ຂປລ
ຂປລ. ວັນທີ 7 ສິງຫາ 2024 ນີ້, ສູນກາງຊາວໜຸ່ມປະຊາຊົນ ປະຕິວັດລາວ ຈັດພິທີມອບຫລຽນທີ່ລະນຶກ 65 ປີ ວັນສ້າງຕັ້ງຊາວໜຸ່ມປະຊາຊົນ ປະຕິວັດລາວ ໃຫ້ນັກຮຽນທີ່ໄດ້ຮັບລາງວັນ ຈາກການແຂ່ງຂັນວິຊາຄະນິດສາດ ແລະ ພາສາອັງກິດ ໂອແລັມປິກ ທີ່ປະເທດອົດສະຕຣາລີ ຈໍານວນ 12 ຄົນ ໂດຍມີ ທ່ານ ທອງຈັນ ພູມີພັນ ຮອງເລຂາ ຄະນະບໍລິຫານງານສູນກາງຊາວໜຸ່ມ ປະຊາຊົນ ປະຕິ ວັດລາວ, ທ່ານ ນາງ ມີນາ ສີວິໄລ ຫົວໜ້າກົມຂະບວນການຊາວໜຸ່ມ, ມີນັກຮຽນ, ຄູ-ອາຈານ ແລະ ພໍ່ແມ່ຜູ້ປົກຄອງເຂົ້າເຂົ້າຮ່ວມ.
ຂປລ. ວັນທີ 7 ສິງຫາ 2024 ນີ້, ສູນກາງຊາວໜຸ່ມປະຊາຊົນ ປະຕິວັດລາວ ຈັດພິທີມອບຫລຽນທີ່ລະນຶກ 65 ປີ ວັນສ້າງຕັ້ງຊາວໜຸ່ມປະຊາຊົນ ປະຕິວັດລາວ ໃຫ້ນັກຮຽນທີ່ໄດ້ຮັບລາງວັນ ຈາກການແຂ່ງຂັນວິຊາຄະນິດສາດ ແລະ ພາສາອັງກິດ ໂອແລັມປິກ ທີ່ປະເທດອົດສະຕຣາລີ ຈໍານວນ 12 ຄົນ ໂດຍມີ ທ່ານ ທອງຈັນ ພູມີພັນ ຮອງເລຂາ ຄະນະບໍລິຫານງານສູນກາງຊາວໜຸ່ມ ປະຊາຊົນ ປະຕິ ວັດລາວ, ທ່ານ ນາງ ມີນາ ສີວິໄລ ຫົວໜ້າກົມຂະບວນການຊາວໜຸ່ມ, ມີນັກຮຽນ, ຄູ-ອາຈານ ແລະ ພໍ່ແມ່ຜູ້ປົກຄອງເຂົ້າເຂົ້າຮ່ວມ.
ໂອກາດນີ້, ທ່ານ ນາງ ສຸດຖະໜອມ ຟອງມີໄຊ ຮອງອໍານວຍການ ໂຮງຮຽນນານາຊາດລາວ ໄດ້ໃຫ້ຮູ້ວ່າ: ໃນການແຂ່ງຂັນຄັ້ງນີ້, ນັກຮຽນຈາກ ສປປ ລາວ ໄດ້ເຂົ້າຮ່ວມ 12 ຄົນ ແລະ ໄດ້ຮັບຫລຽນໝົດທຸກຄົນ ລວມທັງໝົດ 12 ຫລຽນ. ໃນນັ້ນ, ນັກຮຽນຈາກໂຮງຮຽນນານາຊາດລາວ ໄດ້ລາງວັນ 2 ຫລຽນຄຳ, 2 ຫລຽນເງິນ ແລະ 5 ຫລຽນທອງ ໃນການແຂ່ງຂັນ ຄະນິດສາດສາກົນ ແລະ 1 ຫລຽນທອງ ໃນການແຂ່ງຂັນພາສາອັງກິດ ແລະ ນັກຮຽນ ຈາກໂຮງຮຽນ ພອນສະຫວັນ ໄດ້ຮັບ 2 ຫລຽນເງິນ ວິຊາຄະນິດສາດ. ໃນນັ້ນ, ທ້າວ ນິທິພູມ ຈະເລີນໄຊ ນັກຮຽນຈາກ ໂຮງຮຽນນານາຊາດລາວ ໄດ້ຮັບລາງວັນພິເສດ ທີ່ມີຄະແນນສູງສຸດໃນການແຂ່ງຂັນ ວິຊາຄະນິດສາດສາກົນ ເຊິ່ງເປັນຄັ້ງປະຫວັດສາດ ແລະ ຄັ້ງທຳອິດ ທີ່ເດັກນ້ອຍລາວເຮົາ ໄດ້ສ້າງຜົນງານອັນດີເລີດ ເຊິ່ງສະແດງໃຫ້ເຫັນວ່າ ການສຶກສາຂອງລາວເຮົາ ມີອັນພົ້ນເດັ່ນ, ທັງເປັນຄວາມພາກພູມ ຢ່າງຍິ່ງໃຫ້ທາງໂຮງຮຽນ ແລະ ຜູ້ປົກຄອງ ທີ່ນ້ອງໆໄດ້ເປັນຕົວແທນ ໃຫ້ແກ່ເຍົາວະຊົນ ແລະ ຊາວໜຸ່ມ ປະຊາຊົນ ປະຕິວັດລາວ ເຂົ້້າຮ່ວມການແຂ່ງຂັນໃນລະດັບສາກົນ ຄັ້ງນີ້.
ທ່ານ ນາງ ສຸດຖະໜອມ ຟອງມີໄຊ ຍັງໃຫ້ຮູ້ອີກວ່າ: ການແຂ່ງຂັນໃນຄັ້ງນີ້, ທາງໂຮງຮຽນໄດ້ວາງແຜນຮ່ວມກັບຄູ-ອາຈານ ແລະ ມອບໃຫ້ຄູ-ອາຈານ ປະຈຳສາຍແຕ່ລະວິຊາເຮັດປ້າຍໂຄສະນາຕິດ ຕາມສະຖານທີ່ໃນໂຮງຮຽນ ແລະ ທີ່ສາທາລະນະ. ຈາກນັ້ນ, ກໍໄດ້ຈັດການຝຶກຊ້ອມ ຢູ່ພາຍໃນໂຮງຮຽນ 2-3 ຊົ່ວໂມງ/ອາທິດ ເພື່ອກຽມຄວາມພ້ອມໃນການສອບເສັງ ຮອບທ້ອງຖິ່ນ ໂດຍສອບເສັງແບບອອນລາຍ ໃນວັນທີ 25 ກຸມພາ 2024. ພາຍຫລັງທີ່ໄດ້ຮັບຮູ້ຜົນຜູ້ທີ່ຜ່ານການສອບເສັງ ທາງໂຮງຮຽນກໍໄດ້ຈັດກອງປະຊຸມ ກັບຜູ້ປົກຄອງ ເພື່ອກະກຽມຄວາມພ້ອມ ໃນການໄປສອບເສັງ ໃນຂັ້ນຕໍ່ໄປ ກໍຄື ທີ່ເມືອງຊິດນີ (Sydney) ປະເທດອົດສະຕາລີ ໃນລະຫວ່າງວັນທີ 14- 21 ເມສາ 2024 ເຊິ່ງການແຂ່ງຂັນໃນຮອບນີ້, ມີນັກຮຽນຫລາຍກ່ວາ 4.800 ຄົນ ຈາກ 32 ປະເທດ ເຂົ້າຮ່ວມໃນການແຂ່ງຂັນ ຄະນິດສາດສາກົນ (IMEC) ແລະ ການແຂ່ງຂັນພາສາອັງກິດ (JEO).
ຂ່າວ: ສົມຫວັງ
ພາບ: ເກດສະໜາ
KPL
