*** ຕໍ່ຈາກສະບັບກ່ອນ ***

*ການພົວພັນ ຄູ່ຮ່ວມມື ແມ່ນ້ໍາຂອງ- ອົດສະຕຣາລີ ໄລຍະທີ 2 ນີ້ ຈະຕໍ່ຍອດ ຈາກການລົງທຶນທີ່ມີຢູ່ແລ້ວຂອງເຮົາ ເພື່ອສະໜັບສະໜູນການໃຊ້ຊັບພະຍາກອນນ້ຳ ໃນແມ່ນ້ຳຂອງໃຫ້ຍືນຍົງ ສຳລັບ ສປປ ລາວ ແລະ ບັນດາປະເທດລຸ່ມແມ່ນ້ຳຂອງ. ນອກຈາກນີ້ຍັງໄດ້ປະກາດການລິເລີ່ມໂຄງການຮ່ວມມືສຳລັບພື້ນຖານໂຄງລ່າງໄລຍະທີ 2 ພ້ອມດ້ວຍຄຳໝັ້ນສັນຍາທີ່ຈະລົງທຶນ 140 ລ້ານໂດລາອົດສະຕຣາລີ. ການສະໜັບສະໜູນດັ່ງກ່າວຈະຊ່ວຍຂະຫຍາຍການຮ່ວມມືໃນຂົງເຂດ ພະລັງງານ ແລະ ຄົມມະນາຄົມຂົນສົ່ງ ຢູ່ ສປປ ລາວ. ການເພິ່ມທະວີການຄ້າ ແລະ ການລົງທຶນສອງສົ້ນແມ່ນຫົວຂໍ້ສຳຄັນຂອງກອງປະຊຸມສຸດຍອດສະໄໝພິເສດ ແລະ ທ່ານນາຍົກລັດຖະມົນຕີ ອາບານີຊີ ໄດ້ປະກາດບ້ວງເງິນລົງທຶນຂອງອາຊີຕາເວັນອອກສ່ຽງໃຕ້ ຈຳອກັບລັດຖະບານ ແລະ ພາກເອກະຊົນ ກ່ຽວກັບການຮ່ວມມືດ້ານເສດຖະກິດ.

  ຂ້າພະເຈົ້າດີໃຈຫລາຍທີ່ນັກທຸລະກິດດີເດັ່ນ ຈາກ ສປປ ລາວ ແມ່ນທ່ານ ຊາວສ ໂອສເຊີນ ປະທານ AgCoTech ເຊິ່ງທ່ານມີຄວາມຊ່ຽວຊານ ແລະ ຮູ້ຈັກ ສປປ ລາວ ເປັນຢ່າງດີ. AgCo-Tech ເປັນທຸລະກິດກະເສດທີ່ປະດິດສ້າງຂອງອົດສະຕຣາລີ ທີ່ເຮັດວຽກເພື່ອຫລຸດຜ່ອນການປ່ອຍ ກາສມີເທນ ໃນ ສປປ ລາວ. ບໍລິສັດຜະລິດກ້ອນຢາ ສໍາລັບອຸດສາຫະກໍາ-ກະສິກໍາທີ່ຊ່ວຍ ຫລຸດຜ່ອນກາສເຮືອນແກ້ວ ໂດຍການ ຫລຸດຜ່ອນກາສມີເທນ ທີ່ປ່ອຍອອກ ຈາກຄວາຍ ແລະ ເພີ່ມການຜະລິດນົມ ຄວາຍ. ການນຳໃຊ້ເຕັກ ໂນໂລຊີທີ່ທັນ ສ ະໄໝ ເພື່ອສ້າງຜົນ ກະທົບທາງສັງ ຄົມ ແລະ ສະພາບແວດລ້ອມທີ່ດີຂຶ້ນຖືເປັນສິ່ງທີ່ສະແດງໃຫ້ເຫັນວ່າ ບໍລິສັດໃນອົດສະຕຣາລີແມ່ນນຳໃຊ້ປະຕິບັດໄດ້ດີຫລາຍ. ເພື່ອສະແດງໃຫ້ເຫັນເຖິງຄວາມມຸ່ງໝັ້ນຕັ້ງໃຈຂອງພວກຂ້າພະເຈົ້າໃນດ້ານສາທາລະນະສຸກ ແລະ ນະວັດຕະກຳທາງວິທະຍາສາດ, ທ່ານລັດຖະມົນຕີແອວບານີຊີໄດ້ປະ ກາດວ່າອົດສະຕຣາລີ ຈະປະກອບສ່ວນສະໜັບສະໜູນທຶນຈຳນວນ 3 ລ້ານໂດລາ ເພື່ອເສີມຂະຫຍາຍໂຄງການ ຄອບຄຸມພະຍາດໄຂ້ເລືອດອອກ ປະຈຳນະຄອນຫລວງວຽງຈັນ ໂດຍການຮ່ວມມືກັບກະຊວງສາທາລະນະສຸກ, ອົງການຊ່ວຍເຫລືອເດັກປະຈຳ ສປປ ລາວ ແລະ ໂຄງການຍຸງລາຍ ໂລກຂອງອົດສະຕຣາລີ.

    ທ່ານນາຍົກແອວບານີຊີ ໄດ້ກ່າວໃນກອງປະຊຸມສຸດຍອດສະໄໝພິເສດຄັ້ງນີ້ວ່າ ມັນໄດ້ສະແດງໃຫ້ເຫັນເຖິງຫລັກໝັ້ນ ຂອງອົດຕຣາລີທີ່ຈະເພີ່ມທະວີການຮ່ວມມືກັບ ສປປ ລາວ ແລະ ອາຊຽນ. ໃນວາລະສະຫລຸບກອງປະຊຸມນີ້, ບັນດາຜູ້ນຳໄດ້ຮັບຮອງເອົາ 2 ເອກະສານຜົນກອງປະຊຸມ. ຖະແຫລງການວິໄສທັດຂອງຜູ້ນຳອາຊຽນ-ອົດສະຕຣາລີ ວ່າດ້ວຍຄູ່ຮ່ວມມືເພື່ອສັນຕິພາບ ແລະ ຄວາມສົມບູນພູນສຸກ ໄດ້ກຳນົດວິໄສທັດຍຸດທະສາດຮ່ວມກັນໃນ 50 ປີຕໍ່ໜ້າ ໃນຖານະເປັນຄູ່ຮ່ວມມືເພື່ອສັນຕິພາບ ແລະ ຄວາມສົມບູນພູນສຸກຢູ່ໃນພາກພື້ນ. ຖະແຫລງການເມວເບີນວ່າດ້ວຍການຮ່ວມມືເພື່ອອະນາຄົດໄດ້ຢັ້ງຢືນ ເຖິງຄວາມມຸ່ງຫມັ້ນຂອງພວກເຮົາທີ່ຈະເຮັດວຽກຮ່ວມກັນເພື່ອແກ້ໄຂສິ່ງທ້າທາຍ ໃນຂະນະດຽວກັນນີ້ກໍຖືວ່າເປັນໂອກາດທີ່ທຸກຄົນທີ່ອາໃສຢູ່ໃນພາກພ້ືນ ຈະໄດ້ຮັບຜົນປະໂຫຍດນ້ີຮ່ວມກັນ. ເມື່ອກ່າວເຖິງຄຳເຫັນຂອງກອງປະຊຸມ, ຂ້າພະເຈົ້າຖືວ່າເປັນກຽດຫລາຍທ່ີໄດ້ຮັບຟັງນາຍົກລັດຖະມົນຕີ ທ່ານ ສອນໄຊ ປະກາດວ່າ ອົດສະຕຣາລີ ເປັນປະເທດເພື່ອນມິດທີ່ເກົ່າແກ່ ແລະ ສະໜິດສະໜົມທີ່ສຸດຂອງອາຊຽນ, ອົດສະຕຣາລີໃຫ້ຄຳໝັ້ນສັນຍາ ຈະຢືນຄຽງບ່າຄຽງໄລ່ ສປປ ລາວ ໃນທຸກບາດກ້າວ.*** ອ່ານຕໍ່ສະບັບໜ້າ ***

ໂດຍ: ເກີດຂວັນໃຈ ມາລີຈັນສີ

KPL