ຂປລ
ຈີນ ໄດ້ເຜີຍແພ່ ແຜນການສ້າງ ລະບົບໄຟຟ້າ ໃໝ່, ຊຶ່ງເປັນ ສ່ວນໜຶ່ງ ຂອງ ຄວາມພະຍາຍາມ ໃນການພັດທະນາ ທີ່ເປັນມິດກັບ ສິ່ງແວດລ້ອມ ແລະ ການຮັບປະກັນ ຄວາມໝັ້ນຄົງ ດ້ານພະລັງງານ ໂດຍແມ່ນ ຄະນະກຳມະການ ພັດທະນາ ແລະ ປະຕິຮູບແຫ່ງຊາດ
ຂປລ. ສຳນັກຂ່າວ ຊິນຮວາ ຂອງ ສປຈີນ, ເມື່ອບໍ່ດົນມານີ້ ຈີນ ໄດ້ເຜີຍແພ່ ແຜນການສ້າງ ລະບົບໄຟຟ້າ ໃໝ່, ຊຶ່ງເປັນ ສ່ວນໜຶ່ງ ຂອງ ຄວາມພະຍາຍາມ ໃນການພັດທະນາ ທີ່ເປັນມິດກັບ ສິ່ງແວດລ້ອມ ແລະ ການຮັບປະກັນ ຄວາມໝັ້ນຄົງ ດ້ານພະລັງງານ ໂດຍແມ່ນ ຄະນະກຳມະການ ພັດທະນາ ແລະ ປະຕິຮູບແຫ່ງຊາດ, ສຳນັກງານ ບໍລິຫານ ພະລັງງານ ແຫ່ງຊາດ ແລະ ສຳນັກງານ ຂໍ້ມູນແຫ່ງຊາດ ໄດ້ກຳນົດຂັ້ນຕອນ ທີ່ ຈະດຳເນີນການ ໃນ 9 ດ້ານ ລະຫວ່າງ ປີ 2024-2027.
ແຜນການ ເບື້ອງຕົ້ນ ໄດ້ລະບຸວ່າ ທາງການຈີນ ຈະດຳເນີນງານ ເພື່ອເພີ່ມ ການແຈກຢາຍໄຟ ສະອາດ ຜ່ານເຄືອຂ່າຍໄຟຟ້າ, ການປັບປຸງ ໂຮງໄຟຟ້າ ຖ່ານຫີນ ແລະ ຂະຫຍາຍ ພື້ນຖານ ໂຄງລ່າງ, ການຊາກຖ່ານ ສຳລັບ ຍານ ພາຫະນະໄຟຟ້າ, ພ້ອມກັນນັ້ນ ຍັງລະບຸ ມາດຕະການ ທີ່ ຮັບຮອງວ່າ ລະບົບໄຟຟ້າ ຂອງ ຈີນ ຈະເຮັດວຽກ ໄດ້ຢ່າງເສລີ ແລະ ສົ່ງເສີມ ການພັດທະນາ ເຄືອຂ່າຍ ການແຈກຢາຍ ໄຟຟ້າ ແລະ ອື່ນໆ./
KPL
