ຂປລ
ບັນດາ ປະເທດ ອາຊຽນ + 3 (ຍີ່ປຸ່ນ, ສປ ຈີນ ແລະ ສ.ເກົາຫລີ) ໄດ້ເຫັນດີ ຜັນຂະຫຍາຍ ໂຄງການ ອຸປະຖຳ ໂດຍດ່ວນ ເພື່ອຮັບມືກັບ ບັນດາ ພະຍາດ ລະບາດ ແລະ ໄພທຳມະຊາດ ໃນອະນາຄົດ.
ຂປລ.ວິທະຍຸ ສາກົນ ຫວຽດນາມ, ບັນດາ ປະເທດ ອາຊຽນ + 3 (ຍີ່ປຸ່ນ, ສປ ຈີນ ແລະ ສ.ເກົາຫລີ) ໄດ້ເຫັນດີ ຜັນຂະຫຍາຍ ໂຄງການ ອຸປະຖຳ ໂດຍດ່ວນ ເພື່ອຮັບມືກັບ ບັນດາ ພະຍາດ ລະບາດ ແລະ ໄພທຳມະຊາດ ໃນອະນາຄົດ. ນີ້ແມ່ນຄວາມມານະ ພະຍາຍາມ ຫລ້າສຸດຂອງ ອາຊຽນ ແລະ ຄູ່ຮ່ວມມື 3 ປະເທດ ເພື່ອແນໃສ່ ຮັບປະກັນ ຄວາມສະຖຽນ ລະພາບ ດ້ານການເງິນ ໃນພາກພື້ນ. ບັນດາ ເຈົ້າໜ້າທີ່ ດ້ານການເງິນຂັ້ນສູງ ຂອງບັນດາ ປະເທດ ອາຊຽນ + 3 ບັນລຸ ໄດ້ຂໍ້ຕົກລົງ ດັ່ງກ່າວ ໃນກອງປະຊຸມ ທີ່ໄດ້ຈັດຂຶ້ນ ເມື່ອບໍ່ດົນມານີ້ ຢູ່ແຂວງ ອີຊິກາວະ ຂອງ ຍີ່ປຸ່ນ ກົນໄກໃໝ່ ທີ່ມີຊື່ວ່າ “Rapid Financing Facility” - RFF ຈະນອນໃນ ຂອບເຂດ ຂໍ້ຕົກລົງ ຫັນຂໍ້ລິເລີ່ມ ຊຽງໃໝ່ ເປັນຫລາຍຝ່າຍ (CMIM)./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
