈີນ ຕະຫລອດຮອດຄອບຄົວ ແລະ ເພື່ອນມິດສະຫາຍທຸກທົ່ວໜ້າ. ການຈາກໄປຂອງ ສະຫາຍ ອູ ປາງ ກົວ ຍັງເປັນການສູນເສຍ ເພື່ອນຜູ້ສະໜິດ ສະໜົມຂອງພັກ, ລັດ ແລະ ປະຊາຊົນລາວ.
ສະຫາຍ ອູ ປາງ ກົວ ແມ່ນການນໍາທີ່ມີຄວາມສາມາດ ໃນການນໍາພາ-ຊີ້ນຳ ແລະ ມີຜົນງານອັນໃຫຍ່ຫລວງໃນການນໍາພາ-ຊີ້ນຳ ອົງການນິຕິບັນຍັດ ເປັນຕົ້ນ ວຽກງານສ້າງ ແລະ ປັບປຸງກົດໝາຍ, ປັບປຸງລັດຖະທຳມະນູນ ທີ່ມີສີສັນ ຂອງ ສປ ຈີນ ປະກອບສ່ວນອັນສຳຄັນຍິ່ງ ເຂົ້າໃນການສ້າງສັງຄົມນິຍົມ ທີ່ມີສີສັນພິເສດ ຂອງ ສປ ຈີນ.
ໃນນາມຕາງໜ້າໃຫ້ ສະພາແຫ່ງຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍສະແດງຄວາມເສົ້າສະຫລົດໃຈຈາກໃຈຈິງ ແລະ ຂໍແບ່ງເບົາຄວາມໂສກເສົ້າເສຍໃຈ, ຄວາມອາໄລອາວອນມາຍັງ ສະຫາຍ ແລະ ໂດຍຜ່ານສະຫາຍ ໄປຍັງ ພັກ, ລັດຖະບານ, ສະພາຜູ້ແທນປະຊາຊົນທົ່ວປະເທດ ແລະ ປະຊາຊົນຈີນ ຕະຫລອດຮອດຄອບຄົວ ແລະ ຍາດມິດສະຫາຍ ຂອງສະຫາຍ ອູ ປາງ ກົວ ມານະໂອກາດນີ້ດ້ວຍ.
ຂໍໃຫ້ດວງວິນຍານ ຂອງ ສະຫາຍ ອູ ປາງ ກົວ ອະດີດກຳມະການປະຈຳ ກົມການເມືອງສູນກາງພັກກອມມູນິດຈີນ, ອະດີດປະທານສະພາຜູ້ແທນ ປະຊາຊົນທົ່ວປະເທດ ແຫ່ງ ສປ ຈີນ ຈົ່ງໄປສູ່ສຸຂະຕິເທີນ.
KPL
