ຂປລ
ນະໂຍບາຍພັດທະນາ ສູນກັ່ນຕ່ອງນ້ຳມັນ, ຕໍ່ກ່ຳປັ່ນ ແລະ ພະລັງງານແຫ່ງຊາດ ຢູ່ເຂດເສດຖະກິດ ຢູງກວັດ ຈະມີບຸລິມະສິດສູງສຸດ ຕາມຂໍ້ກຳນົດຂອງກົດໝາຍ ວ່າດ້ວຍການ ພັດທະນາຕົວເມືອງ.
ຂປລ.ວິທະຍຸກະຈ່າຍສຽງ ຫວຽດນາມ, ບັນດາກົນໄກ, ນະໂຍບາຍພັດທະນາ ສູນກັ່ນຕ່ອງນ້ຳມັນ, ຕໍ່ກ່ຳປັ່ນ ແລະ ພະລັງງານແຫ່ງຊາດ ຢູ່ເຂດເສດຖະກິດ ຢູງກວັດ ຈະມີບຸລິມະສິດສູງສຸດ ຕາມຂໍ້ກຳນົດຂອງກົດໝາຍ ວ່າດ້ວຍການ ພັດທະນາຕົວເມືອງ. ຫວັງວ່າກົນໄກຈຳເພາະ ຈະແກ້ໄຂສິ່ງທີ່ຍັງຄົງຄ້າງກ່ຽວກັບ ການລົງທຶນ, ທີ່ດິນ, ວາງແຜນຜັງ, ລະບຽນການບໍລິຫານ, ເຕັກໂນໂລຊີ ແລະ ຊັບພະຍາກອນມະນຸດ, ສ້າງເງື່ອນໄຂດຶງດູດ ບັນດານັກລົງທຶນ ຍຸດທະສາດ, ຜັນຂະຫຍາຍ ໂຄງການຂອບຂະໜາດໃຫຍ່ ແລະ ໝູນໄຊ້ເຕັກໂນໂລຊີ ທັນສະໄໝ. ຕາມຄະນະກຳມະການ ປະຊາຊົນ ແຂວງ ກ໋ວາງຫງາຍ ແລ້ວ, ເລື່ອງກົມການເມືອງເຫັນດີຕໍ່ ແຜນນະໂຍບາຍ ນຳໃຊ້ກົນໄກຈຳເພາະ ແມ່ນບາດກ້າວກຳນົດທິດ ເພື່ອປັບປຸງພື້ນຖານດ້ານນິຕິກຳ ໃຫ້ສົມບູນແບບ, ສ້າງເງື່ອນໄຂ ເພື່ອເສີມຂະຫຍາຍ ທ່າໄດ້ປຽບແມ່ນທ່າກ່ຳປັ່ນ ທະເລ, ພື້ນຖານອຸດສາຫະກຳ ແລະ ທີ່ຕັ້ງຍຸດທະສາດຂອງ ຢູງກວັດ, ຜ່ານນັ້ນ ຊຸກຍູ້ການດຶງດູດ ການລົງທຶນ ແລະ ພັດທະນາອຸດສາຫະກຳ ພະລັງງານຢູ່ ກ໋ວາງຫງານ. ເຂດເສດຖະກິດ ຢູງກວັດ ມີລະບົບທ່າກ່ຳປັນທະເລນ້ຳເລິກ, ມີເຄືອຂ່າຍຄົມມະນາຄົມເຊື່ອມຕໍ່ ກັບພື້ນຖານໂຄງລ່າງໄຟຟ້າ ນ້ຳ, ກຳຈັດສິ່ງເສດເຫລືອ ແລະ ບັນດາເຂດຕົວເມືອງສຳຮອງ. ປະຈຸບັນ, ເຂດເສດຖະກິດມີ 296 ໂຄງການ ຍັງມີຜົນສັກສິດ, ຍອດຈຳນວນທຶນ ຈົດທະບຽນ ປະມານ 19,27 ຕື້ໂດລາສະຫະລັດ. ນີ້ກໍ່ແມ່ນບ່ອນຕັ້ງໂຮງງານ ກັ່ນຕ່ອງນ້ຳມັນ ຢູງກວັດ, ແມ່ນໂຮງງານກັ່ນຕ່ອງນ້ຳມັນ ແຫ່ງທຳອິດ ຂອງ ສສ ຫວຽດນາມ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
