ຂປລ
ກອງປະຊຸມ ເວທີປຶກສາຫາລືຈີນ ຂອງຜູ້ນຳອຸດສາຫະກຳ ການຄ້າອົງການຮ່ວມມື ດ້ານເສດຖະກິດ ອາຊີ-ປາຊິຟິກ ຫລື APEC ປີ 2026 ໄດ້ຈັດຂຶ້ນ ຢູ່ນະຄອນຫລວງປັກກິ່ງ.
ຂປລ.ວິທະຍຸ ໂທລະພາບ ສູນກາງຈີນ, ວັນທີ 21 ມິຖຸນານີ້, ກອງປະຊຸມ ເວທີປຶກສາຫາລືຈີນ ຂອງຜູ້ນຳອຸດສາຫະກຳ ການຄ້າອົງການຮ່ວມມື ດ້ານເສດຖະກິດ ອາຊີ-ປາຊິຟິກ ຫລື APEC ປີ 2026 ໄດ້ຈັດຂຶ້ນ ຢູ່ນະຄອນຫລວງປັກກິ່ງ. ປີນີ້ແມ່ນ “ປີຈີນ” ຂອງ APEC, ແຂກທີ່ເຂົ້າຮ່ວມ ກອງປະຊຸມໄດ້ສະແດງຄວາມມຸ່ງໝັ້ນ ທີ່ຈະເດັດດ່ຽວຮັກສາລະບົບການຄ້າຫລາຍຝ່າຍ ທີ່ຖືອົງການການຄ້າໂລກ ຫລື WTO ເປັນໃຈກາງ, ຄັດຄ້ານລັດທິຝ່າຍດຽວ ແລະ ລັດທິປົກປ້ອງ, ຊຸກຍູ້ການຫັນເປັນ ແບບເສລີ ແລະ ການອຳນວຍ ຄວາມສະດວກ ດ້ານການຄ້າ ແລະ ການລົງທຶນ ຢ່າງຕໍ່ເນື່ອງ. ສະພາທີ່ປຶກສາ ອຸດສາຫະກຳການຄ້າ APEC ໄດ້ຟື້ນຟູການສ້າງຕັ້ງໜ່ວຍງານເຊື່ອມໂຍງເຊື່ອມຈອດຄືນໃໝ່ ຫລັງຈາກຢຸດສະງັກເປັນເວລາ 8 ປີ ແລະ ໄດ້ອອກຖະແຫລງການສອງສະບັບກ່ຽວກັບ ການສະໜັບສະໜູນ ເຂດການຄ້າ ເສລີ ອາຊີ-ປາຊີຟິກ ແລະ ການເຊື່ອງໂຍງ ເຊື່ອມຈອດ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
