ຂປລ
“ບົດລາຍງານ ການພັດທະນາໂລກ 2025” ໄດ້ເຜີຍແຜ່ ຢູ່ນະຄອນຫລວງ ປັກກິ່ງ ຂອງ ສປ ຈີນ. ບົດລາຍງານດັ່ງກ່າວ ແມ່ນສູນປັນຍາ ການພັດທະນາສາກົນຈີນ ເຜີຍແຜ່ພາຍໃຕ້ການຊີ້ນຳ ຂອງສູນຄົ້ນຄວ້າ ການພັດທະນາ ຂອງລັດຖະບານຈີນ, ບົດລາຍງານດັ່ງກ່າວ ໄດ້ຮັບການເຜີຍແຜ່ 4 ປີ ຕິດຕໍ່ກັນ.
ຂປລ.ວິທະຍຸ-ໂທລະພາບ ສູນກາງຈີນ, ວັນທີ 28 ຕຸລານີ້, “ບົດລາຍງານ ການພັດທະນາໂລກ 2025” ໄດ້ເຜີຍແຜ່ ຢູ່ນະຄອນຫລວງ ປັກກິ່ງ ຂອງ ສປ ຈີນ. ບົດລາຍງານດັ່ງກ່າວ ແມ່ນສູນປັນຍາ ການພັດທະນາສາກົນຈີນ ເຜີຍແຜ່ພາຍໃຕ້ການຊີ້ນຳ ຂອງສູນຄົ້ນຄວ້າ ການພັດທະນາ ຂອງລັດຖະບານຈີນ, ບົດລາຍງານດັ່ງກ່າວ ໄດ້ຮັບການເຜີຍແຜ່ 4 ປີ ຕິດຕໍ່ກັນ. ບົດລາຍງານປີນີ້ ມີຫົວຂໍ້ຫລັກວ່າ: “ຮ່ວມກັນ ເພີ່ມຄວາມໝັ້ນທ່ຽງ ແລະ ຄວາມແນ່ນອນ ໃຫ້ແກ່ ການພັດທະນາທົ່ວໂລກ”, ເພື່ອວິເຄາະ ຜົນສະທ້ອນ ຢ່າງເລິກເຊິ່ງ ຕໍ່ການພັດທະນາ ຂອງໂລກ ຍ້ອນປັດໄຈ ບໍ່ໝັ້ນທ່ຽງ ແລະ ບໍ່ແນ່ນອນທີ່ໂລກ ປັດຈຸບັນ ພວມຜະເຊີນຢູ່, ບັນລະຍາຍປັດໄຈ ທີ່ແນ່ນອນ ແລະ ເງື່ອນໄຂ ທີ່ດີທີ່ມີຢູ່ ໃນປັດຈຸບັນ, ຄົ້ນຄວ້າ ແນວຄິດໂດຍລວມ ແລະ ຊ່ອງທາງລະອຽດ ເພື່ອຊຸກຍູ້ ການພັດທະນາໂລກ ຢ່າງໝັ້ນທ່ຽງ ແລະ ຍືນຍົງ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
