ທູດລາວປະຈຳ ຣັດເຊຍ ເຜີຍແຜ່ ເອກະສານ ວັນສຳຄັນ ຂອງພັກ-ຂອງຊາດ

29/02/2024 12:46
Email Print 451
ຂປລ ຂປລ. ວັນທີ 23 ທັນວາ 2023 ຜ່ານມານີ້, ສະຖານເອກອັກຄະລັດຖະທູດ ແຫ່ງ ສປປ ລາວ ປະຈຳ ສ ຣັດເຊຍ ຈັດປາຖະກະຖາເຜີຍແຜ່ ແລະ ເຊື່ອມຊຶມ ມະຕິກອງປະຊຸມຄົບຄະນະ ຄັ້ງທີ 7 ຂອງ ຄະນະບໍລິຫານງານ ສູນກາງພັກ ສະໄໝທີ XI ຂອງ ພັກປະຊາຊົນປະຕິວັດລາວ, ວັນຊາດທີ 2 ທັນວາ ຄົບຮອບ 48 ປີ ແລະ ມູນເຊື້ອວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ



ຂປລ. ວັນທີ 23 ທັນວາ 2023 ຜ່ານມານີ້
, ສະຖານເອກອັກຄະລັດຖະທູດ ແຫ່ງ ສປປ ລາວ ປະຈຳ ສ ຣັດເຊຍ ຈັດປາຖະກະຖາເຜີຍແຜ່ ແລະ ເຊື່ອມຊຶມ ມະຕິກອງປະຊຸມຄົບຄະນະ ຄັ້ງທີ 7 ຂອງ ຄະນະບໍລິຫານງານ ສູນກາງພັກ ສະໄໝທີ XI ຂອງ ພັກປະຊາຊົນປະຕິວັດລາວ, ວັນຊາດທີ 2 ທັນວາ ຄົບຮອບ 48 ປີ ແລະ ມູນເຊື້ອວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ໂດຍການເປັນປະທານຂອງ ສະຫາຍ ນາງ ວິລາວັນ ເຍ່ຍປໍເຮີ ເລຂາໜ່ວຍພັກ, ເອກອັກຄະລັດຖະທູດ ແຫ່ງ ສປປ ລາວ ປະຈໍາ ສ ຣັດເຊຍ, ມີຄະນະໜ່ວຍພັກ, ສະມາຊິກພັກ, ພະນັກງານຂອງສະຖານທູດ ແລະ ນັກສຶກສາລາວທີ່ຮຽນຢູ່ ສ ຣັດເຊຍ ເຂົ້າຮ່ວມ.

ສະ​ຫາຍ ນາງ ວິລາວັນ ເຍ່ຍປໍເຮີ ໄດ້ເຜີຍແຜ່ເນື້ອໃນມະຕິກອງປະຊຸມຄົບຄະນະ ຄັ້ງທີ 7 ຂອງ ຄະນະບໍລິຫານງານສູນກາງພັກ ສະໄໝທີ XI ຂອງ ສປປ ລາວ ແລະ ມູນເຊື້ອ ວັນຊາດທີ 2 ທັນວາ ຄົບຮອບ 48 ປີ ໂດຍໄດ້ຍົກໃຫ້ເຫັນຜົນງານ ທີ່ຍາດມາໄດ້ໃນໄລຍະທີ່ຜ່ານມາ, ຕີລາຄາຈຸດດີ, ຈຸດຄົງຄ້າງ ແລະ ບົດຮຽນທີ່ສາມາດຖອດຖອນໄດ້. ນອກຈາກນັ້ນ, ສະຫາຍຍັງໄດ້ຍົກໃຫ້ເຫັນເຖິງ ປະຫວັດສາດແຫ່ງການກໍາເນີດ ແລະ ການເຕີບໃຫຍ່ຂະຫຍາຍຕົວ ຂອງພັກປະຊາຊົນປະຕິວັດລາວ ທີ່ມີມູນເຊື້ອສະຫງ່າອົງອາດແຫ່ງການຕໍ່ສູ້ ຕ້ານການຮຸກຮານຂອງສັດຕູຈາກພາຍນອກ ແລະ ສ້າງສາພັດທະນາປະເທດຊາດ ໂດຍສືບທອດມູນເຊື້ອ ອັນອົງອາດ ຂອງບັນພະບູລຸດ, ປະຊາຊົນລາວບັນດາເຜົ່າ ພາຍໃຕ້ການນຳພາຂອງ ພັກປະຊາຊົນປະຕິວັດລາວ ໄດ້ສາມັກຄີກັນຕໍ່ສູ້ຢ່າງພິລະອາດຫານຕ້ານການຮຸກຮານ ແລະ ການຄອບຄອງຂອງພວກ ຈັກກະພັດລ່າເມືອງຂຶ້ນທັງແບບເກົ່າ ແລະ ແບບໃໝ່ ສາມາດປົດປ່ອຍປະເທດຊາດໄດ້ຢ່າງມີໄຊ ແລະ ສະຖາປະນາເປັນ ສາທາລະນະລັດ ປະຊາທິປະໄຕ ປະຊາຊົນລາວ ຂຶ້ນຢ່າງສະຫງ່າຜ່າເຜີຍ ໃນວັນທີ 2 ທັນວາ 1975, ນັບແຕ່ນັ້ນເປັນຕົ້ນມາ ການພັດທະນາເສດຖະກິດ-ສັງຄົມຂອງ ສປປ ລາວ ໄດ້ມີຜົນສໍາເລັດ ແລະ ມີທ່າຂະຫຍາຍຕົວກ້າວທີ່ຕໍ່ເນື່ອງ ລວມຍອດຜະລິດຕະພັນ ພາຍໃນເພີ່ມຂຶ້ນເປັນແຕ່ລະໄລຍະຈົນເຖິງປັດຈຸບັນ.



ໂອກາດດຽວກັນ
, ສະຫາຍ ພັນເອກ ສີສະໄຫວ ສິມມະລິວົງ ຮອງເລຂາໜ່ວຍພັກ, ທີ່ປຶກສາທູດຝ່າຍປ້ອງກັນຊາດ ໄດ້ຍົກໃຫ້ເຫັນ ວິລະກຳປະຫວັດການກຳເນີດ ຂອງກອງທັບປະຊາຊົນລາວ, ທາດແທ້, ມູນເຊື້ອ ແລະ ຜົນງານທີ່ຍາດມາໄດ້ ຂອງ ກອງທັບປະຊາຊົນລາວ ໂດຍພາຍໃຕ້ການຕໍ່ສູ້ຢ່າງພິລາດອາດຫານ ຂອງປະຊາຊົນລາວບັນດາເຜົ່າຜູ້ຮັກຊາດ ກ້າວໄປສູ່ການປະກາດສ້າງຕັ້ງ ເປັນກອງທັບລາວອິດສະຫລະ (ກອງທັບປະຊາຊົນລາວ ໃນປັດຈຸບັນ ) ໃນວັນທີ 20 ມັງກອນ 1949, ພ້ອມທັງຍົກໃຫ້ເຫັນຜົນງານການຕໍ່ສູ້ມີໄຊ, ການເຕີບໃຫຍ່ຂະຫຍາຍຕົວແຕ່ລະໄລຍະ ພາຍໃຕ້ການນໍາພາອັນປີຊາສາມາດ ສະຫລາດສ່ອງໃສ ຂອງພັກປະຊາຊົນ ປະຕິວັດລາວ ສາມາດຕີເອົາໄຊຊະນະ ພວກຈັກກະພັດລ່າເມືອງຂຶ້ນທັງແບບເກົ່າ ແລະ ແບບໃໝ່. ນອກນັ້ນ, ຍັງໄດ້ຍົກໃຫ້ເຫັນຄວາມສາມາດ ແລະ ຄວາມພິລະອາດຫານຂອງກອງທັບປະຊາຊົນລາວ ທີ່ໄດ້ຜ່ານຜ່າອຸປະສັກນາໆ ປະການບໍ່ຈັກວ່າເທົ່າໃດ ແລະ ເຕັມໄປດ້ວຍການເສຍສະຫລະອັນໃຫຍ່ຫລວງ ໃນພາລະກິດຕໍ່ສູ້ປົດປ່ອຍປະເທດຊາດ, ເຮັດສໍາເລັດພາລະກິດປະຫວັດສາດທີ່ພັກ ແລະ ປະຊາຊົນມອບໝາຍໃຫ້ຢ່າງມີໄຊ ຈົນສາມາດປົດປ່ອຍ ປະເທດຊາດ ໄດ້ຢ່າງສົມບູນ ແລະ ສະຖາປະນາ ເປັນປະເທດ ສປປ ລາວ ໃນວັນ ທີ 02 ທັນວາ 1975 ຢ່າງສະຫງ່າຜ່າເຜີຍ, ມາເຖິງປັດຈຸບັນ ແລະ ຍັງເປັນກໍາລັງຫລັກແຫລ່ງ ໃນການປົກປັກຮັກສາ ໝາກຜົນ ຂອງການປະຕິວັດ ແລະ ລະບອບໃໝ່ໄວ້ໄດ້ຢ່າງໝັ້ນຄົງ.

ການເຜີຍແຜ່ເຊື່ອມຊຶມມູນເຊື້ອດັ່ງກ່າວ, ຜູ້ເຂົ້າຮ່ວມໄດ້ຮຽນຮູ້ປະຫວັດສາດ ທີ່ສຳຄັນຂອງຊາດ ແລະ ໄດ້ຮັບຮູ້ເຂົ້າໃຈຢ່າງເລິກເຊິ່ງ ກ່ຽວກັບ ພາລະກຳທາງປະຫວັດສາດ, ການກຳເນີດ ແລະ ການເຕີບໃຫຍ່ຂະຫຍາຍຕົວຂອງ ພັກປະຊາຊົນ ປະຕິວັດລາວ ໃນແຕ່ລະໄລຍະ, ໄດ້ຮັບຮູ້ເຂົ້າໃຈຢ່າງເລິກເຊິ່ງ ກ່ຽວກັບມູນເຊື້ອ, ທາດແທ້ຂອງການປະຕິວັດ ຂອງກອງທັບປະຊາຊົນລາວ ແລະ ເຊື່ອມຊຶມເຂົ້າໃຈເຖິງຜົນງານ ມູນເຊື້ອນ້ຳໃຈຮັກຊາດ, ຮັກລະບອບປະຊາທິປະໄຕ ປະຊາຊົນລາວ, ຄວາມສາມັກຄີເປັນປຶກແຜ່ນ, ການມີສະຕິລະວັງຕົວ ຕ້ານຍຸດທະສາດການຫັນປ່ຽນຂອງສັດຕູ, ຄວາມເປັນເຈົ້າການນໍາເອົາແນວທາງ ແລະ ຮໍ່າຮຽນເອົາແບບຢ່າງ ຄຸນສົມບັດສິນທຳ ປະຕິວັດຄຸນງາມ ຄວາມດີ ຂອງບັນດາຜູ້ນຳຮຸ້ນກ່ອນ ມາໝູນໃຊ້ເຂົ້າໃນໜ້າທີ່ການເມືອງຂອງຕົນ ໃຫ້ເກີດຜົນສູງສຸດ ເພື່ອການສ້າງສາພັດທະນາປະເທດຊາດ ໃນປັດຈຸບັນໃຫ້ໄດ້ຮັບປະສິດທິພາບສູງຢ່າງບໍ່ຢຸດຢັ້ງ.

ໃນຕອນທ້າຍ ສະຫາຍ ນາງ ວິລາວັນ ເຍ່ຍປໍເຮີ່ ໄດ້ມີຄຳເຫັນໂອ້ລົມນັກສຶກສາລາວ ທັງຝ່າຍປົກຄອງ ແລະ ທະຫານ ທີ່ກຳລັງສຶກສາຢູ່ ສ ຣັດເຊຍ ໃຫ້ຕັ້ງໃຈຮ່ຳຮຽນຍາດເອົາ ຄວາມຮູ້ຄວາມສາມາດ ເພື່ອໄປນຳໃຊ້ເຂົ້າໃນ ການສ້າງສາພັດທະນາ ກໍຄື ປົກປັກຮັກສາປະເທດຊາດ. ນອກຈາກນັ້ນ, ໃຫ້ເພີ່ມທະວີດ້ານການເມືອງແນວຄິດ, ຝຶກຝົນຫລໍ່ຫລອມຕົນເອງໃຫ້ມີຄວາມກ້າວໜ້າ, ມີຄຸນສົມບັດສິນທຳປະຕິວັດ ແລະ ມີຄວາມຮູ້ຄວາມສາມາດ ເພື່ອກາຍເປັນອະນາຄົດຂອງຊາດ.

ຂ່າວ-ພາບ: ກຕທ

KPL

ຂ່າວອື່ນໆ

ads
ads

Top