ຂປລ
ທ່ານ ໂຕເລິມ ເລຂາທິການໃຫຍ່, ປະທານປະເທດ ຫວຽດນາມ ຮຽກຮ້ອງ ສະພາແຫ່ງຊາດ ປະຕິບັດ ສອງບັ້ນການສະຫລຸບໃຫຍ່ ເປັນຢ່າງດີ, ປະກອບສ່ວນ ສ້າງບາດກ້າວ ພັດທະນາໃໝ່ ກ່ຽວກັບທິດສະດີ ແລະ ວິໄສທັດ ການນຳພາຂອງພັກ ໃນນັ້ນ ສະຫລຸບ 100 ປີ ແຫ່ງພັກນຳພາການປະຕິວັດ ຫວຽດນາມ ແລະ 40 ປີແຫ່ງການປະຕິບັດ ໂຄງການການເມື່ອງ ສ້າງສາປະເທດຊາດ ໃນໄລຍະຂ້າມຜ່ານ ຂຶ້ນສັງຄົມນິຍົມ
ຂປລ.ວິທະຍຸກະຈ່າຍສຽງຫວຽດນາມ, ທ່ານ ໂຕເລິມ ເລຂາທິການໃຫຍ່, ປະທານປະເທດ ຫວຽດນາມ ຮຽກຮ້ອງ ສະພາແຫ່ງຊາດ ປະຕິບັດ ສອງບັ້ນການສະຫລຸບໃຫຍ່ ເປັນຢ່າງດີ, ປະກອບສ່ວນ ສ້າງບາດກ້າວ ພັດທະນາໃໝ່ ກ່ຽວກັບທິດສະດີ ແລະ ວິໄສທັດ ການນຳພາຂອງພັກ ໃນນັ້ນ ສະຫລຸບ 100 ປີ ແຫ່ງພັກນຳພາການປະຕິວັດ ຫວຽດນາມ ແລະ 40 ປີແຫ່ງການປະຕິບັດ ໂຄງການການເມື່ອງ ສ້າງສາປະເທດຊາດ ໃນໄລຍະຂ້າມຜ່ານ ຂຶ້ນສັງຄົມນິຍົມ ແມ່ນໜ້າທີ່ທີ່ມີຄວາມໝາຍຍຸດທະສາດ, ເຊື່ອມຕໍ່ປະຫວັດສາດ ອັນຍາວນານກັບຄຳຮຽກຮ້ອງ ຕ້ອງການໃນປັດຈຸບັນ ແລະ ຄວາມມຸ່ງຫວັງ ຕໍ່ອະນາຄົດຢ່າງເລິກເຊິ່ງໂດຍສະເພາະ ສະພາທິດສະດີສູນກາງ ຕ້ອງກຳແໜ້ນ, ຄົ້ນຄ້ວາ, ຕີລາຄາເນື້ອໃນ, ກຳນົດຄວາມຮັບຜິດຊອບ ໃນການຄົ້ນຄ້ວາ, ການໃຫ້ຄຳປຶກສາຂອງຕົນ ຢ່າງຖືກຕ້ອງ ເພື່ອສຸມໃສ່ແກ້ໄຂ. ນັ້ນແມ່ນຄຳຮຽກຮ້ອງ ຕ້ອງການຂອງ ທ່ານ ເລຂາທິການໃຫຍ່, ປະທານປະເທດ ໂຕເລິມ ທີ່ພິທີສະເຫລີມສະຫລອງ 30 ປີ ແຫ່ງວັນສ້າງຕັ້ງ ສະພາທິດສະດີສູນກາງ (30/10/1996-30/10/2026) ແລະ ພິທີຕ້ອນຮັບຫລຽນໄຊໂຮ່ຈີມິນ. ທ່ານ ເລຂາທິການໃຫຍ່, ປະທານປະເທດ ໂຕເລິມ ສະເໜີ ສະພາສືບຕໍ່ຢັ້ງຢືນ ແລະ ຍົກສູງບົດບາດແກ່ນສານ, ຫລັກແຫລ່ງໃນການຄົ້ນຄ້ວາ ທິດສະດີ, ສະຫລຸບພຶດຕິກຳຕົວຈິງ ແລະ ໃຫ້ຄຳປຶກສາ ຍຸດທະສາດຂອງພັກ, ເປັນເຈົ້າການຄາດຄະເນ ແລະ ພົບເຫັນບັນດາບັນຫາໃໝ່. ໃນນັ້ນ, ສະພາຕ້ອງຕິດແທດ ການຫັນປ່ຽນ ຂອງປະເທດຊາດ ແລະ ໂລກ, ເລືອກເອົາບັນດາບັນຫາຄົ້ນຄ້ວາ ຈາກຄຳຮຽກຮ້ອງຂອງການນຳພາ ແລະ ການພັດທະນາ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
