ຂປລ
ຂປລ. ກະຊວງແຮງງານ ແລະ ສະຫວັດດີການ-ສັງຄົມ(ຮສສ) ຈັດພິທີມອບໃບຢັ້ງຢືນໜ່ວຍ ພັກປອດໃສ, ເຂັ້ມແຂງ, ໜັກແໜ້ນ ແລະ ໃບຍ້ອງຍໍກົມກອງ, ບຸກຄົນດີເດັ່ນປະຈຳປີ 2023 ໃນວັນທີ 10 ເມສາ 2024 ໂດຍການເປັນປະທານ ແລະ ມອບໃບຢັ້ງຢືນຂອງ ສະຫາຍ ນາງ ໃບຄຳ ຂັດທິຍະ ກຳມະການສູນກາງພັກ, ເລຂາຄະນະພັກ, ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ
ຂປລ. ກະຊວງແຮງງານ ແລະ ສະຫວັດດີການ-ສັງຄົມ(ຮສສ) ຈັດພິທີມອບໃບຢັ້ງຢືນໜ່ວຍ ພັກປອດໃສ, ເຂັ້ມແຂງ, ໜັກແໜ້ນ ແລະ ໃບຍ້ອງຍໍກົມກອງ, ບຸກຄົນດີເດັ່ນປະຈຳປີ 2023 ໃນວັນທີ 10 ເມສາ 2024 ໂດຍການເປັນປະທານ ແລະ ມອບໃບຢັ້ງຢືນຂອງ ສະຫາຍ ນາງ ໃບຄຳ ຂັດທິຍະ ກຳມະການສູນກາງພັກ, ເລຂາຄະນະພັກ, ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ມີຮອງເລຂາຄະນະພັກ, ຄະນະປະຈຳພັກ, ພ້ອມດ້ວຍຄະນະພັກ, ສະມາຊິກພັກ ພາຍໃນ ແລະ ອອ້ມຂ້າງກະຊວງ ເຂົ້າຮ່ວມ.
ສະຫາຍ ຄຳໄຊ ເຊຍຢິງຢ່າງ ຫົວໜ້າກົມຈັດຕັ້ງ ແລະ ພະນັກງານ ໄດ້ໃຫ້ຮູ້ວ່າ: ຜ່ານການນຳພາຊີ້ນຳຢ່າງໃກ້ຊິດຂອງຄະນະພັກ, ຄະນະນຳກະຊວງ ຮສສ ໂດຍຖືເອົາວຽກງານດັ່ງກ່າວເປັນໜ້າທີ່ໃຈກາງ ແລະ ຄວາມຮັບຜິດຊອບໜ້າທີ່ການເມືອງຂອງຕົນ ຊຶ່ງໄດ້ແຕ່ງຕັ້ງຄະນະຮັບຜິດຊອບຊີ້ນຳ ແລະ ໜ່ວຍງານວິຊາການຊ່ວຍວຽກລົງຊີ້ນຳ ແລະ ແນະນຳວິທີສະຫລຸບ, ວິທີສ້າງແຜນການ, ຊຸກຍູ້, ຕິດຕາມ, ກວດກາປະເມີນການຈັດຕັ້ງປະຕິບັດ ແຜນກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນຕາມ 5 ເນື້ອໃນການຄັດເລືອກກົມ-ກອງ ແລະ ບຸກຄົນດີເດັ່ນ ເຊິ່ງປີ 2023 ໄດ້ຮັບຮອງແຜນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ໄດ້ທັງໝົດ 11 ໜ່ວຍພັກ, ຮັບຮອງເອົາຂໍ້ແຂ່ງຂັນຂອງບັນ ດາກົມ-ກອງໄດ້ 12 ພາກສ່ວນ ແລະ ບຸກຄົນທັງໝົດ 468 ທ່ານ. ຜ່ານການຕິດຕາມ, ກວດກາ, ປະເມີນຜົນ ແລະ ຄັດເລືອກສາມາດຮັບຮອງ ໜ່ວຍພັກເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ໄດ້ 7 ໜ່ວຍພັກ ແລະ ກົມ-ກອງດີເດັ່ນປະເພດ 1 ໄດ້ 7 ກົມກອງ ແລະ ບຸກຄົນດີເດັ່ນປະເພດ I ໄດ້ 438 ທ່ານ.
ໂອກາດນີ້, ສະຫາຍ ນາງ ໃບຄຳ ຂັດທິຍະ ໄດ້ໂອ້ລົມໂດຍເນັ້ນໃຫ້ຄະນະພັກ ແຕ່ລະຂັ້ນສຸມໃສ່ເຮັດວຽກງານສຶກອົບຮົມການເມືອງ-ແນວຄິດຢ່າງແຂງແຮງ ຖືເປັນຄວາມຮັບຜິດຊອບໂດຍກົງ ໃນການນຳພາຂອງຕົນ ເພື່ອເປັນປັດໄຈສຳຄັນສອດຫ້ອຍ ໄປທຸກຂົງເຂດການເຄື່ອນໄຫວ ແລະ ມີຄວາມເປັນເອ ກະພາບຕໍ່ບັນດາແນວທາງນະໂຍບາຍ, ມະຕິ, ຄຳສັ່ງ, ກົດລະບຽບຂອງພັກ, ກົດໝາຍ ແລະ ລະ ບຽບການຕ່າງໆຂອງລັດ ເພື່ອນຳພາຈັດຕັ້ງປະຕິບັດ ໂດຍໃຫ້ຄະນະພັກແຕ່ລະຂັ້ນ ນຳເອົາບັນດາເອກະສານທີ່ຕິດພັນ ກັບໜ້າທີ່ການເມືອງຂອງຕົນ ມາເຊື່ອມຊຶມຕໍ່ໃຫ້ພະນັກງານ-ສະມາຊິກພັກ ຮັບຮູ້, ເຂົ້າໃຈ, ຄະ ນະພັກແຕ່ລະຂັ້ນຕ້ອງໄດ້ຈັດຕັ້ງຄົ້ນຄ້ວາ, ເຊື່ອມຊຶມ, ກຳແໜ້ນເນື້ອໃນຈິດໃຈແຜນສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ແລະ ຂໍ້ແຂ່ງຂັນຂອງກົມ-ກອງ ຕິດພັນກັບຂໍ້ແຂ່ງຂັນຮັກຊາດ ແລະ ພັດທະນາປະຈຳປີ 2024 ໃຫ້ເລິກເຊິ່ງ ຜັນຂະຫຍາຍໃຫ້ເປັນແຜນງານ, ແຜນການ, ຄາດໝາຍສູ້ຊົນຂອງຄະນະພັກ ແຕ່ລະຂັ້ນໃຫ້ລະອຽດ ພ້ອມທັງນຳພາ-ຊີ້ນຳຈັດຕັ້ງປະຕິບັດ ໃຫ້ຖືເປັນຄວາມຮັບຜິດ ຊອບໂດຍກົງຂອງຄະນະພັກ ແຕ່ລະຂັ້ນມີຜົນສຳເລັດເປັນຢ່າງດີ.
ຂ່າວ: ຂ່າວສານ ຮສສ
KPL