ຂປລ
ສິລັງກາ ສ້າງລາຍໄດ້ ຈາກການສົ່ງອອກ ຜະລິດ ຕະພັນຢາງ ໃນປີ2022 ຄິດເປັນ ມູນຄ່າ 900 ລ້ານໂດລາ ສະຫະລັດ ເມື່ອທຽບໃສ່ ປີ 2021 ຫລຸດລົງ ບໍ່ຫລາຍ ຈາກລະດັບ 1ຕື້ໂດລາ ສະຫະລັດ.
ຂປລ.ສຳນັກຂ່າວ ຊິນຮວາຂອງ ສປ ຈີນ,ກົມພັດທະນາຢາງ ຂອງສີລັງກາ ເປີດເຜີຍວ່າ: ສິລັງກາ ສ້າງລາຍໄດ້ ຈາກການສົ່ງອອກ ຜະລິດ ຕະພັນຢາງ ໃນປີ2022 ຄິດເປັນ ມູນຄ່າ 900 ລ້ານໂດລາ ສະຫະລັດ ເມື່ອທຽບໃສ່ ປີ 2021 ຫລຸດລົງ ບໍ່ຫລາຍ ຈາກລະດັບ 1ຕື້ໂດລາ ສະຫະລັດ. ຂະນະທີ່ ສີລັງກາ ມີເປົ້າໝາຍ ເພີ່ມລາຍໄດ້ ຈາກພະລິດຕະພັນຢາງ ຢ່າງໜ້ອຍ 3ຕື້ໂດລາ ສະຫະລັດ ພາຍໃນປີ2025. ກຸ່ມຕະຫລາດຫລັກ ສຳລັບ ຜະລິດ ຕະພັນຢາງ ສຳເລັດຮູບ ໄດ້ແກ່ ສ.ອາເມລິກາ,ເຢຍລະມັນ ແລະ ຍີ່ປຸ່ນ.ຂະນະທີ່ ປາກິດສະຖານ,ເຢຍລະມັນ ແລະ ຍີ່ປຸ່ນ ເປັນຕະຫລາດຫລັກ ສຳລັບ ຢາງທຳມະຊາດ ຈາກສີລັງກາ. ທັງນີ້ ສີລັງກາ ເປັນໜຶ່ງ ໃນຜູ້ສົ່ງອອກຢາງ ທຳມະຊາດ ແຖວໜ້າ ຂອງໂລກ ໂດຍລາຍໄດ້ ຈາກການສົ່ງອອກຢາງ ປະມານ70% ໃນປີ2021 ມາຈາກ ຢາງລົດໃຫຍ່./.
(ບັນນາທິການຂ່າວ: ຕ່າງປະເທດ), ຮຽບຮຽງຂ່າວໂດຍ: ສະໄຫວ ລາດປາກດີ
KPL
