ຂປລ
ອິນເດຍ ໄດ້ສົ່ງທະຫານ ໄປເລັ່ງຊ່ວຍເຫລືອ ໃນການສ້າງ ຂົວເຫລັກ ໃຫ້ສຳເລັດໂດຍໄວ ເພື່ອໃຫ້ສາມາດ ເດີນທາງເຊື່ອມຕໍ່ ລະຫວ່າງ ເຂດທີ່ໄດ້ຮັບຜົນກະທົບ ຮຸນແຮງທີ່ສຸດ ຈາກເຂດດິນເຈື່ອນ ທີ່ລັດເກຣລະ ເມື່ອວັນຜ່ານມາ, ຂະນະທີ່ ການຄົ້ນຫາ ຜູ້ສູນຫາຍ ຍັງດຳເນີນການຢູ່, ຫລັງຈາກພົບ ຜູ້ເສຍຊີວິດ ຢ່າງໜ້ອຍ 178 ຄົນ ແລະ ສູນຫາຍອີກ 190 ຄົນ.
ຂປລ.ສຳນັກຂ່າວ ນີວແດນລີ ຂອງອິນເດຍ ລາຍງານວ່າ: ອິນເດຍ ໄດ້ສົ່ງທະຫານ ໄປເລັ່ງຊ່ວຍເຫລືອ ໃນການສ້າງ ຂົວເຫລັກ ໃຫ້ສຳເລັດໂດຍໄວ ເພື່ອໃຫ້ສາມາດ ເດີນທາງເຊື່ອມຕໍ່ ລະຫວ່າງ ເຂດທີ່ໄດ້ຮັບຜົນກະທົບ ຮຸນແຮງທີ່ສຸດ ຈາກເຂດດິນເຈື່ອນ ທີ່ລັດເກຣລະ ເມື່ອວັນຜ່ານມາ, ຂະນະທີ່ ການຄົ້ນຫາ ຜູ້ສູນຫາຍ ຍັງດຳເນີນການຢູ່, ຫລັງຈາກພົບ ຜູ້ເສຍຊີວິດ ຢ່າງໜ້ອຍ 178 ຄົນ ແລະ ສູນຫາຍອີກ 190 ຄົນ. ເຈົ້າໜ້າທີ່ ສາມາດຊ່ວຍເຫລືອ ປະຊາຊົນອອກມາໄດ້ ເກືອບ 1.600 ຄົນ ແລະ ຄາດວ່າ ຈຳນວນຜູ້ເສຍຊີວິດ ອາດຈະເພີ່ມສູງຂຶ້ນ.
ສຳລັບ ເຈົ້າໜ້າທີ່ ທະຫານ ທີ່ຖືກສົ່ງມານີ້ ມີພາລະກິດຫລັກ ໃນການສ້າງຂົວເຫລັກ ດ້ວຍຄວາມຍາວ 58 ແມັດເພື່ອໃຫ້ສາມາດ ນໍາເຄື່ອງຈັກລົດໜັກ ເຂົ້າໄປຍັງພື້ນທີ່ ປະສົບໄພ ໃນເຂດ ວາຍານາດ ຫລັງຈາກ ເຫດການ ດິນເຈື່ອນ ໄດ້ສ້າງຄວາມເສຍຫາຍ ໃຫ້ກັບຂົວ ທີ່ເຊື່ອມຕໍ່ ໝູ່ບ້ານ. ຫລັງຈາກຂົວ ສ້າງສຳເລັດ ເຈົ້າໜ້າທີ່ ສາມາດ ເຂົ້າໄປຄົ້ນຫາ ແລະ ຊ່ວຍເຫລຶືືອ ຜູ້ປະສົບໄພໄດ້ດີຂຶ້ນ./.
KPL
