ຂປລ
ສຳນັກ ບໍລິຫານ ພະລັງງານ ແຫ່ງຊາດຈີນ ລາຍງານວ່າ: ຈີນ ມີກຳລັງ ພະລັງງານ ສະສົມ ເພີ່ມຂຶ້ນ ຢ່າງຕໍ່ເນື່ອງ ເພື່ອອຸດໜູນ ການໃຊ້ ປະໂຫຍດ ຈາກ ພະລັງງານ ໝູນວຽນ ທີ່ເພີ່ມຂຶ້ນ.
ຂປລ. ສຳນັກຂ່າວ ຊິນຮວາ ຂອງ ສປຈີນ, ເມື່ອບໍ່ດົນມານີ້, ສຳນັກ ບໍລິຫານ ພະລັງງານ ແຫ່ງຊາດຈີນ ລາຍງານວ່າ: ຈີນ ມີກຳລັງ ພະລັງງານ ສະສົມ ເພີ່ມຂຶ້ນ ຢ່າງຕໍ່ເນື່ອງ ເພື່ອອຸດໜູນ ການໃຊ້ ປະໂຫຍດ ຈາກ ພະລັງງານ ໝູນວຽນ ທີ່ເພີ່ມຂຶ້ນ. ໃນຂະນະດຽວກັນ ຈີນ ພະຍາຍາມ ສືບຕໍ່ ການປ່ຽນຜ່ານ ທາງພະລັງງານ ອັນເປັນມິດກັບສິ່ງແວດລ້ອມ.
ໂດຍ ກຳລັງ ພະລັງງານ ສະສົມ ດັ່ງກ່າວ ລວມມີ 44,44 ກິກາວັດ (ຄິດໄລ່ເຖິງທ້າຍເດືອນ ມິຖຸນາ ຜ່ານມາ), ກວມເອົາ 40% ເມື່ອທຽບກັບໄລຍະ ທ້າຍປີກາຍ. ໃນນັ້ນ ແບັດເຕີຣີລີທຽມ-ໄອອອນ ກວມເອົາ 97% ຂອງ ກຳລັງ ການສະສົມ ພະລັງງານ ປະເພດໃໝ່ ຂອງຈີນ ໄລ່ເຖິງ ທ້າຍເດືອນ ມິຖຸນາຜ່ານມາ. ເຈົ້າໜ້າທີ່ ສຳນັກລິຫານດັ່ງກ່າວ ຍັງໃຫ້ຮູ້ວ່າ ໂຄງການ ກັກເກັບພະລັງງານ ລະບົບ ອັດອາກາດ, ລະບົບແບັດເຕີຣີ ໂຊດຽມ-ໄອອອນ ໄດ້ເລີ່ມ ເຂົ້າສູ່ ການເຄື່ອນໄຫວ ຈຳນວນໜຶ່ງ ເພື່ອແນໃສ່ ຊ່ວຍສ້າງ ຄວາມຫລາກຫລາຍ ໃຫ້ແກ່ ການພັດທະນາ ທາງດ້ານເຕັກໂນໂລຊີ ໃນຂະແໜງ ອຸດສາ ຫະກຳ ການກັກເກັບພະລັງງານ. /
KPL
