ຂປລ
ສະຖານ ເອກອັກ ຄະລັດຖະທູດ ຈີນ ປະຈຳ ເອຢິບ ເປີດເຜີຍວ່າ: ສິ່ງຂອງ ຊ່ວຍເຫລືອ ດ້ານມະນຸດສະທຳ ທີ່ຈັດສັນ ໂດຍ ລັດຖະບານ ຈີນ ເພື່ອຊາວ ປາເລສຕີນ ຈຳນວນ 2 ຊຸດ ໄດ້ຂົນສົ່ງ ໄປຍັງ ສະໜາມບິນ ອັລ-ອາຣິຊ ແລະ ທ່າກຳປັ່ນ ຊາອິດ ຢູ່ເອຢິບ
ຂປລ. ສຳນັກຂ່າວ ຊິນຮວາ ຂອງ ສປຈີນ, ວັນທີ 17 ເດືອນເມສາ, ສະຖານ ເອກອັກ ຄະລັດຖະທູດ ຈີນ ປະຈຳ ເອຢິບ ເປີດເຜີຍວ່າ: ສິ່ງຂອງ ຊ່ວຍເຫລືອ ດ້ານມະນຸດສະທຳ ທີ່ຈັດສັນ ໂດຍ ລັດຖະບານ ຈີນ ເພື່ອຊາວ ປາເລສຕີນ ຈຳນວນ 2 ຊຸດ ໄດ້ຂົນສົ່ງ ໄປຍັງ ສະໜາມບິນ ອັລ-ອາຣິຊ ແລະ ທ່າກຳປັ່ນ ຊາອິດ ຢູ່ເອຢິບ ໃນລະຫວ່າງ ວັນທີ 18-19 ເມສານີ້. ເຄື່ອງຊ່ວຍເຫລືອ ດັ່ງກ່າວ ປະກອບດ້ວຍ ເຕັ້ນ, ຜ້າຫົ່ມ, ເສື້ອຜ້າ, ຢາປິ່ນປົວພະຍາດ ແລະ ແປ້ງປະກອບອາຫານ ໂດຍການຂົນສົ່ງ ຜ່ານດ່ານ ຊາຍແດນ ຣາຟາ. ນອກຈາກນັ້ນ, ລັດຖະບານ ຈີນ ຍັງຈະສືບຕໍ່ ໃຫ້ ຄວາມຊ່ວຍເຫລືອ ໃຫ້ປາເລສຕິນ ເພື່ອບັນເທົາສະຖານະການ ດ້ານມະນຸດ ສະທຳ ໃນກາຊາ./
KPL