ຂປລ
ຄຳສັ່ງຫ້າມນຳເຂົ້າຂອງ ສ.ອາເມລິກາ ສຳລັບ ສິນຄ້າ ການາດາ ທີ່ມີມູນຄ່າ ເກືອບ 1 ຕື້ໂດລາສະຫະລັດ ມີຜົນສັກສິດ ຢ່າງເປັນທາງການ ເລີ່ມແຕ່ ວັນທີ 29 ກັນຍານີ້ ບັນດາສິນຄ້າ ຖືກຜົນສະທ້ອນສ່ວນຫລາຍແມ່ນເຄື່ອງດື່ມ ທີ່ມີສ່ວນປະສົມຂອງເຫລົ້າ, ຜະລິດຕະພັນນົມ ແລະ ລົດຈັກຜະລິດຢູ່ ການາດາ ຈຳນວນໜຶ່ງ.
ຂປລ.ວິທະຍຸກະຈ່າຍສຽງ ຫວຽດນາມ, ຄຳສັ່ງຫ້າມນຳເຂົ້າຂອງ ສ.ອາເມລິກາ ສຳລັບ ສິນຄ້າ ການາດາ ທີ່ມີມູນຄ່າ ເກືອບ 1 ຕື້ໂດລາສະຫະລັດ ມີຜົນສັກສິດ ຢ່າງເປັນທາງການ ເລີ່ມແຕ່ ວັນທີ 29 ກັນຍານີ້ ບັນດາສິນຄ້າ ຖືກຜົນສະທ້ອນສ່ວນຫລາຍແມ່ນເຄື່ອງດື່ມ ທີ່ມີສ່ວນປະສົມຂອງເຫລົ້າ, ຜະລິດຕະພັນນົມ ແລະ ລົດຈັກຜະລິດຢູ່ ການາດາ ຈຳນວນໜຶ່ງ. ນີ້ແມ່ນມາດຕະການຫລ້າສຸດຂອງ ທ່ານ ໂດນັນ ທຣຳ, ປະທານາທິບໍດີ ສ.ອາເມລິກາ ພາຍຫລັງ ທີ່ ການາດາ ໄດ້ຈັດວາງພາສີ ສຳລັບ ສິນຄ້າ ຂອງ ສ.ອາເມລິກາ ປະມານ 20 ຕື້ໂດລາສະຫະລັດ. ບັນດາລະດັບພາສີຂອງ ການາດາ ຢູ່ໃນລະດັບ ແຕ່ 15%–50%, ເພື່ອແນໃສ່ໂຕ້ຕອບ ເລື່ອງກ່ອນໜ້ານັ້ນ ວໍຊິງຕັນ ໄດ້ເກັບພາສີ 50%ສຳລັບ ສິນຄ້າ ການາດາ ມີມູນຄ່າ ເທົ່າທຽບກັນ. ທ່ານ ມາກ ຄານີ(Mark Carney), ນາຍົກລັດຖະມົນຕີ ການາດາ ຖະແຫລງວ່າ ປະເທດນີ້ ຈະປົກປ້ອງຜູ້ອອກແຮງງານ, ຊາວກະສິກອນ, ບັນດາຄອບຄົວ ແລະ ວິສາຫະກິດ ການາດາ.ຂະນະທີ່ ອຳນາດການປົກຄອງຂອງ ທ່ານ ໂດນັນ ທຣຳ ປະທານາທິບໍດີ ສ.ອາເມລິກາ ຖືວ່າ: ການາດາ ໄດ້ມີການຈຳແນກ ສຳລັບ ບັນດາຜູ້ຜະລິດເຄື່ອງດື່ມ ມີສ່ວນປະສົມຂອງເຫລົ້າ, ຜະລິດຕະພັນນົມ ແລະ ພາຫະນະຂອງ ສ.ອາເມລິກາ. ວໍຊິງຕັນ ຖືວ່າ ຄຳສັ່ງເກືອດຫ້າມ ແມ່ນຜົນຕາມມາຂອງເລື່ອງ ອອດຕາວາ(Ottawa) ສືບຕໍ່ຮັກສາ ບັນດາມາດຕະການ ຈຳກັດ ສຳລັບສິນຄ້າ ຂອງ ສ.ອາເມລິກາ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
