ຫັດຖະກຳຕໍ່າແຜນຄຳແສນ ຄອງໃຈລູກຄ້າຍາວນານ

09/07/2024 09:30
Email Print 272
ຂປລ ດັ່ງທີ່ເຮົາຮູ້ນໍາກັນແລ້ວວ່າ ຫັດຖະກໍາຕໍ່າແຜ່ນຂອງເອື້ອຍນ້ອງແມ່ຍິງລາວ ແມ່ນໄດ້ຮັບຄວາມນິຍົມສູງດ້ວຍສິລະປະລວດລາຍ, ຄວາມປານີດໃນການຖັກທໍເຮັດໃຫ້ມີຄຸນຄ່າສົມລາຄາເໝືອນດັ່ງຫັດຖະກຳຕໍ່ແຜນຄຳແສນ ທີ່ສາມາດຄອງໃຈຜູ້ຊົມໃຊ້ ຫລື ລູກຄ້າໄດ້ຢ່າງຍາວນານ.

    *ດັ່ງທີ່ເຮົາຮູ້ນໍາກັນແລ້ວວ່າ ຫັດຖະກໍາຕໍ່າແຜ່ນຂອງເອື້ອຍນ້ອງແມ່ຍິງລາວ ແມ່ນໄດ້ຮັບຄວາມນິຍົມສູງດ້ວຍສິລະປະລວດລາຍ, ຄວາມປານີດໃນການຖັກທໍເຮັດໃຫ້ມີຄຸນຄ່າສົມລາຄາເໝືອນດັ່ງຫັດຖະກຳຕໍ່ແຜນຄຳແສນ ທີ່ສາມາດຄອງໃຈຜູ້ຊົມໃຊ້ ຫລື ລູກຄ້າໄດ້ຢ່າງຍາວນານ ຍ້ອນມີເອກະລັກທີ່ດຶງດູດ, ມີລວດລາຍສວຍງາມ, ມີຄຸນນະພາບສົມລາຄາ ແລະ ສາມາດພັດທະນາຜະລິດຕະພັນໃຫ້ມີຫລາກຫລາຍຮູບແບບ ເພື່ອເປັນທາງເລືອກໃຫ້ລູກຄ້າ.

     ດັ່ງທີ່ທ່ານນາງ ສົມເພັດ ໂຄດສີເມືອງ ຜູ້ສືບທອດຫັດຖະກຳຕໍ່າແຜນຄຳແສນໃຫ້ຮູ້ວ່າ: ການເຮັດອາຊີບນີ້ ແມ່ນເລີ່ມມາແຕ່ຍັງນ້ອຍເນື່ອງຈາກວ່າຜູ້ເປັນແມ່ບໍ່ໄດ້ຮຽນ ໜັງສືຈຶ່ງຍຶດອາຊີບຕໍ່າຫູກຂາຍ ເພື່ອລ້ຽງຄອບຄົວເຮັດມາໄດ້ຫລາຍປີ ຈຶ່ງເຮັດໃຫ້ຄົນຮູ້ຈັກຫລາຍຂຶ້ນຊຶ່ງໃນເບື້ອງຕົ້ນຍັງບໍ່ໄດ້ເປັນທຸລະກິດ ໃຫຍ່ມີແຕ່ເຮັດຂາຍເລັກນ້ອຍເທົ່ານັ້ນ. ຈົນຕົກມາໄລຍະປີ 2004 ຂ້າພະເຈົ້າຜູ້ເປັນລູກເຫັນໄດ້ທ່າແຮງດ້ານນີ້ ຈຶ່ງມີແນວຄິດຢາກພັດທະນາ, ຢາກສົ່ງເສີມເອື້ອຍນ້ອງແມ່ຍິງຜະລິດຫັດຖະກໍາຕໍ່າຫູກເປັນສິນຄ້າຈຶ່ງໄດ້ສຶກສາການວິເຄາະການຕະຫລາດ ແລະ ເບິ່ງຄວາມເປັນໄປໄດ້ໃນອາຊີບນີ້ ແລະ ເຫັນວ່າ: ຫັດຖະກຳຕໍ່າແຜນຂອງລາວຍັງມີທ່າແຮງສາມາດພັດທະນາໄດ້ຢ່າງບໍ່ຢຸດຢັ້ງພຽງແຕ່ຕ້ອງຮູ້ຈັກພັດທະນາ ແລະ ສ້າງຜະລິດຕະພັນໃໝ່ໆອອກມາໃຫ້ຜູ້ຊົມໃຊ້ໄດ້ເລືອກຢ່າງຫລາກຫລາຍ ເຊັ່ນ: ສິ້ນ, ແພເສື້ອ, ຜ້າພັນຄໍ, ກະເປົາພາຍ ແລະ ອື່ນໆໂດຍໃຊ້ລວດລາຍແຜ່ນແພລາວໃນການຕົບແຕ່ງຕາມຄວາມຕ້ອງການຂອງສັງຄົມໃນປັດຈຸບັນ. 

   ທ່ານນາງ ສົມເພັດ ໂຄດສີເມືອງ ຍັງໃຫ້ຮູ້ຕື່ມວ່າ: ຕະຫລອດຫລາຍສິບປີທີ່ໄດ້ກິ້ງເກືອກລີເລືອກັບຫັດຖະກຳຕໍ່ແຜ່ນ ຕົນເອງໄດ້ສຸມໃສ່ພັດທະນາທັງຄຸນນະພາບ ແລະ ຮູບແບບຂອງຜະລິດຕະພັນຢູ່ຕະຫລອດ ເພື່ອໃຫ້ເຂົ້າກັບຍຸກສະໃໝ ຈຶ່ງເຮັດໃຫ້ຫັດຖະກໍາຕໍ່າແຜນຄໍາແສນ ຈາກບ້ານໂພນໝີ ເມືອງວຽງຄຳ ແຂວງວຽງຈັນ ຄອງໃຈລູກຄ້າມາຍາວນານ ເຊິ່ງຈຸດນີ້ກໍໄດ້ປະກອບສ່ວນສ້າງວຽກເຮັດງານທໍາໃຫ້ເອື້ອຍນ້ອງແມ່ຍິງໃນຫລາຍບ້ານ ຂອງແຂວງວຽງຈັນມີອາຊີບເສີມເພີ່ມລາຍຮັບເຂົ້າຄອບຄົວບໍ່ຕໍ່າກວ່າ 3-4 ລ້ານກີບຕໍ່ເດືອນ.

ໂດຍ: ມາລິດາ

KPL

ຂ່າວອື່ນໆ

    • ການເຂື່ອນຍ້າຍ ສັດນໍ້າ ແລະ ສັດປ່າ ຕ້ອງປະຕິບັດຕາມກົດໝາຍບົດ-ສາລະຄະດີ

      ການເຂື່ອນຍ້າຍ ສັດນໍ້າ ແລະ ສັດປ່າ ຕ້ອງປະຕິບັດຕາມກົດໝາຍ

      7/19/2024 11:08:30 AM

      ໃນມາດຕາທີ 41 ຂອງກົດໝາຍວ່າດ້ວຍສັດນໍ້າ ແລະ ສັດປ່າ ໄດ້ກຳນົດໄວ້ວ່າ: ການເຄື່ອນຍ້າຍສັດນ້ຳ ແລະ ສັດປ່າ ປະເພດຫວງຫ້າມ ແລະ ປະເພດຄຸ້ມຄອງຈາກສະຖານທີ່ໜຶ່ງໄປສະຖານທີ່ອື່ນຢູ່ພາຍໃນປະເທດ ຕ້ອງໄປຕາມເສັ້ນ ທາງທີ່ໄດ້ກຳນົດໃຫ້ ແລະ ແຈ້ງເອກະສານຕໍ່ເຈົ້າໜ້າທີ່ປະຈຳດ່ານ ກວດກາຊຶ່ງປະກອບດ້ວຍໃບອະນຸຍາດເຄື່ອນຍ້າຍຂອງຂະແໜງການກະສິກຳ ແລະ ປ່າໄມ້, ໃບຢັ້ງຢືນສຸຂະພາບ, ໃບຢັ້ງຢືນຖິ່ນກຳເນີດ, ໃບທະບຽນສັດ.

    • ປ່ອຍແລ້ວ ຕ້ອງຮ່ວມກັນປົກປັກຮັກສາບົດ-ສາລະຄະດີ

      ປ່ອຍແລ້ວ ຕ້ອງຮ່ວມກັນປົກປັກຮັກສາ

      7/19/2024 11:00:41 AM

      ໃນວັນທີ 13 ກໍລະກົດ ຜ່ານມາເຫັນວ່າ: ຫລາຍທ້ອງຖິ່ນທາງພາກ ລັດ ແລະ ເອກະຊົນໃນຂອບເຂດທົ່ວປະເທດໄດ້ພ້ອມກັນສ້າງຂະບວນການປ່ອຍປາ ແລະ ສັດນໍ້າ ເພື່ອສະເຫລີມສະຫລອງວັນດັ່ງກ່າວຢ່າງຟົດຟື້ນ ແລະ ກໍຫວັງວ່າໄດ້ບັນລຸຕາມຄາດ ໝາຍທີ່ວາງໄວ້ ໂດຍສະເພາະແມ່ນສູ້ຊົນປ່ອຍປາໃຫ້ໄດ້ 64 ບ້ານ ໂຕທີ່ກະຊວງກະສິກຳ ແລະ ປ່າໄມ້ວາງໄວ້.

    • ຮັບຮູ້ນະໂຍບາຍການປະຕິຮູບຂອງຈີນໃນຍຸກໃໝ່ບົດ-ສາລະຄະດີ

      ຮັບຮູ້ນະໂຍບາຍການປະຕິຮູບຂອງຈີນໃນຍຸກໃໝ່

      7/19/2024 10:33:35 AM

      ວັນທີ 18 ກໍລະກົດ 2024, ພັກ​ກອມ​ມູ​ນິດ​ຈີນ​ໄດ້​ເຜີຍ​ແຜ່​ຖະ​ແຫລງ​ການ​ ກອງປະຊຸມຄົບຄະນະຄັ້ງທີ 3 ຂອງຄະນະກຳມະການສູນກາງພັກກອມມູນິດຈີນ ສະໄໝທີ XX ໂດຍ​ໄດ້​ວາງ​ແຜນ​ຍຸດ​ທະ​ສາດ​ກ່ຽວ​ກັບ​ການ​ລົງ​ເລິກ​ການ​ປະ​ຕິ​ຮູບ​ຢ່າງ​ຮອບ​ດ້ານ​ຕື່ມ​ອີກ ​ແລະ​ ຊຸກ​ຍູ້​ຄວາມ​ທັນ​ສະ​ໄໝ​ແບບ​ຈີນ ພ້ອມ​ທັງ​ວາງ​ມາດ​ຕະ​ການ​ລະ​ອຽດ.

    • ເກມພະນັນອອຍລາຍ ຜິດກົດໝາຍ ພ້ອມກັນຕ້ານບົດ-ສາລະຄະດີ

      ເກມພະນັນອອຍລາຍ ຜິດກົດໝາຍ ພ້ອມກັນຕ້ານ

      7/19/2024 10:02:21 AM

      ການພະນັນອອນລາຍ ຫລື ເກມອອນລາຍ ແມ່ນການຫລິ້ນເກມໃນຮູບແບບການສ່ຽງໂຊກທາງອອນລາຍ ກຳລັງມີທ່າອ່ຽງຂະຫຍາຍຕົວເພີ່ມຂຶ້ນໃນທົ່ວໂລກ ແລະ ມີຫລາຍປະເທດໄດ້ຫັນມາຄຸ້ມຄອງ ແລະ ຄວບຄຸມບັນຫາດັ່ງກ່າວຢ່າງເປັນລະບົບ, ຮອດປັດຈຸບັນນີ້ການພະນັນອອນລາຍຢູ່ປະເທດເຮົາ ຍັງສືບຕໍ່ເຄື່ອນໄຫວຢ່າງເສລີ ແລະ ມີແຫລ່ງເງິນຕາເຂົ້າ-ອອກປະເທດ ໂດຍບ່ໍໄດ້ຮັບການຄຸ້ມຄອງເປັນຈຳນວນຫລາຍ.

    • ສາຍພົວພັນລາວ-ຫວຽດນາມ ຄືສາຍພົວພັນພິເສດ ທີ່ເປັນເອກະລັກສະເພາະໃນໂລກບົດ-ສາລະຄະດີ

      ສາຍພົວພັນລາວ-ຫວຽດນາມ ຄືສາຍພົວພັນພິເສດ ທີ່ເປັນເອກະລັກສະເພາະໃນໂລກ

      7/19/2024 9:54:44 AM

      ໃນປະຫວັດສາດຂອງການພົວພັນສາກົນ ສາຍພົວພັນມິດຕະພາບທີ່ ເປັນມູນເຊ້ືອຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ລາວ-ຫວຽດນາມ ໄດ້ເປັນແວ່ນແຍງແບບຢ່າງອັນພົ້ນເດັ່ນ ທີ່ບໍ່ເຄີຍມີມາກ່ອນ ໂດຍໄດ້ເອົາຜົນປະໂຫຍດມາສູ່ປະຊາຊົນສອງປະເທດ ທັງໃນຂະບວນການຕໍ່ສູ້ເພື່ອເອກະລາດເສລີພາບ ແລະ ຄວາມຮຸ່ງເຮືອງສີວິໄລໃນໄລຍະສ້າງສາ ແລະ ພັດທະນາປະເທດຊາດ.

ads
ads

Top