ຂປລ
ບໍລິສັດ ອິນເທລ ໜຶ່ງໃນບໍລິສັດໃຫຍ່ ຂອງວົງການ ອຸດສາຫະກຳ ຊິບໂລກ ຈາກສ.ອາເມລິກາ ປະກາດ ປັບຫລຸດ ພະນັກງານ ຫລາຍກວ່າ 15% ຊຶ່ງເປັນສ່ວນໜຶ່ງ ຂອງແຜນການ ຫລຸດຄ່າໃຊ້ຈ່າຍ ໃຫ້ໄດ້ 20.000 ລ້ານໂດລາ ສະຫະລັດ ຫລັງເປີດເຜີຍຕົວເລກ ການຂາດທຶນສຸດທິ 1.600 ລ້ານໂດລາ ສະຫະລັດ
ຂປລ.ສຳນັກຂ່າວ ຕ່າງປະເທດ ລາຍງານຈາກ ນະຄອນຫລວງ ວໍຊິງຕັນ ປະເທດ ສ.ອາເມລິກາ ເມື່ອວັນທີ 2 ສິງຫານີ້ວ່າ: ບໍລິສັດ ອິນເທລ ໜຶ່ງໃນບໍລິສັດໃຫຍ່ ຂອງວົງການ ອຸດສາຫະກຳ ຊິບໂລກ ຈາກສ.ອາເມລິກາ ປະກາດ ປັບຫລຸດ ພະນັກງານ ຫລາຍກວ່າ 15% ຊຶ່ງເປັນສ່ວນໜຶ່ງ ຂອງແຜນການ ຫລຸດຄ່າໃຊ້ຈ່າຍ ໃຫ້ໄດ້ 20.000 ລ້ານໂດລາ ສະຫະລັດ ຫລັງເປີດເຜີຍຕົວເລກ ການຂາດທຶນສຸດທິ 1.600 ລ້ານໂດລາ ສະຫະລັດ ເມື່ອໄຕມາດສອງຜ່ານມາ. ຂໍ້ມູນຢ່າງເປັນ ທາງການ ລ້າສຸດລະບຸວ່າ: ອິນເທລ ມີພະນັກງານ ທົ່ວໂລກ ປະມານ 124.800 ຄົນ, ຊຶ່ງການປັບຫລຸດຄັ້ງນີ້ ປະມານ 18.000 ຄົນ. ການຕັດສິນໃຈ ທັງໝົດ ທີ່ກ່ຽວກັບ ການຈັດການ ໂຄງການ ຂະໜາດໃຫຍ່ ຕ້ອງຢູ່ເທິງພື້ນຖານ ຂອງການປັບຕົວ ໃຫ້ທັນກັບເງື່ອນໄຂ ຕາມໄລຍະເວລາ ທີ່ປ່ຽນແປງໄປ ລວມທັງເງື່ອນໄຂ ທາງທຸລະກິດ , ການແຂ່ງຂັນດ້ານຕະຫລາດແລະ ຄຸ້ມຄອງເງິນທຶນ ທີ່ຕ້ອງມີ ຄວາມຮັບຜິດຊອບ./.
KPL
