ຂປລ
ກອງປະຊຸມ ຮ່ວມລັດຖະມົນຕີ ກະຊວງການຕ່າງປະເທດ ແລະ ລັດຖະມົນຕີ ກະຊວງການຄ້າ ຄັ້ງທີ 37 ຂອງອົງການຮ່ວມມື ເສດຖະກິດ ອາຊີ ປາຊີຟິກ ຫລື APEC ໄດ້ຈັດຂຶ້ນຢູ່ນະຄອນຫລວງ ປັກກິ່ງຂອງ ສປ ຈີນ ຜ່ານທາງວິດີໂອ.
ຂປລ.ວິທະຍຸ ໂທລະພາບ ສູນກາງຈີນ, ວັນທີ 3 ພະຈິກນີ້, ກອງປະຊຸມ ຮ່ວມລັດຖະມົນຕີ ກະຊວງການຕ່າງປະເທດ ແລະ ລັດຖະມົນຕີ ກະຊວງການຄ້າ ຄັ້ງທີ 37 ຂອງອົງການຮ່ວມມື ເສດຖະກິດ ອາຊີ ປາຊີຟິກ ຫລື APEC ໄດ້ຈັດຂຶ້ນຢູ່ນະຄອນຫລວງ ປັກກິ່ງຂອງ ສປ ຈີນ ຜ່ານທາງວິດີໂອ. ທ່ານ ຫວາງຢີ້ ກຳມະການ ກົມການເມືອງ ສູນກາງພັກ ກອມມູນິດຈີນ ລັດຖະມົນຕີ ກະຊວງການຕ່າງປະເທດຈີນ ແລະ ທ່ານ ຫວາງເວີນທ່າວ ລັດຖະມົນຕີ ກະຊວງການຄ້າຈີນ ໄດ້ຮ່ວມກັນ ເປັນປະທານ ກອງປະຊຸມຄັ້ງນີ້. ຈາກນັນ ທ່ານ ຫວາງຢີ້ ໄດ້ກ່າວວ່າ: ສປ ຈີນ ຍິນດີຮ່ວມກັບ ບັນດາປະເທດສະມາຊິກ ສຸມຄວາມພະຍາຍາມ ເພື່ອຊຸກຍູ້ ໃຫ້ການສ້າງ ປະຊາຄົມ ອາຊີ-ປາຊິຟິກ ກ້າວສູ່ລວງເລິກ ແລະ ເປັນຮູບປະທຳ ຫລາຍຂຶ້ນ. ໜຶ່ງ, ຕ້ອງເສີມສ້າງພື້ນຖານ ແຫ່ງຄວາມສາມັກຄີ ໃຫ້ແໜ້ນແຟ້ນ, ປະຕິບັດ ຕາມແນວຄິດປະຊາຄົມ ອາຊີ-ປາຊີຟິກ. ສອງ, ຕ້ອງສ້າງຂອບ ແຫ່ງການເປີດປະຕູ ໂດຍລວມ, ຮັກສາທ່າອຽງ ການຫັນເປັນ ປະຊາຄົມ, ສ້າງເສດຖະກິດອາຊີ-ປາຊີຟິກ ແບບເປີດປະຕູ. ສາມ, ຕ້ອງຮ່ວມກັນ ສ້າງສະພາບແວດລ້ອມ ແຫ່ງການປະດິດສ້າງໃໝ່, ບົ່ມເພາະແຮງຂັບເຄື່ອນ ການເຕີບໂຕໃໝ່. ສີ່, ຕ້ອງເປີດກວ້າງເສັ້ນທາງ ການຮ່ວມມື ເພື່ອບັນລຸ ການພັດທະນາ ແບບຍືນຍົງ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
