ໄລຍະໂຄວິດ-19 ລະບາດ ການບໍລິການ ວາງແຜນຄອບຄົວມີທ່າອ່ຽງຫລຸດລົງຫລາຍ

22/06/2022 11:03

Email Print 9612

ຂປລ ຂປລ. ນັບແຕ່ປີ 2012-2021, ຢູ່ ສປປ ລາວ ເຫັນວ່າຈໍນວນຜູ້ທີ່ນໍາໃຊ້ ການບໍລິ ການວາງແຜນ ຄອບຄົວມີພຽງ 190.000 ຄົນ ໂດຍສະເພາະ ໄລຍະການແຜ່ລະບາດຂອງໂຄວິດ-19 ນີ້, ການເຂົ້າເຖິງການບໍລິການ ການວາງແຜນຄອບຄົວ ມີທ່າອ່ຽງຫລຸດລົງຢ່າງຫລວງຫລາຍ.

ຂປລ. ນັບແຕ່ປີ 2012-2021, ຢູ່ ສປປ ລາວ ເຫັນວ່າຈໍນວນຜູ້ທີ່ນໍາໃຊ້ ການບໍລິ ການວາງແຜນ ຄອບຄົວມີພຽງ 190.000 ຄົນ ໂດຍສະເພາະ ໄລຍະການແຜ່ລະບາດ ຂອງໂຄວິດ-19 ນີ້, ການເຂົ້າເຖິງການບໍລິການ ການວາງແຜນຄອບຄົວ ມີທ່າອ່ຽງຫລຸດລົງ ຢ່າງຫລວງຫລາຍ.

ໃນລະຫວ່າງວັນທີ 21-22 ມິຖຸນາ 2022 ນີ້, ກົມອະນາໄມ ແລະ ສົ່ງເສີມສຸຂະ ພາບ ແລະ ສູນສຸຂະພາບແມ່ ແລະ ເດັກ ກະຊວງສາທາລະນະສຸກ ຮ່ວມກັບ ກອງທຶນປະຊາກອນ ຂອງສະຫະປະຊາຊາດ (UNFPA) ຈັດກອງປະຊຸມທົບທວນຄືນ ວຽກງານສຸຂະພາບຈະເລີນພັນ/ ວາງແຜນຄອບຄົວ ແລະ ອຸປະກອນ-ຢາຄຸມກຳເນີດ ປະຈຳປີ 2021-2022 ແລະ ທິດທາງແຜນການໃນຕໍ່ໜ້າ ເພື່ອກວດກາຄືນຄວາມຄືບໜ້າ ແລະ ຜົນສໍາເລັດ ຂອງແຜນງານ ການວາງແຜນຄອບຄົວ ໃນປີຜ່ານມາ ເຊິ່ງຄາດວ່າ ຈະຕ້ອງມີຜູ້ໃຊ້ບໍລິການ ການວາງແຜນຄອບຄົວ ເພີ່ມຕື່ມອີກ 140.000 ຄົນ ພາຍໃນປີ 2030. ດັ່ງນັ້ນ, ແຜນງານດັ່ງກ່າວ ຈະຕ້ອງໄດ້ເລັ່ງສຸມໃສ່ຢ່າງຕັ້ງໜ້າ ເພື່ອຮັບປະກັນວ່າ ທຸກຄົນຈະສາມາດເຂົ້າເຖິງ ການວາງແຜນຄອບຄົວ.

ທ່ານ ບົວແກ້ວ ສຸວັນທອງ ຮອງຫົວໜ້າກົມອະນາໄມ ແລະ ສົ່ງເສີມສຸຂະພາບ ໄດ້ໃຫ້ຮູ້ວ່າ: ອັດຕາການເຂົ້າເຖິງ ການບໍລິການຢາຄຸມກຳເນີດ ກ່ອນການລະບາດ ຂອງພະຍາດ ໂຄວິດ-19 ແມ່ນມີຄວາມໝັ້ນທ່ຽງ, ສປປ ລາວ ພວມກ້າວໄປສູ່ການ ບັນລຸເປົ້າໝາຍທີ່ວາງໄວ້. ແຕ່ເມື່ອມີການລະບາດຂອງ ໂຄວິດ-19 ການເຂົ້າເຖິງການວາງ ແຜນຄອບຄົວຫລຸດລົງ ຢ່າງຫລວງຫລາຍ. ລັດຖະບານ ສປປ ລາວ ໄດ້ໃຫ້ຄໍາໝັ້ນສັນຍາ ຕໍ່ ກອງປະຊຸມສາກົນ ກ່ຽວກັບປະຊາກອນ ແລະ ການພັດທະນາ ໃນເດືອນພະຈິກ 2019 ວ່າ: ຮອດປີ 2030 ຈະສາມາດຢຸດຕິອັດຕາ ການຕາຍຂອງແມ່ ໂດຍຜ່ານຄຸນນະພາບຂອງການເບິ່ງແຍງ, ພ້ອມທັງຍຸດທະສາດ ແລະ ນະໂຍບາຍກ່ຽວກັບ ສຸຂະພາບຈະເລີນພັນ, ແມ່, ເດັກເກີດໃໝ່, ເດັກ ແລະ ໄວໜຸ່ມ ເພື່ອຮັບປະກັນການ ສະໜອງການບໍລິການດ້ານສຸຂະພາບ ໂດຍອີງໃສ່ຄວາມສາມາດເຂົ້າເຖິງໄດ້ ແລະ ເປັນການບໍລິການທີ່ມີຄຸນນະພາບສູງ. ພ້ອມທັງໄດ້ວາງເປົ້າໝາຍ ໃນການເພີ່ມອັດຕາ ການນໍາໃຊ້ວິທີຄຸມກຳເນີດ (CPR) ໃຫ້ໄດ້ 70% ພາຍໃນປີ 2030 ເນື່ອງຈາກການຄາດຄະເນ ໃນປັດຈຸບັນ ໄດ້ນໍາໃຊ້ CPR ພຽງແຕ່ 53% ເຊິ່ງສະແດງໃຫ້ເຫັນວ່າ ສປປ ລາວ ຈະຕ້ອງໄດ້ເພີ່ມ 17% ໃນ 8 ປີຕໍ່ໜ້າ ເພື່ອບັນລຸຄາດໝາຍທີ່ວາງໄວ້.

ການວາງແຜນຄອບຄົວ ແມ່ນໜຶ່ງໃນສາມເສົາຫລັກ ທີ່ຊ່ວຍຫລຸດຜ່ອນ ອັດຕາການຕາຍ ຂອງແມ່ ແລະ ເດັກ, ທັງເປັນການປັບປຸງສຸຂະພາບ ແລະ ສະຫວັດດີການຂອງແມ່ຍິງ ແລະ ລູກຂອງເຂົາເຈົ້າ; ການວາງແຜນຄອບຄົວຊ່ວຍໃຫ້ແມ່ຍິງ ແລະ ຜູ້ຊາຍສາມາດຕັດສິນໃຈ ເຖິງການຢາກ ຫລື ບໍ່ຢາກມີລູກ, ການຍົກສູງການບໍລິການ ການວາງແຜນຄອບຄົວໃນປີ 2021 ສະແດງໃຫ້ເຫັນວ່າຈໍານວນຄົນຖືພາ ໂດຍບໍ່ຕັ້ງໃຈ ແມ່ນໄດ້ຫລຸດລົງໄປເຖິງ 243.000 ຄົນ, ການຫລຸລູກແບບ ບໍ່ປອດໄພຫລຸດລົງເຖິງ 63.000 ຄົນ ພ້ອມດຽວກັນນັ້ນ ຈໍານວນການຕາຍຂອງແມ່ ກໍໄດ້ຫລຸດລົງເຖິງ 170 ຄົນ.

ກອງປະຊຸມ ຄັ້ງນີ້, ໄດ້ເຫັນດີປັບປຸງການວິເຄາະຂໍ້ມູນ ແລະ ການນຳໃຊ້ຂອງ ພາກເອກະຊົນ ພ້ອມທັງຫລຸດຜ່ອນ ການຢາກເຂົ້າເຖິງການ ບໍລິການວາງແຜນຄອບຄົວ ແຕ່ບໍ່ສາມາດ ເຂົ້າເຖິງໄດ້ຂອງໄວໜຸ່ມ, ປັບປຸງການຄຸ້ມຄອງ ການສະໜອງແບບ ລະບົບຕ່ອງໂສ້, ສ້າງຄວາມສາມາດ ໃຫ້ແກ່ຜູ້ໃຫ້ບໍລິການ ດ້ານສາທາລະນະສຸກ ໂດຍສະເພາະ ດ້ານການບໍລິການ ແລະ ຂໍ້ມູນຂ່າວສານ, ເພີ່ມການລົງທຶນ ໃນແຜນງານການວາງແຜນຄອບຄົວ ຈາກແຫລ່ງງົບປະມານ ພາຍໃນປະເທດ.

ຂ່າວ: ມະນີທອນ

ຂໍ້ມູນ: UNFPA

KPL

ສາທາລະນະສຸກ
ສປປ ລາວ ເພິ່ມຄວາມພະຍາຍາມ ໃນການປ້ອງກັນຄົນ ແລະ ສັດ ບໍ່ໃຫ້ຕິດເຊື້ອພະຍາດວໍ້
10/1/2026 9:12:29 AM
ກະຊວງສາທາລະນະສຸກ ຮ່ວມກັບ ກະຊວງກະສິກໍາ ແລະ ສິ່ງແວດລ້ອມ ແລະ ບັນດາຄູ່ຮ່ວມພັດທະນາຈັດກິດຈະກໍາວັນສະເຫລີມສະຫລອງວັນຕ້ານພະຍາດວໍ້ໂລກ ປະຈໍາປີ 2026 ໃນວັນທີ 30 ກັນຍາ 2026 ຢູ່ທີ່ສວນເຈົ້າຟ້າງຸ່ມ, ນະຄອນຫລວງວຽງຈັນ.
ສາທາລະນະສຸກ
ນຳສະເໜີແຜນງານຮ່ວມມືໄລຍະໃໝ່ປັບປຸງການບໍລິການສຸຂະພາບໃນລາວ
9/22/2026 9:51:23 AM
ເມື່ອບໍ່ດົນມານີ້, ກະຊວງສາທາລະນະສຸກ ຮ່ວມກັບລັດຖະບານລຸກຊຳບວກ, ອົງການສະຫະປະຊາຊາດ ກອງທຶນສຳລັບປະຊາກອນ (UNFPA), ອົງການສະຫະປະຊາຊາດ ກອງທຶນສຳລັບເດັກ (UNICEF) ແລະ ອົງການອະນາໄມໂລກ (WHO) ນຳສະເໜີ ແຜນງານຮ່ວມມືອົງການສະຫະປະຊາຊາດ ໄລຍະທີ IV ວ່າດ້ວຍສຸຂະພາບຈະເລີນພັນ, ແມ່, ເດັກເກີດໃໝ່, ເດັກນ້ອຍ ແລະ ໄວໜຸ່ມ (RMNCAH).
ສາທາລະນະສຸກ
ຫາລືການກະກຽມບົດລາຍງານສະພາບລວມອ່າງນໍ້າ
9/21/2026 9:29:45 AM
ເມື່ອບໍ່ດົນມານີ້, ກົມຊັບພະຍາກອນນ້ຳ, ກະຊວງກະສິກຳ ແລະ ສິ່ງແວດລ້ອມ ຈັດກອງປະຊຸມປຶກສາຫາລື ກ່ຽວກັບການສ້າງບົດລາຍງານສະພາບລວມອ່າງຮັບນ້ຳ (State of the Basin Report) ໂດຍການເປັນປະທານຮ່ວມຂອງ ທ່ານ ອຸດົມສັກ ພິລາວົງ ຫົວໜ້າກົມຊັບພະຍາກອນນ້ຳ, ມີຜູ້ຕາງໜ້າຈາກສະຖານທູດອົດສະຕຣາລີ ປະຈຳລາວ, ກະຊວງການຕ່າງປະເທດ ແລະ ການຄ້າ ອົດສະຕຣາລີ, ບັນດາຄະນະກົມ, ຄະນະພະແນກຈາກກະຊວງທີ່ກ່ຽວຂ້ອງ, ອົງການຈັດຕັ້ງທີ່ເປັນຄູ່ຮ່ວມງານສາກົນຂອງກົມຊັບພະຍາກອນນ້ຳ, ຊ່ຽວຊານຈາກສູນສາກົນ ເພື່ອການຄຸ້ມຄອງສິ່ງແວດລ້ອມ (ICEM) ແລະ ພາກສ່ວນກ່ຽວຂ້ອງ ເຂົ້າຮ່ວມ.
ສາທາລະນະສຸກ
ເຜີຍແຜ່ເຊື່ອມສານສຸຂະພາບຈະເລີນພັນແມ່-ເດັກ-ເດັກເກີດໃໝ່-ເດັກນ້ອຍ ແລະ ໄວໜຸ່ມ
9/21/2026 9:29:42 AM
ກອງປະຊຸມເຜີຍແຜ່ ແລະ ວາງແຜນສຳລັບຍຸດທະສາດ ແລະ ແຜນປະຕິບັດງານການບໍລິການເຊື່ອມສານສຸຂະພາບຈະເລີນພັນ, ແມ່, ເດັກເກີດໃໝ່, ເດັກນ້ອຍ ແລະ ໄວໜຸ່ມ (ສມດວ) ໂດຍຖືເອົາຜູ້ຮັບບໍລິການເປັນໃຈກາງ ປີ 2026-2030 ຈັດຂຶ້ນໃນວັນທີ 16-17 ກັນຍາ 2026 ໂດຍການເປັນປະທານຂອງ ທ່ານ ວັນນະໄຊ ຊາດຕະກຸນ ຮອງລັດຖະມົນຕີກະຊວງສາທາລະນະສຸກ, ມີຜູ້ຕາງໜ້າໂຮງໝໍສູນກາງ, ພະແນກສາທາລະນະສຸກແຂວງ ແລະ ໂຮງໝໍແຂວງ ຈາກ 17 ແຂວງ ແລະ 1 ນະຄອນຫຼວງວຽງຈັນ, ພ້ອມດ້ວຍຄູ່ຮ່ວມພັດທະນາ ເຂົ້າຮ່ວມ.
ສາທາລະນະສຸກ
ຂະແໜງສາທາລະນະສຸກເອົາໃຈໃສ່ຮັບໃຊ້ບໍລິການຮັບໃຊ້ຄະນະຜູ້ແທນກອງປະຊຸມ 3RC-CCM
9/21/2026 9:29:39 AM
ຂະແໜງສາທາລະນະສຸກ ກໍຄື ບັນດາໂຮງໝໍສູນກາງ (ໂຮງໝໍມິດຕະພາບ, ໂຮງໝໍມະໂຫສົດ, ໂຮງໝໍເຊດຖາທິຣາດ ແລະ ໂຮງໝໍສູນກາງ 103 ກອງທັບ) ໄດ້ກຽມທີມແພດ ແລະ ອຸປະກອນການແພດສຸກເສີນ ເພື່ອຮອງຮັບກໍລະນີເກີດເຫດສຸກເສີນ ແລະ ໃຫ້ບໍລິການເບິ່ງແຍງສຸຂະພາບ ຂອງຄະນະຜູ້ແທນທີ່ເຂົ້າຮ່ວມກອງປະຊຸມທົບທວນສົນທິສັນຍາວ່າດ້ວຍການເກືອດຫ້າມລະເບີດລູກຫວ່ານ ຮອບວຽນທີ 3 (3RC-CCM) ທີ່ ສປປ ລາວ ໄດ້ຮັບກຽດເປັນເຈົ້າພາບ ໃນລະຫວ່າງວັນທີ 14-18 ກັນຍາ 2026 ໂດຍໄດ້ຈັດທີມແພດປະຈຳຢູ່ຈຸດຕ່າງໆ ເປັນຕົ້ນ ຢູ່ຫໍປະຊຸມແຫ່ງຊາດ ແລະ ສະຖານທີ່ພັກ (ໂຮງແຮມ) ຂອງຄະນະຜູ້ແທນ ຕະຫຼອດ 24 ຊົ່ວໂມງ.