ສປ ຈີນ ເຕົ້າໂຮມຄວາມໝັ້ນໃຈ-ຄວາມເຂັ້ມແຂງໃນການພັດທະນາ ຢ່າງໝັ້ນຄົງໃນຍຸກໃໝ່

01/03/2024 17:10
Email Print 612
ຂປລ ສປ ຈີນ ສຶກສາ ສະບັບພິເສດ ໃນວັນທີ 1 ມີນາ 2024 ຂໍສະເໜີ ຂໍ້ມູນ ກ່ຽວກັບ ການເຕົ້າໂຮມ ຄວາມໝັ້ນໃຈ ແລະ ຄວາມເຂັ້ມແຂງ ໃນການພັດທະນາ ຄວາມທັນສະໄໝ ແບບ ສປ ຈີນ ຢ່າງໝັ້ນຄົງ ຊຶ່ງເປັນຫົວຂໍ້ ​ທີ່​ລໍ​ຖ້າ​ ສຳລັບ ​ກອງ​ປະຊຸມ ​ລະດັບ​ຊາດ ​ໃນ​ປີ 2024

ຂປລ.ຕາມຂໍ້ມູນຈາກ news.cn/politics, ສປ ຈີນ ສຶກສາ ສະບັບພິເສດ ໃນວັນທີ 1 ມີນາ 2024 ຂໍສະເໜີ ຂໍ້ມູນ ກ່ຽວກັບ ການເຕົ້າໂຮມ ຄວາມໝັ້ນໃຈ ແລະ ຄວາມເຂັ້ມແຂງ ໃນການພັດທະນາ ຄວາມທັນສະໄໝ ແບບ ສປ ຈີນ ຢ່າງໝັ້ນຄົງ ຊຶ່ງເປັນຫົວຂໍ້ ​ທີ່​ລໍ​ຖ້າ​ ສຳລັບ ​ກອງ​ປະຊຸມ ​ລະດັບ​ຊາດ ​ໃນ​ປີ 2024 ໄດ້ແກ່ ​ສະພາ​ປຶກສາ ​ການ​ເມືອງ ແຫ່ງ​ປະຊາຊົນ​ຈີນ.  ທີ່​ຈະ​ເປີດ​ກອງ​ປະ​ຊຸມ​ ໃນ​ວັນ​ທີ 4ມີ​ນາ 2024ແລະ ​ສະ​ພາ​ ປະ​ຊາ​ຊົນ ​ແຫ່ງ​ຊາດ​ທີ່ຈະເປີດ ກອງປະຊຸມ ໃນວັນທີ 5 ມີນາ 2024. ໃນປີ​ນີ້​ ແມ່ນ​ຄົບຮອບ 75ປີ​ແຫ່ງ​ການ​ສ້າງ​ ຕັ້ງ​ປະ​ເທດ​ຈີນ​ໃໝ່ແລະ ​ເປັນ​ປີ ​ທີ່​ສຳຄັນ ​ໃນ​ການ​ບັນລຸ ​ເປົ້າ​ໝາຍ ​ແລະ ພາລະກິດ​ ຂອງ​ແຜນການ 5ປີ​ຄັ້ງ​ທີ 14​ໃນ​ຈຸດໝາຍ ​ປະຫວັດສາດ​ ອັນ​ພິ​ເສດ ຊຶ່ງ​ໄດ້​ດຶງ​ດູດ ​ຄວາມ​ສົນ​ໃຈ​ ຈາກ​ທົ່ວ​ໂລກ ກວ່າກຳ​ປັ່ນ ຂະໜາດໃຫຍ່ "ສປ ຈີນ" ​ຈະ​ເອົາ​ຊະ​ນະ ​ຄື້ນລົມ ​ແລະ ​ອອກ​ເດີນ​ທາງ​ໃໝ່ ​ໄດ້​ແນວ​ໃດ.ທັງນີ້ ການ​ຊຸກຍູ້ ​ການ​ຫັນ​ເປັນ ​ທັນ​ສະ​ໄໝ​ ຂອງ​ ສປ ຈີນ​ ຖືເປັນປະເດັນ ທາງ​ການ​ເມືອງ​ ໃຫຍ່​ທີ່​ສຸດ.ກ່ອນ​ກອງ​ປະ​ຊຸມ ສອງສະພາ ໃຫ້ເນັ້ນໄປທີ່  "ການ​ເມືອງ​ທີ່​ໃຫຍ່​ທີ່​ສຸດ" ແລະ ເຮັດ​ຄວາມ​ເຂົ້າ​ໃຈ ໃຫ້​ເລິກ​ເຊິ່ງ​ ຍິ່ງຂຶ້ນ ກ່ຽວ​ກັບ​ ການ​ປັບປຸງຄວາມທັນສະໄໝ ແບບຈີນ ​ເປັນຫຍັງ ການສົ່ງເສີມ ຄວາມທັນສະໄໝ ແບບຈີນ ຈຶ່ງເປັນ "ການ​ເມືອງ ​ທີ່​ຍິ່ງ​ໃຫຍ່​ທີ່​ສຸດ​" ເມື່ອຄິດ ແລະ ສົ່ງເສີມ ​ຄວາມ​ທັນ​ສະ​ໄໝ ແບບຈີນ ​ຈາກ​ທັດ​ສະ​ນະ​ ການ​ເມືອງ​ເຊິ່ງ​ແມ່ນ​ຫລັກ ​ການ​ຊີ້​ນໍາ​ໂດຍທຸກ​ສູນ​ກາງ​ ການ​ເຮັດ​ວຽກ​ ຂອງ​ພັກ​ ຈະ​ຕ້ອງ​ເນັ້ນໄປທີ່ ພາລະກິດຫລັກນີ້.ຕະຫລອດ ​ປະຫວັດສາດ​ ໃນ​ຮອບ 75ປີ​ ນັບ​ຕັ້ງແຕ່ ​ການ​ສ້າງ​ຕັ້ງ ​ສາທາລະນະ​ລັດ ​ປະຊາຊົນ​ຈີນ.ສປ ຈີນ​ ໄດ້​ພັດທະນາ ​ຈາກ​ປະ​ເທດ "ທຸກ​ຍາກ" ມາ​ເປັນ ປະເທດ ທີ່ມີ​ ເສດຖະກິດ​ໃຫຍ່ ​ອັນ​ດັບ​ສອງ​ ຂອງ​ໂລກ.ມີລະບົບ ການຜະລິດ ທີ່ໃຫຍ່ທີ່ສຸດ ໃນໂລກ.ມີຄວາມສົມບູນແບບທີ່ສຸດ ແລະ ຫລາຍທີ່ສຸດ.ມີສິ່ງອຳນວຍ ຄວາມສະດວກ ​​ຄົບ​ຖ້ວນ ​ສົມ​ບູນ​ແລະ​ ຂະ​ໜາດ ໂດຍລວມ ຂອງ​ອຸດ​ສາ​ຫະ​ກຳ​ ການ​ຜະ​ລິດ​ ຈັດຢູ່ໃນແຖວໜ້າ ຂອງ​ໂລກ ​ເປັນ​ເວ​ລາ 14ປີ ​ຕິດ​ຕໍ່​ກັນ.ນັບ​ແຕ່​ກອງ​ປະຊຸມ​ໃຫຍ່ ​ຜູ້​ແທນ​ທົ່ວ​ປະ​ເທດ ​ຄັ້ງ​ທີ 18ຂອງ​ພັກ​ກອມ​ມູນິດ​ຈີນຄະນະ​ ບໍລິຫານ​ງານ ​ສູນ​ກາງ​ພັກ​ນຳໂດຍ​ ​ທ່ານ ​ສີ​ ຈິ້ນ ​ຜິ​ງ ​ເປັນ​ແກນ​ນຳ ໄດ້​ເປັນ​ເອກະ​ພາບ ​ແລະ ​ນຳພາ​ທົ່ວ​ພັກ ​ແລະ ​ປະຊາຊົນ ​ບັນດາ​ເຜົ່າ ​ໃນ​ການ​ຮັກສາ ​ສະຖຽນ​ ລະ​ພາບ ​ດ້ານ​ເສດຖະກິດ ​ແລະ​ ການ​ພັດທະນາ.ຕໍ່ສູ້ກັບ ຄວາມທຸກຍາກສ້າງລະບົບ ໃນລະດັບ ປານກາງສ້າງສັງຄົມ ໃຫ້ຈະເລີນຮຸ່ງເຮືອງການ​ຄວບ​ຄຸມ ​ການ​ແພ່​ລະ​ບາດ​ການສູ້​ກັບ ​ໄພ​ພິ​ບັດ​ໃຫຍ່ ທີ່​ສໍາ​ຄັນ​ການຕອບສະໜອງ ຕໍ່ສະຖານະການ​ແລະ ​ແກ້​ໄຂ ​ວິ​ກິດ​ການ ​ທີ່​ເປັນ​ພາລະກິດ ລະດັບ​ຊາດໂດຍໄດ້ ສ້າງ​ບັນ​ດາ​ຜົນ​ສໍາ​ເລັດ​ ທາງ​ປະ​ຫວັດ​ສາດ​ ແລະ​ ຜ່ານ​ການປ່ຽນແປງ ທາງ​ປະ​ຫວັດ​ສາດ ລວມທັງ ປະສົບ ຄວາມສຳເລັດ ໃນການສົ່ງເສີມແລະ​ ​ຂະ​ຫຍາຍ ​ຄວາມ​ທັນ​ສະ​ໄໝ​ ແບບຈີນ​.ມັນ​ເປັນ​ສິ່ງ​ ທີ່​ຫລີກ​ລ່ຽງ ບໍ່​ໄດ້ທີ່​ ປະເທດຈີນ ​ພວມ​ຜະ​ເຊີນ​ໜ້າ​ກັບ ຄວາມສັບສົນ, ຄວາມ​ຮຸນ​ແຮງ​ ແລະ ​ຄວາມ​ບໍ່​ແນ່ນອນ ​ທີ່​ເພີ່ມ​ຂຶ້ນ ໃນສະພາບແວດລ້ອມ ພາຍນອກ ເພື່ອສົ່ງເສີມ ​ການ​ຟື້ນ​ຕົວ ທາງ​ເສດຖະກິດຊຶ່ງຈຳເປັນຕ້ອງ ເອົາຊະນະ ​ຄວາມ​ຫຍຸ້ງຍາກ ​ແລະ ສິ່ງ​ທ້າ​ທາຍ​ຫລາຍ​ຢ່າງ.ມີຄວາມຈຳເປັນ ຕ້ອງສ້າງ ຄວາມເປັນເອກະພາບ, ສ້າງແຮງບັນດານໃຈໃຫ້ຜູ້ຄົນ ແລະ ການຕອບໂຕ້ ຢ່າງຕັ້ງໜ້າຕໍ່ໄປ.ສຳລັບ ວຽກ​ງານ​ສຳຄັນ​ ຂອງ​ກອງ​ປະຊຸມ​ໃຫຍ່ ລະດັບຊາດ 2 ສະພາຄື: ການຫັນ​ແນວ​ຄິດ ​ຂອງ​ພັກ​ ໃຫ້​ເປັນ​ຄວາມ​ມຸ່ງ​ມາດ ​ປາຖະໜາ ​ຂອງ​ປະ​ເທດ ​ແລະ ເປັນການ​ຮ່ວມ​ມື​ ຮ່ວມກັນ ຂອງ​ປະຊາຊົນ ຜ່ານ​ຂະ​ບວນການ​ ທາງກົດໝາຍ.ກ່ຽວ​ກັບ ການສົ່ງເສີມ ການ​ຫັນ​ເປັນ ​ທັນ​ສະ​ໄໝ ແບບ​ຈີນ ​ເປັນ​ບູ​ລິ​ມະ​ສິດ ​ດ້ານ​ການ​ເມືອງ ​ທີ່​ຍິ່ງ​ໃຫຍ່​ທີ່​ສຸດ.ສິ່ງ​ທີ່​ ສຳຄັນ​ທີ່​ສຸດ ຄື​ການ​ສະໜັບ ສະໜູນ ​ແລະ ​ເພີ່ມ​ທະວີ​ ການ​ເປັນຜູ້ນຳ ແບບລວມສູນ ແລະ ການເປັນໜຶ່ງດຽວ ຂອງພັກດັ່ງນັ້ນ,ການຈະເຮັດໃຫ້ "ການເມືອງ ທີ່ຍິ່ງໃຫຍ່ທີ່ສຸດ" ຍັ່ງຮາກ ແລະ ເກີດຜົນໄດ້ ແນວໃດນັ້ນ  ການ​ພັດທະນາ ​ຄຸນ​ນະພາ​ບສູງ​ເປັນຂໍ້ກຳນົດ ສຳຄັນ ຂອງ​ການ​ຫັນ​ເປັນ ​ທັນ​ສະ​ໄໝ ແບບ​ຈີນ ​ແລະ ເປັນພາລະກິດ ​ຕົ້ນຕໍ​ ໃນການ​ສ້າງປະ​ເທດ ​ສັງຄົມ​ນິຍົມໃໝ່ ​ທີ່​ທັນ​ສະ​ໄໝ​ ຢ່າງຮອບດ້ານຄື:

1. ການພັດທະນາກຳລັງ ການຜະລິດໃໝ່ຊຶ່ງຜະລິດ ຕະພັນໃໝ່ ເປັນສະຖານະ ການຜະລິດ ກ້າວໜ້າ ທີ່ນະວັດກໍາ ມີບົດບາດ ນໍາສິ່ງສຳຄັນຄື ຕ້ອງສົ່ງເສີມ ການ​ເປັນ​ເຈົ້າ​ຕົນ​ເອງ ​ແລະ ​ເປັນ​ເຈົ້າ​ຕົນ​ເອງ​ ໃນ​ດ້ານ​ວິທະຍາສາດ ​ແລະ ​ເຕັກ​ໂນ​ໂລ​ຊີ ​ລະດັບ​ສູງ.

2. ສົ່ງເສີມ ການພັດທະນາ ພາກ​ພື້ນ ທີ່ມີການປະສານງານຈາກ​ການ​ລົງ​ເລິກ ​ການ​ພັດທະນາ​ ແບບ​ປະສານ​ສົມທົບ ​ຂອງ​ປັກ​ກິ່ງ, ທຽນ​ສິນ ​ແລະ ​ເຮີ​ເປຍ ​ໄປ​ສູ່​ ການ​ຊຸກຍູ້​ ການ​ຟື້ນ​ຟູ​ ຢ່າງຮອບດ້ານ ​ຂອງ​ພາກ​ຕາ​ເວັນ​ອອກ​ ສຽງ​ເໜືອ ​ຂອງ​ ສປ ຈີນ​ ໃນ​ຍຸກ​ໃໝ່ໄປຈົນເຖິງ ການສົ່ງເສີມ ການພັດທະນາ ຄຸນນະພາບສູງ  ຂອງແຖບ ເສດຖະກິດ ແມ່ນ້ຳ ຢາງຊີ ໂດຍໃນປີຜ່ານມາ, ທ່ານ​ ເລຂາທິການ​ໃຫຍ່ ສີ ຈີ້ນຜີງ ເປັນເຈົ້າພາບ ຈັດ​ກອງ​ປະຊຸມ​ ສຳ​ມະ​ນາ ​ຫລາຍ​ຄັ້ງ ​ໂດຍ​ສຸມ​ໃສ່​ ການ​ພັດທະນາ​ພາກ​ພື້ນ ແລະ ກ່າວຄຳປາໄສທີ່ສຳຄັນຊຶ່ງ​ທິດ​ທາງ​ ຂອງ​ການ​ພັດ​ທະ​ນາ​.

 3. ສົ່ງເສີມ ການພັດທະນາ ທາງດ້ານການເງິນ ທີ່ມີຄຸນນະພາບສູງ,ການປັບປຸງ ການເຮັດວຽກ ຂອງຕະຫລາດ ການເງິນໃຫ້ດີຍິ່ງຂຶ້ນ ການລວມຕົວ ຂອງພື້ນຖານສະຖາບັນ​ແລະ ການ​ຊີ້​ນຳ​ການ​ໄຫລ​ວຽນ​ ຂອງ​ແຫລ່ງທຶນ​ ໃຫ້​ວິ​ສາ​ຫະກິດ​ ອຸດສາຫະກຳ ​ຕາມ​ທິດ ​ພັດທະນາ ​ຍຸດ​ທະ​ສາດ ​ແຫ່ງ​ຊາດ​ ເປັນສິ່ງ​ສຳຄັນ​ທີ່​ສຸດ.

 4. ສືບຕໍ່ປັບປຸງ ຊີວິດການເປັນຢູ່ ຂອງປະຊາຊົນ ໃຫ້ດີຂຶ້ນ.ຄວາມສຸກ ແລະ ຄວາມຢູ່ດີ ກິນດີ ຂອງພົນລະເມືອງ ເປັນເປົ້າໝາຍສູງສຸດ ໃນການສົ່ງເສີມ ການພັດທະນາ ຄຸນນະພາບສູງໂດຍສະເພາະ​ໄດ້​ປະ​ຕິ​ບັດ​ ຄວາມ​ຮັບ​ຜິດ​ຊອບ​ ໃນ​ເງື່ອນ​ໄຂ​ ຂອງ​ການ​ເພີ່ມ​ທະ​ວີ​ ການສະໜັບ ສະໜູນ ທາງ​ອຸດ​ສາ​ຫະ​ກໍາ​ ສໍາ​ລັບ ​ເຂດ​ຊົນ​ນະ​ບົດ​ແລະ ຊີ້​ນຳ ​ຊາວ​ໜຸ່ມ​ ເຂົ້າ​ຮ່ວມ​ການ​ຟື້ນ​ຟູ ​ຊົນນະບົດ.ນອກຈາກນີ້, ການເນັ້ນໃສ່ ການພັດທະນາ ເປັນແນວທາງ ທີ່ເໝາະສົມ ທີ່ສຸດ​ ແລະ​ ລົງ​ເລິກ​ ການ​ປະຕິ​ຮູບ ​ຢ່າງຮອບດ້ານ ​ເປັນ​ກຳລັງ​ ຊຸກຍູ້ ​ພື້ນຖານຊຶ່ງ​ໃນ​ປີ​ນີ້ ສປ ຈີນ​ ຈະ​ສືບ​ຕໍ່​ ນຳ​ໃຊ້ ​ການ​ປະຕິ​ຮູບ​ແລະ ​ການ​ເປີດກວ້າງ ​ເປັນ​ຍຸດ​ທະ​ສາດ​ ຕົ້ນຕໍ ​ເພື່ອ​ແກ້​ໄຂ ​ບັນຫາ​ ການ​ພັດທະນາ​ ແລະ​ ຮັບ​ມື​ກັບ ​ຄວາມ​ສ່ຽງ​ ແລະ​ ສິ່ງ​ທ້າ​ທາຍ ຕໍ່ໄປ.ໂດຍຕ້ອງ​ປະຕິບັດ​ ຕາມ​ທິດ​ທາງ​ ຂອງການ​ປະຕິ​ຮູບ ​ຕະຫລາດ​ ເພື່ອ​ໃຫ້​ບົດບາດ​ ຂອງ​ລັດຖະບານ​ດີ​ຂຶ້ນ ແລະຮັບປະກັນ​ ບົດບາດ ​ຕັດສິນ​ ຂອງ​ຕະຫລາດ ດ້ວຍການນຳ ​ກົດລະບຽບ​ ທີ່​ກ່ຽວຂ້ອງ ມາໃຊ້ ​ເພື່ອ​ສົ່ງເສີມ ​ການ​ພັດທະນາ​ ເສດຖະກິດ ​ພາກ​ເອກະ​ຊົນ ​ແລະ ​ເພີ່ມ​ທະວີ​ ຄວາມເຊື່ອ​ໝັ້ນ ແລະ ຄວາມມີ ຊີວິດ ຊີວາ ​ຂອງ​ຕະຫລາດ./.

(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ

 

KPL

ຂ່າວອື່ນໆ

ads
ads

Top