ຂປລ
* ແຂວງຄຳມ່ວນ ປະຕູ່ສູ່ພາກໃຕ້ຂອງ ສປປ ລາວ ເຊິ່ງມັນບໍ່ພຽງຂຶ້ນຊື່ລືນາມ ດິນແດນປະຫວັດສາດ ວິລະຊົນກັບຕົ້ນກໍາເນີດ “ລໍາພະຫຍາມະຫາໄຊ ກິນຊຸບໜໍ່ໄມ້ ແກງໄກ່ໃສ່ສານ ນະມັດສະການ ພະທາດສີໂຄດຕະບອງ ເປັນເຈົ້າຂອງ ເຂົ້າໜົມປ່ານ ປະສານປວງປະຊາ ເລັ່ງພັດທະນາ ຊ່ວຍໃຫ້ປະຊາມີສຸກ”
*ແຂວງຄຳມ່ວນ ປະຕູ່ສູ່ພາກໃຕ້ຂອງ ສປປ ລາວເຊິ່ງມັນບໍ່ພຽງຂຶ້ນຊື່ລືນາມ ດິນແດນປະຫວັດສາດ ວິລະຊົນກັບຕົ້ນກໍາເນີດ“ລໍາພະຫຍາມະຫາໄຊ ກິນຊຸບໜໍ່ໄມ້ ແກງໄກ່ໃສ່ສານ ນະມັດສະການ ພະທາດສີໂຄດຕະບອງເປັນເຈົ້າຂອງ ເຂົ້າໜົມປ່ານ ປະສານປວງປະຊາ ເລັ່ງພັດທະນາ ຊ່ວຍໃຫ້ປະຊາມີສຸກ” ພ້ອມຍັງມີແຫລ່ງທ່ອງທ່ຽວ ທໍາມະຊາດເຊັ່ນ: ຖໍ້າກອງລໍ, ຖໍ້ານາງແອນ, ບ້ານບັງບົດ, ຫີນລໍາໜໍ່, ນໍ້າມໍລະກົດ ແລະ ອື່ນໆ ຍັງໄດ້ສ້າງຊື່ສຽງ ແລະສາມາດດຶງດູດ ນັກ ທ່ອງທ່ຽວ ໂດ່ງດັງຂ້າມນໍ້າ ຂ້າມທະເລ ໄປຮອດອາຊຽນ, ຂົງພາກພື້ນ ແລະສາກົນອີກດ້ວຍ.
ດັ່ງທີ່ຮູ້ແຂວງຄໍາມ່ວນ ຕັ້ງຢູ່ພາກກາງຂອງລາວ, ຫ່າງຈາກນະຄອນຫລວງວຽງຈັນໄປທາງໃຕ້ປະມານ 350 ກິໂລແມັດ, ມີຊາຍແດນຕິດ ກັບປະເທດຫວຽດນາມ ຢູ່ທິດຕາເວັນອອກແລະ ທາງທິດຕາເວັນຕົກ ຕິດກັບໄທເຊິ່ງແຂວງດັ່ງ ກ່າວມີສະຖານທີ່ ທ່ອງທ່ຽວທີ່ມີຊື່ສຽງ ແລະເປັນທີ່ຮູ້ຈັກກັນດີ ໃນກຸ່ມນັກທ່ອງທ່ຽວ ທັງພາຍໃນ ແລະ ຕ່າງປະເທດບໍ່ວ່າຈະເປັນສະຖານທ່ີທ່ອງ ທ່ຽວທາງທຳມະຊາດ ແລະ ປະຫວັດສາດ ທີ່ໜ້າຄົ້ນຫາເຊັ່ນ:ພະທາດສີໂຄດຕະບອງ, ຖ້ຳ ກອງລໍ, ຖ້ຳພະ-ໜອງປາຝາ, ຖ້ຳນາງແອ່ນ, ທ່າຝຣັ່ງ.ສະຖານທີ່ທ່ອງທ່ຽວເຫລົ່ານັ້ນ ໄດ້ກາຍເປັນທ່າແຮງບົ່ມຊ້ອນ ໃນການພັດທະນາ ເສດຖະກິດຂອງແຂວງ.ເມື່ອເວົ້າເຖິງແຫລ່ງທ່ອງທ່ຽວພາຍໃນ ແຂວງນີ້ເຊື່ອວ່າ ຍັງມີອີກໜຶ່ງສະຖານ ທີ່ທ່ອງທ່ຽວທາງທຳມະຊາດ ທີ່ສວຍສົດງົດງາມ ທີ່ສາມາດສະກົດສາຍຕາ ຂອງຜູ້ໄປຢ້ຽມຊົມພ້ອມທັງຕຳນານ ທີ່ໜ້າຄົ້ນຫາ ໂດຍສະເພາະຂຸນນ້ຳກອງແລງ ກັບນໍ້າມໍລະກົດ ທີ່ຢູ່ຄຽງຄູ່ກັນມາ ແຕ່ດົນນານນອກນັ້ນໃນປີໜຶ່ງ ນ້ຳຈະປ່ຽນ ເປັນ 3 ສີຄື: ສີຂຽວມໍລະກົດ, ແດງ ແລະ ສີຟ້າໃສນັ້ນຄື ຂຸນນ້ຳກອງແລງ ເປັນບ່ອນກຳເນີດ ຂອງນ້ຳກອງແລງ ຕັ້ງຢູ່ເຂດບ້ານນາຄືເມືອງຫີນບູນ ຫ່າງຈາກຕົວເມືອງ ປະມານ 19 ກິໂລແມັດ ແລະ ເປັນສາຂາ ຂອງນ້ຳຄອນແກ້ວ, ເປັນ ວັງນ້ຳ ທີ່ມີສີຟ້າສົດໃສ, ມີລັກສະນະໜ່ວຍມົນ ກວ້າງປະມານ 1.960-1970 ແມັດ , ເລິກປະມານ 25 ແມັດ, ຢູ່ພື້ນນ້ຳມີແປວນ້ຳຍາວ 22 ແມັດ(ສະເພາະບ່ອນ ທີ່ສາມາດເຂົ້າໄດ້) , ອ້ອມຮອບດ້ວຍ ຕົ້ນຂະມ້າທີ່ຂຽວສົດງົດງາມ ທ່າ ກາງວັງນ້ຳສີຂຽວມໍລະກົດອັນສ້າງຄວາມຕື່ນຕາຕື່ນໃຈ ໃຫ້ນັກທ່ອງທ່ຽວທີ່ໄດ້ພົບເຫັນ.
ຂຸນກອງແລງຕາມຕຳນານເລົ່າຂານກັນວ່າ: ແຕ່ກ່ອນເມື່ອຮອດທຸກໆວັນສິນ ຕອນແລງມາຈະໄດ້ຍິນສຽງເນ່ືອງນັນຕຶ່ງຕັ່ງ ຄ້າຍຄືສຽງກອງແລງ ທີ່ຄູບາຕີໃນວັດຍາມແລງຕາມຄວາມເຊ່ືອມ ຂອງຄົນທ້ອງຖິ່ນນີ້ ວ່າແມ່ນຜີບັງບົດ ເປັນ ຜູ້ຕີ. ນອກນັ້ນຂຸນນ້ຳແຫ່ງນີ້ ເພິ່ນຫ້າມຫາປາ ແລະ ລົງຫລິ້ນນ້ຳເພາະມີເລື່ອງລາວເລົ່າຕໍ່ໆກັນມາວ່າ: ເມື່ອກ່ອນຫລາຍຮ້ອຍປີມາແລ້ວ, ຢູ່ວັດບ້ານນາ ມີພະອາຈານອົງໜຶ່ງ ຊ່ືີຍາຄູປາກບ້ຽວ ແລະ ຈົວນ້ອຍອົງໜຶ່ງທັງສອງໄດ້ລົງ ອາບ ນ້ຳໃນຂຸນນ້ຳກອງແລງແຫ່ງນີ້ແລ້ວຍາຄູກໍ່ຂຶ້ນມາ ນັ່ງງອຍງ່າໄມ້ເພື່ອສູບຢາຢູ່, ພໍດີກອກຢາຫລຸດມືລົງນ້ຳຍາຄູຈ່ຶງລົງໄປຊອກຫາ ໃນຂະນະທີ່ຈົວນ້ອຍຖ້າຢູ່ເທິງເມື່ອຍາຄູ ລົງໄປຮອດພື້ນນ້ ຳຢູ່ຈຸດໃຈກາງ ຂອງຂຸນນ້ຳກອງແລງກໍພົບກັບທໍ່ ແກ້ວໃຫຍ່ອັນໜຶ່ງ ເປັນສີຂຽວມໍລະກົດໃສງາມ ແລະ ຍັງມີນ້ຳຢູ່ໃນ, ມີຄວາມໃຫຍ່ເທົ່າກັບ ກອງເພນ-ກອງແລງ ທີ່ຄູບາໃຊ້ຕີຢູ່ວັດ ຈຶ່ງເປັນທີ່ມາຂອງຊື່ຂຸນ ນ້ຳກອງແລງ ຈົນຮອດທຸກມື້ນີ້
ໂດຍ:ແສງສະຫວັນ
KPL
