ຂປລ
ລັດຖະບານ ອົດສະຕຣາລີ ແລະ ຄະນະກຳມະການ ໂອລິມປິກ ແຫ່ງອົດສະຕຣາລີ ຈະສະໜັບສະໜູນ ນັກກິລາ ຫລາຍກວ່າ 170 ຄົນ ມາຈາກ 11 ປະເທດ ໃນປາຊີຟິກ ເພື່ອກຽມພ້ອມແຂ່ງຂັນ ກິລາ ໂອລິມປິກ-ພາຣາລິມ ປິກ ໃນນະຄອນຫລວງ ໂຕກຽວ ປະເທດຍີ່ປຸ່ນ.
ຂປລ.ຕາມແຫລ່ງຂ່າວ ອົດສະຕຣາລີ, ວັນທີ 8 ມິຖຸນາ, ລັດຖະບານ ອົດສະຕຣາລີ ແລະ ຄະນະກຳມະການ ໂອລິມປິກ ແຫ່ງອົດສະຕຣາລີ ຈະສະໜັບສະໜູນ ນັກກິລາ ຫລາຍກວ່າ 170 ຄົນ ມາຈາກ 11 ປະເທດ ໃນປາຊີຟິກ ເພື່ອກຽມພ້ອມແຂ່ງຂັນ ກິລາ ໂອລິມປິກ-ພາຣາລິມປິກ ໃນນະຄອນຫລວງ ໂຕກຽວ ປະເທດຍີ່ປຸ່ນ. ທ່ານ ມາຣີສ ເພັນ ລັດຖະມົນຕີ ວ່າການ ກະຊວງການຕ່າງປະເທດ ອົດສະຕຣາລີ ກ່າວວ່າ: ປາຊີຟິກອົສ ສະປອດ ມີເປົ້າໝາຍ ເພື່ອຫລຸດຜ່ອນ ຄວາມທຸກຍາກ ທີ່ນັກກິລາ ໃນເຂດປາຊີຟິກ ໄດ້ຜະເຊີນ ໃນໄລຍະ ການຝຶກຊ້ອມ ແລະ ຄັດເລືອກ ສຳລັບ ການແຂ່ງຂັນ ກິລາໂອລິມປິກ ຈາກການແຜ່ ລະບາດ ຂອງ ພະຍາດ ໂຄວິດ-19 ໃນເລື່ອງການຝຶກສອນ, ການເດີນທາງ, ທີ່ພັກ, ທາງການແພດ ແລະ ຈະຊ່ວຍໃຫ້ເຂົ້າຮ່ວມ ໃນກິດຈະກຳ ຄັດເລືອກ ຮອບສຸດທ້າຍ ເພື່ອໄປແຂ່ງຂັນ ໂອລິມປິກເກມ ໃນວັນທີ 23 ກໍລະກົດນີ້./.
KPL
