ຂປລ
ຂປລ. ໂຮງຮຽນວັດທະນະທຳຊົນເຜົ່າກອງທັບ ຈັດກອງປະຊຸມເຜີຍແຜ່ແຜນ ການວຽກງານປ້ອງກັນພາຍໃນ ແລະ ເປີດຂະບວນການກໍ່ສ້າງກົມກອງ 3 ປອດ (ປອດໃສ, ປອດໄພ, ປອດຄະດີ) ປະຈຳປີ 2024 ແລະ ທິດທາງແຜນການ ປະຈຳປີ 2025 ໃນວັນທີ 3 ກັນຍາ 2024 ໂດຍການເປັນປະທານຂອງ ສະຫາຍ ພັນເອກ ສະແຫວງ ແດນນາມົນ ເລຂາຄະນະພັກ, ຫົວໜ້າການເມືອງ ໂຮງຮຽນວັດທະນະທໍາ ຊົນຊົນເຜົ່າກອງທັບ, ມີຄະນະພັກ-ຄະນະອຳນວຍການ, ຄະນະຫ້ອງ 4 ຫ້ອງ, 2 ກອງພັນ, ພະນັກງານ-ນັກຮົບ ແລະ ຄູອານ ທົ່ວໂຮງຮຽນເຂົ້າຮ່ວມ.
ຂປລ. ໂຮງຮຽນວັດທະນະທຳຊົນເຜົ່າກອງທັບ ຈັດກອງປະຊຸມເຜີຍແຜ່ແຜນ ການວຽກງານປ້ອງກັນພາຍໃນ ແລະ ເປີດຂະບວນການກໍ່ສ້າງກົມກອງ 3 ປອດ (ປອດໃສ, ປອດໄພ, ປອດຄະດີ) ປະຈຳປີ 2024 ແລະ ທິດທາງແຜນການ ປະຈຳປີ 2025 ໃນວັນທີ 3 ກັນຍາ 2024 ໂດຍການເປັນປະທານຂອງ ສະຫາຍ ພັນເອກ ສະແຫວງ ແດນນາມົນ ເລຂາຄະນະພັກ, ຫົວໜ້າການເມືອງ ໂຮງຮຽນວັດທະນະທໍາ ຊົນຊົນເຜົ່າກອງທັບ, ມີຄະນະພັກ-ຄະນະອຳນວຍການ, ຄະນະຫ້ອງ 4 ຫ້ອງ, 2 ກອງພັນ, ພະນັກງານ-ນັກຮົບ ແລະ ຄູອານ ທົ່ວໂຮງຮຽນເຂົ້າຮ່ວມ.
ກອງປະຊຸມ ໄດ້ຜ່ານແຜນການເຄື່ອນໄຫວ ວຽກງານປ້ອງກັນພາຍໃນ ປະຈຳປີ 2024-2025 ແລະ ແຜນການເຄື່ອນໄຫວວຽກງານປ້ອງກັນພາຍໃນ (ນັກຮົບປ້ອງກັນ); ຜ່ານຂໍ້ຕົກລົງອະ ນຸມັດເປີດຂະບວນການຂໍ້ແຂ່ງຂັນກໍ່ສ້າງກອງ 3 ປອດ ແລະ ແຜນການກໍ່ສ້າງກອງ 3 ປອດ (ປອດໃສ, ປອດໄພ, ປອດຄະດີ) ປະຈຳປີ 2024-2025; ຜ່ານເນື້ອໃນຂໍ້ແຂ່ງຂັນກອງ 3 ປອດ, ປອດໃສ, ປອດໄພ, ປອດຄະດີ ແລະ ຜ່ານຂໍ້ຕົກລົງວ່າດ້ວຍການແຕ່ງຕັ້ງ ຄະນະຮັບຜິດຊອບຂະບວນການແຂ່ງຂັນ ກອງ 3 ປອດ ປະຈຳປີ 2024-2025. ຈາກນັ້ນ, ຕ່າງໜ້າຄະນະພັກ-ຄະນະຫ້ອງ 4 ຫ້ອງ 2 ກອງພັນ ກໍໄດ້ພ້ອມກັນຂຶ້ນຈັດມືຮັບເອົາຂໍ້ແຂ່ງຂັນການສ້າງກອງ 3 ປອດ ຕື່ມອີກ.
ໂອກາດນີ້, ສະຫາຍ ພັກເອກ ສະແຫວງ ແດນນາມົນ ກໍໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນງານໃນໄລຍະຜ່ານມາ, ພ້ອມທັງຍົກໃຫ້ເຫັນເຖິງບັນຫາຕ່າງໆ ສະພາບພາຍນອກ ແລະ ສະພາບພາຍໃນໂຮງຮຽນ, ພ້ອມທັງໄດ້ເນັ້ນໃຫ້ຄະນະພັກ-ຄະນະບັນຊາທຸກຂັ້ນ, ເອົາໃຈໃສ່ສຶກສາອົບຮົມ ການເມືອງ-ນຳພາແນວຄິດ ໃຫ້ພະນັກງານ-ນັກຮົບ ໂດຍສະເພາະ ວຽກງານປ້ອງກັນພາຍໃນ, ປັບປຸງກໍ່ສ້າງກຳລັງໃຫ້ມີຄວາມເຂັ້ມແຂງ ນຳພາກົມກອງຈັດຕັ້ງການຮຽນ-ການສອນ ຕາມໂຄງການຫລັກ ສູດ, ປັບປຸງກໍ່ສ້າງພັກ-ພະນັກງານ ເຮັດໃຫ້ການຈັດຕັ້ງພັກ-ການຈັດຕັ້ງບັນຊາ ໄດ້ຮັບການປັບປຸງດີຂຶ້ນ, ພ້ອມກັນເອົາໃຈໃສ່ໃນກໍ່ສ້າງກົມກອງ 3 ປອດ, ປອດໃສ, ປອດໄພ, ປອດຄະດີ ໃຫ້ສາມາດສ້າງໄດ້ໜ່ວຍພັກປອດໃສ, ເຂັ້ມແຂງ, ໜັກແໜ້ນ ໄດ້ຄຸນນະພາບ ແລະ ຄາດໝາຍຕາມແຜນການທີ່ກຳນົດໄວ້.
ຂ່າວ: ໂອລິນ ມິ່ງມີໄຊ
KPL
