ຂປລ
ທ່ານ ໂຕເລີມ, ເລຂາທິການໃຫຍ່ ຄະນະບໍລິຫານງານສູນກາງພັກ ກອມມູນິດ ຫວຽດນາມ, ປະທານປະເທດ ຫວຽດນາມ ແລະ ຄະນະຜູ້ແທນຂັ້ນສູງ ຫວຽດນາມ ໄດ້ເດີນທາງໄປຮອດ ສະໜາມບິນສາກົນ J.F. Kennedy, ນະຄອນ ນິວຢອກຂອງ ສ.ອາເມລິກາ ເພື່ອເຂົ້າຮ່ວມວາລະປຶກສາຫາລື ລວມຂັ້ນສູງ ກອງປະຊຸມສະມັດຊາໃຫຍ່ ສະຫະປະຊາຊາດ(ສປຊ) ຄັ້ງທີ 81
ຂປລ.ວິທະຍຸ ກະຈ່າຍສຽງຫວຽດນາມ, ວັນທີ 20 ກັນຍານິ້, ທ່ານ ໂຕເລີມ, ເລຂາທິການໃຫຍ່ ຄະນະບໍລິຫານງານສູນກາງພັກ ກອມມູນິດ ຫວຽດນາມ, ປະທານປະເທດ ຫວຽດນາມ ແລະ ຄະນະຜູ້ແທນຂັ້ນສູງ ຫວຽດນາມ ໄດ້ເດີນທາງໄປຮອດ ສະໜາມບິນສາກົນ J.F. Kennedy, ນະຄອນ ນິວຢອກຂອງ ສ.ອາເມລິກາ ເພື່ອເຂົ້າຮ່ວມວາລະປຶກສາຫາລື ລວມຂັ້ນສູງ ກອງປະຊຸມສະມັດຊາໃຫຍ່ ສະຫະປະຊາຊາດ(ສປຊ) ຄັ້ງທີ 81, ສົມທົບກັບການເຄື່ອນໄຫວ ສອງຝ່າຍຢູ່ ສ.ອາເມລິກາ. ທ່ານ ເລຂາທິການໃຫຍ່, ປະທານ ປະເທດ ໂຕເລີມ ເຂົ້າຮ່ວມສັບປະດາ ຂັ້ນສູງກອງປະຊຸມສະມັດຊາໃຫຍ່ ສະຫະປະຊາຊາດ ໄດ້ຢັ້ງຢືນການຖືເປັນສຳຄັນຂອງພັກ ແລະ ລັດ ຫວຽດນາມ ຕໍ່ລັດທິ ຫລາຍຝ່າຍ ແລະ ບົດບາດໃຈກາງຂອງ ສະຫະປະຊາຊາດ. ນີ້ກໍແມ່ນການສະແດງໃຫ້ເຫັນແນວທາງ ການຕ່າງປະເທດ ທີ່ສະເໝີຕົ້ນ ສະເໝີປາຍ, ເອກະລາດ, ເປັນເຈົ້າເອງ, ເຂັ້ມແຂງດ້ວຍຕົນເອງ, ສັນຕິພາບ, ມິດຕະພາບ, ການຮ່ວມມື ແລະ ພັດທະນາ, ຫັນການພົວພັນ ຕ່າງປະເທດຂອງ ສສ ຫວຽດນາມ ເປັນຫລາຍຮູບ ຫລາຍແບບ ແລະ ຫລາຍຝ່າຍ.ໃນຂະນະນັ້ນ, ການໄປປະຕິບັດງານ ແລະ ເຄື່ອນໄຫວວຽກງານສອງຝ່າຍຢູ່ ສ.ອາເມລິກາ ຂອງເລຂາທິການໃຫຍ່, ປະທານປະເທດ ຫວຽດນາມ ແມ່ນໂອກາດເພື່ອໃຫ້ສອງຝ່າຍ ເພີ່ມທະວີ ການພົບປະຂັ້ນສູງ ແລກປ່ຽນກ່ຽວກັບ ບັນຫາທີ່ມີຄວາມໝາຍ ຍຸດທະສາດ, ຍາວນານ ສຳລັບ ການພົວພັນຂອງສອງປະເທດ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
