ຂປລ
ກະຊວງ ສາທາ ລະນະສຸກ ຕັວກກີ ລາຍງານວ່າ: ປັດຈຸບັນ, ປະຊາຊົນຕັວກກີ ໄດ້ຮັບການ ສັກວັກຊິນ ປ້ອງກັນ ພະຍາດ ໂຄວິດ-19 ລວມມີ18.114.000 ຄົນ.
ຂປລ.ຕາມແຫລ່ງຂ່າວ ຊິນຮວາຂອງ ຈີນ, ວັນທີ 9 ມິຖຸນາ, ກະຊວງ ສາທາ ລະນະສຸກ ຕັວກກີ ລາຍງານວ່າ: ປັດຈຸບັນ, ປະຊາຊົນຕັວກກີ ໄດ້ຮັບການ ສັກວັກຊິນ ປ້ອງກັນ ພະຍາດ ໂຄວິດ-19 ລວມມີ18.114.000 ຄົນ. ໂຄງການ ສັກວັກຊິນ ປ້ອງກັນໂຄວິດ-19 ເລີ່ມຂື້ນ ເມື່ອວັນທີ 14 ມັງກອນ ຜ່ານມາ. ຈາກນັ້ນ ທາງການ ຕັວກກີ ໄດ້ອະນຸມັດ ໃຫ້ໃຊ້ ວັກຊິນ ຊີໂນແວກ(Sinovac)) ຈາກຈີນ ໃນກໍລະນີ ສຸກເສີນ. ເມື່ອບໍ່ດົນມານີ້, ຕວັກກີລາຍງານວ່າ ກວດພົບ ຜູ້ຕິດເຊື້ອ ພະຍາດໂຄວິດ-19 ເພີ່ມ 6.609 ຄົນ ເຮັດໃຫ້ ຍອດຈຳນວນ ຜູ້ຕິດເຊື້ອສະສົມ 5.300.236 ຄົນ, ສ່ວນຍອດ ຜູ້ຕິດເຊື້ອ ເສຍຊີວິດ 48.341 ຄົນ ຫລັງຈາກ ພົບຜູ້ຕິດເຊື້ອເສຍຊີວິດເພີ່ມ 86 ຄົນ ແລະ ຄົນເຈັບປິ່ນປົວຫາຍດີ ລວມມີ 5.173.186 ຄົນ ພາຍຫລັງ ພົບຄົນເຈັບຫາຍດີເພີ່ມຂື້ນ 5.836 ຄົນ./.
KPL
