ຂປລ
ພິທີເປີດງານມະຫະກໍາກິລາ ເອຊຽນເກມ ຄັ້ງທີ 20 ໄດ້ຈັດຂຶ້ນຢູ່ນະຄອນນາໂກຢາ ປະເທດຍີ່ປຸ່ນ. ສໍາລັບ ຄະນະນັກກິລາ ຈີນ ທີ່ເຂົ້າຮ່ວມ ແຂ່ງຂັນໃນ ງານກິລາເອຊຽນເກມ ຄັ້ງນີ້ມີທັງໝົດ 815 ຄົນ ຈະເຂົ້າຮ່ວມການແຂ່ງຂັນ 38 ປະເພດ ກິລາ ແລະ 369 ລາຍການ.
ຂປລ.ວິທະຍຸ ໂທລະພາບສູນກາງຈີນ, ພິທີເປີດງານມະຫະກໍາກິລາ ເອຊຽນເກມ ຄັ້ງທີ 20 ໄດ້ຈັດຂຶ້ນຢູ່ນະຄອນນາໂກຢາ ປະເທດຍີ່ປຸ່ນ. ສໍາລັບ ຄະນະນັກກິລາຈີນ ທີ່ເຂົ້າຮ່ວມ ແຂ່ງຂັນໃນ ງານກິລາເອຊຽນເກມ ຄັ້ງນີ້ມີທັງໝົດ 815 ຄົນ ຈະເຂົ້າຮ່ວມການແຂ່ງຂັນ 38 ປະເພດກິລາ ແລະ 369 ລາຍການ. ອາຍຸສະເລ່ຍ ຂອງນັກກິລາແມ່ນ 24 ປີ, ໃນນັ້ນ 548 ຄົນແມ່ນເຂົ້າ ຮ່ວມເອຊຽນ ເກມ ເປັນເທື່ອທໍາອິດ. ນີ້ແມ່ນເທື່ອທີ 3 ທີ່ຍີ່ປຸ່ນ ໄດ້ຮັບກຽດເປັນເຈົ້າພາບ ຈັດງານມະຫະກໍາກິລາເອຊຽນເກມ ພາຍຫລັງ ເຄີຍເປັນເຈົ້າພາບມາແລ້ວໃນປີ 1958 ແລະ ປີ 1994. ງານມະຫະກໍາກິລາ ເອຊຽນເກມ ຄັ້ງທີ 20 ໄອຊິ-ນາໂກຢາ ປີ 2026 ຈັດຂຶ້ນ ລະຫວ່າງ ວັນທີ 19 ກັນຍາ ຫາ ວັນທີ 4 ຕຸລາໜ້ານີ້, ໂດຍນັກກິລາ ປະມານ 11.000 ຄົນ ຈາກ 45 ປະເທດ ແລະ ເຂດແຄວ້ນເຂົ້າຮ່ວມ ແຂ່ງຂັນໃນ 43 ປະເພດກິລາ, 71 ຊະນິດກິລາ, ລວມທັງໝົດ 469 ລາຍການ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
