ຂປລ
ຫໍພິພິທະພັນແຫ່ງຊາດ ເມື່ອກ່ອນແມ່ນຫໍວາງສະແດງມູນເຊື້ອ ເຊິ່ງໄດ້ຮັບການສ້າງຕັ້ງຂຶ້ນໃນປີ 1980 ເພື່ອສະເຫລີມສະຫລອງ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບ ຮອບ 5 ປີ (1975-1980).
*ຫໍພິພິທະພັນແຫ່ງຊາດ ເມື່ອກ່ອນແມ່ນຫໍວາງສະແດງມູນເຊື້ອ ເຊິ່ງໄດ້ຮັບການສ້າງຕັ້ງຂຶ້ນໃນປີ 1980 ເພື່ອສະເຫລີມສະຫລອງ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົຮອບ 5 ປີ (1975-1980). ຕໍ່ມາໄດ້ປ່ຽນເປັນຫໍພິພິທະພັນປະຕິວັດໃນປີ 1985, ມາຮອດປີ 2000 ໄດ້ຍົກລະດັບຂຶ້ນເປັນຫໍພິພິທະພັນແຫ່ງຊາດ ໂດຍນໍາໃຊ້ອາຄານເກົ່າສ້າງຂຶ້ນໃນປີ 1925 ເຊິ່ງເປັນສະຖາປັດຕະຍະກໍາຍຸກອະນານິຄົມ, ເປັນອາຄານທີ່ເຄີຍນໍາໃຊ້ເປັນສະຖານທີ່ປະກາດເອກະລາດ ອະທິປະໄຕ ແຫ່ງຊາດເໜືອການຄອບຄອງຂອງລະບອບອະນານິຄົມຝຣັ່ງບົນຜືນແຜ່ນດິນລາວ ໃນວັນທີ 12 ຕຸລາ 1945, ຕັ້ງຢູ່ຖະໜົນສາມແສນໄທ, ບ້ານອານຸ, ເມືອງຈັນທະບູລີ, ນະຄອນຫລວງວຽງຈັນ.

ກ່ອນແມ່ນຫໍວາງສະແດງມູນເຊື້ອ ເຊິ່ງໄດ້ຮັບການສ້າງຕັ້ງຂຶ້ນໃນປີ 1980 ເພື່ອສະເຫລີມສະຫລອງ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 5 ປີ (1975-1980). ຕໍ່ມາໄດ້ປ່ຽນເປັນຫໍພິພິທະພັນປະຕິວັດໃນປີ 1985, ມາຮອດປີ 2000 ໄດ້ຍົກລະດັບຂຶ້ນເປັນຫໍພິພິທະພັນ ແຫ່ງຊາດ ໂດຍນໍາໃຊ້ອາຄານເກົ່າສ້າງຂຶ້ນໃນປີ 1925 ເຊິ່ງເປັນສະຖາ ປັດຕະຍະກໍາຍຸກອະນານິຄົມ, ເປັນອາຄານທີ່ເຄີຍນໍາໃຊ້ເປັນສະຖານທີ່ປະກາດເອກະລາດ ອະທິປະໄຕ ແຫ່ງຊາດເໜືອການຄອບຄອງຂອງລະບອບອະນານິຄົມຝຣັ່ງບົນຜືນແຜ່ນດິນລາວ ໃນວັນທີ 12 ຕຸລາ 1945, ຕັ້ງຢູ່ຖະໜົນສາມແສນໄທ, ບ້ານອານຸ, ເມືອງຈັນທະບູລີ, ນະຄອນຫລວງວຽງຈັນ. ທະນະທຳ ແລະ ທ່ອງທ່ຽວ ໄດ້ໃຫ້ສຳພາດຕໍ່ນັກຂ່າວໜັງສືພິມປະເທດລາວວ່າ: ຫໍພິພິທະພັນແຫ່ງຊາດ ໄດ້ຍ້າຍມາອາຄານຫລັງໃໝ່ໃນປີ 2017 ເຊິ່ງເປັນອາຄານໃໝ່ສ້າງຂຶ້ນໃນປີ 2013 ໃຊ້ເວລາການກ່ໍສ້າງທັງໝົດ 4 ປີ ເພື່ອຕອບສະໜອງນະໂຍບາຍແຫ່ງການອະນຸລັກປົກປັກຮັກສາສືບທອດ ແລະ ສົ່ງເສີມມູນເຊື້ອປະຫວັດສາດ ແລະ ອະລິຍະທໍາອັນດີງາມຂອງຊາດ ທີ່ບັນພະບູລຸດຂອງລາວໄດ້ສ້າງສັນມາໃນອະດີດ ຜ່ານແຕ່ລະຍຸກແຕ່ລະສະໄໝອັນໄດ້ກາຍເປັນມໍລະດົກອັນລໍ້າຄ່າ ແລະ ເປັນເອກະລັກຢັ້ງຢືນຮາກເຫງົ້າທາງວັດທະນະທໍາຂອງປວງຊົນລາວ ທັງຊາດທັງເປັນການປັບປຸງຍົກລະດັບຫໍພິພິທະພັນແຫ່ງຊາດໃຫ້ຮັບປະກັນໄດ້ຄວາມປອດໄພມີຄວາມກວ້າງຂວາງຄວາມທັນສະໄໝ ແລະ ມີເນ້ືອໃນອຸດົມສົມບູນຂ້ຶນເທື່ອລະກ້າວຕາມວິໄສທັດຂອງລັດຖະບານ.

ຫໍພິພິທະພັນແຫ່ງຊາດ ໄດ້ຈັດວາງສະແດງຕາມໂຄງຮ່າງເນື້ອໃນວາງສະແດງທີ່ໄດ້ກຳນົດຕາມຍຸກສະໄໝ ແລະ ໄລຍະປະຫວັດສາດຊາດລາວ ເຊ່ິງປະກອບມີ 7 ພາກຄື:
ພາກທີ 1: ແຜ່ນດິນລາວຍຸກດຶກດຳບັນ ຢູ່ໃນຍຸກນີ້ໄດ້ນໍາສະເໜີກ່ຽວກັບທໍລະນີວິທະຍາ, ວິວັດທະນາການທາງບັນພະຊີວິນວິທະຍາ, ການຄົ້ນພົບຊາກໄດໂນເສົາ (ຄົ້ນພົບຢູ່ ແຂວງ ສະຫວັນນະເຂດ) ແລະ ວິວັດທະນາການທາງມະນຸດວິທະຍາ;
ພາກທີ2: ຍຸກກ່ອນປະຫວັດສາດ ຢູ່ໃນຍຸກນີ້ໄດ້ນໍາສະເໜີກ່ຽວກັບຍຸກຫີນ ແລະ ຍຸກໂລຫະ;
ພາກທີ 3: ປະຫວັດສາດຊາດລາວສະໄໝກ່ອນລ້ານຊ້າງ ຢູ່ໃນຍຸກນ້ີໄດ້ນໍາສະເໜີກ່ຽວກັບປະຫວັດສາດຊາດລາວຕອນຕົ້ນສະໄໝສີໂຄດຕະບູນ (ສີໂຄດຕະບອງ-ນໍາສະເໜີສິລະປະມອນ), ສະໄໝຊາຍຟອງ (ນໍາສະເໜີສິລະປະຂອມບູຮານ) ແລະ ກ່ອນການກໍາເນີດອານາຈັກລາວລ້ານຊ້າງ (ນໍາສະເໜີເມືອງບູຮານຄື: ເມືອງຊາຍຟອງບູຮານ, ເມືອງສຸວັນນະໂຄມຄໍາບູຮານ ແລະ ເມືອງໄຜ່ໜາມບູຮານ ແລ້ວປ່ຽນມາເປັນເມືອງວຽງຄໍາ ໃນເວລາຕໍ່ມາ);
ພາກທີ 4: ປະຫວັດສາດຊາດລາວສະໄໝລ້ານຊ້າງ ຢູ່ໃນຍຸກນີ້ໄດ້ນໍາສະເໜີກ່ຽວກັບອານາຈັກລາວລ້ານຊ້າງສະໄໝຊຽງທອງ ເປັນນະຄອນຫລວງ (ຊຽງທອງປ່ຽນຊື່ມາເປັນເມືອງຫລວງພະບາງໃນເວລາຕໍ່ມາ), ວຽງຈັນ ເປັນນະຄອນຫລວງ, ອານາຈັກລາວລ້ານຊ້າງຖືກແຍກອອກເປັນສາມອານາຈັກ (ອານາຈັກຫລວງພະບາງ, ອານາຈັກວຽງຈັນ ແລະ ອານາຈັກຈໍາປາສັກ) ແລະ ອານາຈັກລາວລ້ານຊ້າງຕົກເປັນປະເທດສະຣາດ (ເມືອງສ່ວຍ) ຂອງສັກດິນາສະຫຍາມ ແຕ່ປີ 1779-1893 ຫລັງຈາກນີ້ອານາຈັກລາວລ້ານຊ້າງແມ່ນກ້າວເຂົ້າສູ່ຍຸກລ່າອານານິຄົມຂອງຕາເວັນຕົກ ແລະ ໃນທີ່ສຸດໄດ້ຕົກເປັນຫົວເມືອງຂ້ຶນຂອງ ພວກລ່າເມືອງແບບເກົ່າ ແລະ ແບບໃໝ່;
ພາກທທີ 5: ຂະບວນການຕໍ່ສູ້ ເພື່ອເອກະລາດແຫ່ງຊາດຂອງປະຊາຊົນລາວ ຢູ່ໃນຍຸກນີ້ ໄດ້ນໍາສະເໜີກ່ຽວກັບອານາຈັກລາວລ້ານຊ້າງຕົກເປັນຫົວເມືອງຂຶ້ນຂອງພວກລ່າເມືອງຂຶ້ນຝຣັ່ງ, ຂະບວນການຕໍ່ຕ້ານພວກລ່າເມືອງຂຶ້ນຝຣັ່ງ, ຂະບວນການຕໍ່ສູ້ກູ້ຊາດຕ້ານຈັກກະພັດ ອາເມລິກາ ແລະ ການສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ເຊິ່ງເປັນໄລຍະທີ່ບ້ານເມືອງມີຄວາມສັບສົນວຸ້ນວາຍ ເຮັດໃຫ້ເກີດມີຂະບວນການຕໍ່ຕ້ານ, ຂະບວນການຕໍ່ສູ້ກູ້ຊາດ ແລະ ກ້າວໄປສູ່ການປ່ຽນແປງລະບອບການເມືອງໃນທີ່ສຸດ ແລ້ວນໍາໄປສູ່ການສະຖາປະນາສາທາລະນະລັດປະຊາທິປະໄຕປະຊາຊົນລາວ ໃນປີ 1975;
ພາກ ທີ 6: ການປົກປັກຮັກສາ ແລະ ສ້າງສາປະເທດຊາດພາກນີ້ ໄດ້ນໍາສະເໜີດ້ານປ້ອງກັນຊາດ-ປ້ອງກັນຄວາມສະຫງົບ, ດ້ານເສດຖະກິດ, ດ້ານວັດທະນະທໍາ-ສັງຄົມ, ດ້ານການເມືອງ ແລະ ດ້ານການຕ່າງປະເທດ;
ພາກທີ 7: ຊົນເຜົ່າໃນປະເທດລາວພາກນີ້ໄດ້ນໍາສະເໜີກ່ຽວກັບວິຖີຊີວິດຂອງບັນດາຊົນເຜົ່າໃນ 50 ຊົນເຜົ່າ, ຢູ່ໃນ 50 ຊົນເຜົ່ານີ້ໄດ້ແຍກອອກເປັນ 4 ໜວດພາສາ ຄື: ໝວດພາສາລາວ-ໄຕ ລວມມີ 8 ຊົນເຜົ່າ, ຊົນເຜົ່າໝວດພາສາມອນ- ຂະແມ ລວມມີ 33, ຊົນເຜົ່າໝວດ ພາສາຈີນ-ຕິເບດລວມມີ 7 ຊົນເຜົ່າ ແລະ ຊົນເຜົ່າໝວດພາສາມົ້ງ-ອິ້ວ ມຽນລວມມີ 2 ຊົນເຜົ່າ ພາກທີ່ໄດ້ສະເໜີເນື້ອໃນກ່ຽວກັບວິຖີຊີວິດ ຂອງຊົນເຜົ່າທີ່ກ່າວມາທັງຍົກໃຫ້ເຫັນການຕັ້ງພູມລໍາເນົາ, ການຕັ້ງບ້ານເຮືອນ, ການດໍາລົງຊີວິດ,ຮີດຄອງປະເພນີ, ຄວາມເຊື່ອ, ປະເພນີການເກີດ-ການຕາຍ, ປະເພນີການແຕ່ງດອງ-ການສືບຕະກຸນ, ປະເພນີການແຕ່ງກາຍ-ເອ້ຢ້ອງ, ພາສາ ແລະ ສິລະປະວັນນະຄະດີ ແລະ ບຸນປະເພນີທີ່ນອນຢູ່ໃນຮີດສິບສອງທີ່ເປັນມໍຣະດົກນາມມະທໍາ.ເມື່ອທ່ານເຂົ້າມາຢ້ຽມຊົມການວາງສະແດງ ຢູ່ຫໍພິພິທະພັນແຫ່ງຊາດ ຈະໄດ້ຮຽນຮູ້ວັດທະນະທຳທີ່ມີຄວາມຫລາກຫລາຍ, ປະຫວັດສາດຊາດລາວທີ່ໜ້າຄົ້ນຫາ ແລະ ອະລິຍະທໍາ 3000 ປີ ທີ່ບັນພະບູລຸດລາວ ໄດ້ສ້າງໄວ້ໃຫ້ຮຸ່ນລູກ-ຮຸ່ນຫລານສືບທອດຕໍ່ໄປພາຍພາກໜ້າ ຊຶ່ງພາຍໃນມີຫ້ອງວາງສະແດງມີ 5 ຫ້ອງໃຫຍ່ ໃນເນື້ອທີ່ທັງໝົດ 2450 ຕາ ແມັດ. ຫໍພິພິທະພັນແຫ່ງຊາດ ຕັ້ງຢູ່ຖະໜົນໄກສອນ ພົມວິຫານ, ບ້ານ ສີວິໄລ, ເມືອງໄຊທານີ, ນະຄອນ ຫລວງວຽງຈັນ ເປີດບໍລິການໃຫ້ແຂກພາຍໃນ ແລະ ຕ່າງປະເທດ ເຂົ້າຊົມການວາງສະແດງທຸກໆວັນເລີ່ມແຕ່ວັນຈັນ ຫາ ວັນອາທິດ. ເວລາ ເປີດບໍລິການ:8:00-16:00 ໂມງ (ວັນຈັນ - ວັນສຸກ). ສຳລັບວັນເສົາ- ວັນທິດ ແມ່ນ 9:00-16:00 ໂມງ. ຂະນະທີ່ຄ່າບໍລິການເຂົ້າຊົມຄົນລາວ ແມ່ນ 5.000 ກີບຕໍ່ຄົນ, ຄົນຕ່າງປະເທດ 30.000 ກີບຕໍ່ຄົນ. ທ່ານສາມາດສອບຖາມຂໍ້ມູນໄດ້ທີ່: museuminfo.2020@gmail. com ຫລື ໂທຕິດຕໍ່ພົວພັນໄດ້ທີ່: 856 021 212461; ເຟສບຸກ: ຫໍພິພິທະພັນແຫ່ງຊາດ.
ໂດຍ: ຢ່າຕົ່ງ
KPL