ຂປລ
ປະເທດ ອິນໂດເນເຊຍ ເມື່ອບໍ່ດົນມານີ້, ທາງການ ເກາະບາຫລີ ຂອງ ອິນໂດເນເຊຍ ໄດ້ກວດຄົນເຂົ້າເມືອງ ຢ່າງເຂັ້ມງວດ ເພື່ອຮັບມືກັບ ນັກທ່ອງທ່ຽວຕ່າງປະເທດ ບັນລຸເຖິງ 3,89 ລ້ານເທື່ອຄົນ ໃນໄລຍະ 7 ເດືອນທຳອິດ ຂອງ ປີນີ້
ຂປລ. ສຳນັກຂ່າວ ເອເອຟພີ ລາຍງານ ຈາກ ເມືອງເດນປາຊາຣ ປະເທດ ອິນໂດເນເຊຍ ເມື່ອບໍ່ດົນມານີ້, ທາງການ ເກາະບາຫລີ ຂອງ ອິນໂດເນເຊຍ ໄດ້ກວດຄົນເຂົ້າເມືອງ ຢ່າງເຂັ້ມງວດ ເພື່ອຮັບມືກັບ ນັກທ່ອງທ່ຽວຕ່າງປະເທດ ບັນລຸເຖິງ 3,89 ລ້ານເທື່ອຄົນ ໃນໄລຍະ 7 ເດືອນທຳອິດ ຂອງ ປີນີ້, ເພີ່ມຂຶ້ນ 1 ລ້ານຄົນ ເມື່ອທຽບໃສ່ ໄລຍະດຽວກັນ ຂອງປີກາຍ.
ໂດຍ ທ່ານນາງ ປຣາເມລລາ ຢູນິດາຣ ປາຊາຣີບູ ຫົວໜ້າ ສຳນັກງານ ຂອງ ກະຊວງ ກົດໝາຍ ແລະ ສິດທິມະນຸດ ຂອງ ອິນໂດເນເຊຍ ປະຈຳ ພາກພື້ນ ບາຫລີ ລະບຸວ່າ: ການກວດຄົນເຂົ້າເມືອງ ຢ່າງເຂັ້ມງວດຂຶ້ນ ຈະມີຜົນບັງຄັບໃຊ້ ກັບ ນັກທ່ອງທ່ຽວ ທຸກຄົນ ທີ່ ເດີນທາງເຂົ້າມາ ສະໜາມບິນ ນານາຊາດ ອິກຸສະຕີ ງູຣະໄຣ ຂອງ ບາຫລີ,ໂດຍມາດຕະການ ດັ່ງກ່າວ ລວມເຖິງ ການກວດ ໜັງສືເດີນທາງ, ວິຊ້າ ແລະ ໃບອະນຸຍາດ ພັກອາໄສ ອີກດ້ວຍ.ການຄວບຄຸມ ທີ່ ເຂັ້ມງວດ ໄດ້ຮັບການ ສະໜັບສະໜູນ ຈາກ ລະບົບ ການກວດກາ ຄົນເຂົ້າເມືອງ ດ້ວຍຫລາກຫລາຍ ຮູບແບບ ເພື່ອອຳນວຍ ຄວາມສະດວກ ຕໍ່ການຕິດຕາມ ຊາວຕ່າງປະເທດ, ໂດຍການຜະສົມເຂົ້າກັບ ເຕັກໂນໂລຊີ ຈົດຈຳໃບໜ້າ ເພື່ອການຄວບຄຸມ ຊາຍແດນໃຫ້ດີຂຶ້ນຕື່ມ. ນອກຈາກນັ້ນ ສຳນັກງານ ກວດຄົນເຂົ້າເມືອງ ຂອງ ບາຫລີ ຍັງຮ່ວມມືກັບ ໜ່ວຍງານ ທີ່ກ່ຽວຂ້ອງ ເຊັ່ນ: ຕຳຫລວດ, ພາສີ ແລະ ສຳນັກງານ ການທ່ອງທ່ຽວ ເພື່ອເພີ່ມ ປະສິດທິພາບ ໃນການ ກວດຄົນເຂົ້າເມືອງແລະອື່ນໆ. /
KPL
