ຂປລ
*ສະບັບກ່ອນ ຄໍລໍາ ສຶກສາຫາຄວາມຮູ້ ໄດ້ນໍາສະເໜີ ວິທີການລ້ຽງອ່ຽນໃນອ່າງຊິມັງມາແລ້ວ ມື້ນີ້ຈະມານໍາສະເໜີ ການລ້ຽງອ່ຽນໃນໜອງດິນຕື່ມ ເພື່ອໃຫ້ປະຊາຊົນທີ່ມີເງື່ອນໄຂສະດວກ ແລະ ຍັງເປັນທາງເລືອກຕື່ມອີກ ເຊິ່ງຈະສາມາດນໍາໄປໃຊ້ໄດ້ຮັບຮອງວ່າໄດ້ຮັບຜົນດີແນ່ນອນ.
*ສະບັບກ່ອນ ຄໍລໍາ ສຶກສາຫາຄວາມຮູ້ ໄດ້ນໍາສະເໜີ ວິທີການລ້ຽງອ່ຽນໃນອ່າງຊິມັງມາແລ້ວ ມື້ນີ້ຈະມານໍາສະເໜີ ການລ້ຽງອ່ຽນໃນໜອງດິນຕື່ມ ເພື່ອໃຫ້ປະຊາຊົນທີ່ມີເງື່ອນໄຂສະດວກ ແລະ ຍັງເປັນທາງເລືອກຕື່ມອີກ ເຊິ່ງຈະສາມາດນໍາໄປໃຊ້ໄດ້ຮັບຮອງວ່າໄດ້ຮັບຜົນດີແນ່ນອນ.
ການລ້ຽງໃນໜອງດິນການລ້ຽງອ່ຽນໃສ່ໜອງດິນອ່ຽນອາດສູນຫາຍໄປປະມານ 20 % ເພາະອ່ຽນເປັນສັດ ແຕ່ກໍ່ສະດວກສຳລັບຜູ້ທີ່ມີບັນຫາ ເລື່ອງການສ້າງອ່າງ ແລະ ວິທີນີ້ກໍ່ເປັນວິທີທີ່ງ່າຍ ເໝາະສົມສຳລັບຊາວບ້ານທີ່ຢູ່ໃກ້ແຫລ່ງນໍ້າ ໂດຍວິທີການລ້ຽງມີດັ່ງນີ້: ຂຸດໜອງ ຂະ ໜາດ 4 x 6 ແມັດ 2x4 ແມັດ ຫລື 2x6 ແມັດ. ແລ້ວແຕ່ຄວາມພ້ອມສະຖານທີ່ ບ່ອນສ້າງໜອງຄວນເປັນດິນໜຽວ ນໍ້າບໍ່ຖ້ວມ ຂຸດໜອງເລິກ 1 ແມັດ ຫລັງຈາກນັ້ນ ເອົາໄມ້ມາເຮັດໂຄງສູງຈາກໜ້າດິນ 2 ແມັດ ກວມເອົາໜອງ ແລະ ກ້ວາງກາຍ ແຄມໜອງອອກໄປປະ ມານ 30-50 ຊັງຕີແມັດ ແລ້ວເອົາຜ້າແຍ່ງຂຽວປົກຄຸມ ແລ້ວເອົາດິນຖົມສົ້ນແພໃຫ້ແຈບ ຂຸດຮ່ອງອ້ອມໜອງ ເພື່ອບໍ່ໃຫ້ນໍ້າຝົນໄຫລເຂົ້າຖ້ວມໜອງ ແລະ ເຮັດທາງເຂົ້າອອກໄດ້ສະດວກ ໃນໜອງເອົາເຟືອງແຫ້ງ (ເຟືອງເກົ່າ) ໃສ່ລົງໄປແຈໃດແຈໜຶ່ງ ໃຫ້ໜາ 50 ຊັງຕີແມັດ ຂະ ໜາດ 1/3 ຂອງໜອງ ເອົາຝຸ່ນຄອກແຫ້ງໃສ່ທັບລົງໄປໜາ 20 ຊັງຕີແມັດ ປະໄວ້ 2 -3 ມື້ ຖ້ານໍ້າເນົ່າກໍຕ້ອງປ່ຽນນໍ້າອອກ ແລ້ວເອົານໍ້າໃສ່ໃໝ່ໃຫ້ພຽງກອງອາຫານ ແລ້ວເອົາໄມ້ທີ່ເປັນໂກນ ຫລື້ ບັ້ງໄມ້ໄຜ່ໃສ່ໃນໜອງ ,ເອົາຜັກຕົບ, ຜັກບົ້ງໃສ່ໃນໜອງ ສ່ວນທີ່ບໍແມ່ນກອງອາຫານ ແລ້ວເອົາໄມ້ຂັ້ນລະຫວ່າງກອງອາຫານ ແລະ ຜັກ ໃຫ້ປັນຫວ່າງ ເພື່ອສະດວກໃນການໃຫ້ອາຫານ ແລະ ກ່ອນເອົາອ່ຽນລົງລ້ຽງ ຄວນປ່ອຍປາຫາງນົກຍູງ,ປາກັດ,ກຸ້ງຝອຍ ປ່ອຍໃສ່ໃນໜອງຫລັງຈາກນັ້ນ ນໍາເອົາລູກອ່ຽນ ທີ່ມີຂະໜາດດຽວ 1,000 ໂຕຕໍ່ໜອງ.
ໂດຍ:ມາລີດາ
KPL
