ຂປລ
ກະຊວງສາທາ ລະນະສຸກ ຊີເລ ເປີດເຜີຍວ່າ: ຊີເລ ໄດ້ສັກວັກຊິນ ປ້ອງກັນ ພະຍາດ ໂຄວິດ-19 ໃຫ້ປະຊາຊົນ ກຸ່ມເປົ້າໝາຍ ຄົບໂດສ ລວມມີ 8,54 ລ້ານຄົນ, ກວມເອົາ 56,2% ແລະ ປະຊາຊົນ ໄດ້ຮັບ ການສັກ ວັກຊິນໂດສ ທຳອິດ 74%.
ຂປລ. ຕາມແຫລ່ງຂ່າວ ຊິນຮວາຂອງຈີນ, ວັນທີ 9 ມິຖຸນາ, ກະຊວງສາທາ ລະນະສຸກ ຊີເລ ເປີດເຜີຍວ່າ: ຊີເລ ໄດ້ສັກວັກຊິນ ປ້ອງກັນ ພະຍາດ ໂຄວິດ-19 ໃຫ້ປະຊາຊົນ ກຸ່ມເປົ້າໝາຍ ຄົບໂດສ ລວມມີ 8,54 ລ້ານຄົນ, ກວມເອົາ 56,2% ແລະ ປະຊາຊົນ ໄດ້ຮັບ ການສັກ ວັກຊິນໂດສ ທຳອິດ 74%. ທ່ານ ເອັນຣີເກ ປາຣິສ ລັດຖະມົນຕີ ວ່າການ ກະຊວງກ່ຽວຂ້ອງ ລະບຸວ່າ: ຊີເລ ໄດ້ຮັບການ ສັກວັກຊິນ ປ້ອງກັນ ໂຄວິດ-19 ແລ້ວ ລວມມີ 19.644.506 ໂດສ ໂດຍ ໂດຍມີ ເປົ້າໝາຍ ຈະສັກວັກຊິນ ໃຫ້ປະຊາຊົນ 80% ເພື່ອສ້າງພູມຕ້ານທານໃຫ້ແກ່ພວກເຂົາເຈົ້າ. ໃນຊຸມອາທິດ ຜ່ານມາ, ຜູ້ຕິດເຊື້ອ ໂຄວິດ ຢູ່ ຊີເລ ເພີ່ມຂຶ້ນ ສົ່ງຜົນໃຫ້ ຍອດຜູ້ຕິດເຊື້ອໂຄວິດ ເພີ່ມຂຶ້ນ ຢູ່ໂຮງໝໍ ແລະ ເຂດຊຸມຊົນ. ຊີເລ ກວດພົບ ຜູ້ຕິດເຊື້ອໂຄວິດ-19 ເພີ່ມ 5.568 ຄົນ ແລະ ຜູ້ເສຍຊີວິດ 46 ຄົນ ໃນວັນທີ 8 ມິຖຸນາ ຜ່ານມາ ເຮັດໃຫ້ ຍອດຜູ້ຕິດເຊື້ອ ສະສົມ 1.440.417 ຄົນ ແລະ ຜູ້ເສຍຊີວິດ 30.104 ຄົນ./.
KPL
